|
محتاره ومتضايقه ومستحيه
السلام عليكــــــــــــــــم00
صباح الخير اعضاء المنتدى انا عندي مشكله بسيطه ولو تكرمتوا أبي حلها !! انا مملكه يعني مكتوب عقد قراني وخطيبي يزورني بين فتره وفتره يعني هو كل تسع ايام عنده اجازه ثلاث ايام وبهالثلاث ايام يزورني فيها والحين لي ثلاث شهور مملكه عليها وزواجنا بعد خمس او سته شهور والوالد الله يحفظه عصبي شوي ويتضايق اذا جا خطيبي يزورني وبالبدايه كان يسلم عليه والحين صار يسلم من بعيد حتى المصافحه مايصافحه وانا اتفشل ويطيح وجهي حتى مره خطيبي قالي هو الوالد مايحب احد يسلم عليه وانا مستحيه اقوله انو انت تزورني كثير وبابا مايرضى كذا 00 وامس كان عندي والوالد وجهه متغير وباين انو زعلان ومر من المجلس اللي انا وخطيبي جالسين فيه وقال( السلام عليكم 00يافلان قوم صلي الصلاة) وهو توه مأذن الحاصل او مشكلتي ان الوالد قال انا بقول لخطيبك يجي يزورك مره كل شهر بس فياانتي قوليله او ترى انا بقوله000 وبابا اكيد مايكره خطيبي بس هو متضايق لانه يزورني كثير وانا مدري شلون اكلمه بطريقه حلوه ومؤدبه وماتجرح شعوره انو يخفف زياراته0؟!!! لاني خايفه اذا الوالد قاله اكيد بيزعل خطيبي وانا صراحه مااحبه يكون زعلان او متضايق وخصوصا اذا كان من بابا00!!!! فتجي مني انا احسن بس شلون اقوله او يعني ابي كلام حلو ومايجرحه اذا تكرمتوا!!! واعتذر على الاطاله00 |
معقولة هو مافهم تلميحات ابوك!
ارى ان يوصل الخبر اخت زوجك بان يخفف والزواج قرب لانه بصراحة بعض الشيبان للحين متمسك بعاداته ويمكن يتنرفز والله اعلم |
حقيقة مشكلة متكررة...
صارحي زوجك وانتهى الموضوع |
انت مملكه وهذا زوجك من حقه وحقك يشوفك متى مايبي .......... وماله حق ابوك يزعل لان انتم ملكين مو خاطبين بس ... لا يكون يغير عليك وحاسس ان في واحد باخذك منه بيحرمه من بنوتته الحلوةبس هذي سنة الحياة ...
على العموم انا لو كنت مكانك ما عرفت شو اسوي ... انت اكيد تعرفين شخصية زوجك اذاكان من النوع إللي يتقبل النقد ويستمع لوجهات النظر أو لا وعلى هذا االأساس تصرفي ... يعني اذا كان من النوع الأول قولي له على الموضوع واذا كان من النوع الثاني حاولي اذا كان جاي وتكلم معاك وقال لك بجي تصرفين المضوع وتعذرين منه وتقولين له مثلاً اليوم بيكون عندنا ضيوف وما راح نكون على راحتنا وكذا إلين ما تقدرين تباعدين الفترة بين الزيارات .... بس حبيت اقولك مثل خليه في بالك البعيد عن العين بعيد عن القلب واحذري حبيبتي ... |
LIL __ isa_saber
يعطيكم العافيه على الرد مشكورين00 Assraar: يعطيتس العافيه بنوته وفعلا مو امدح نفسي بس انا الغاليه عند الوالد بس يعني والله شي يقهر اذا يغار وكذا ان كان مازوجني والا ماوافق على خطيبي على العموم ابقوله والله يستر لاني ماعمري نقدتوه وانشاءالله مايزعل علي يارب (البعيد عن العين بعيد عن القلب) ياويل قلبي أنا اجل على الدنيا السلام الله يرحمني ;) |
يمكن لازم تتبعي أقل الأمرين تكلمي خطيبك من باب الخوات ، يعني ممكن تقوليله إنه خواتك كل ما إجا وراح يصيروا يبكوا لأنه زيارته بتذكرهم إنك رح تتركيهم عن قريب :30: وإنك راجية منه يتفهم موقفك علشان تمر هالمرحلة على خير وإن شاء الله العمر كله قدامكم بس تريدين الصراحة (( موضوع الزيارة بالشهر مرة تقيل شوية )) ، يمكن من باب الدعابة تقوليله بنتظرك كل ما طل البدر هذا أوتمنالك كل التوفيق والسعادة أختك في الله سيدرا |
أختي هذا زوجك و ليس لأبوك حق أن يمنعة من زيارتك
يجب أن تكلمي كلاهما إبتدأ أبوك و تحاولي أو نوصلي لة أما بمحاضرة أب بفتاوى أو من كبار العائلة أن هذا لا يجوز و الرجل زوجك ويحق لة كل شيء و بعدها تفاهمي معة لماذا يكرة زيارتة يعني السبب . و بعد أن يقول لك السبب أرجوا أن تخبرينا لنرى هل لة الحق أم لأ.. أما هكذا فظلم سيعاقب الله أبوك بسببة إن شاء فليس من حقة منع زوج عن زوجتة |
اختي,,, قليله الخطيبك بكل صراحة انه والدك قالك هذا الشي ,,بس انتي من ناحيتك تريدي يزورك , فقليله ياريت تخفف الزيارة
|
لي راي تاني.
اذا خطيبك ما فهم من تلميحات الوالد بتخفيف الزيارات. انتي لا تقولي لخطيبك بابا كذا ويقول كذا او ما شابهه. لانه راح تصير حزازيه طول العمر بين زوجك في المستقبل والوالد والاثنين ما يطيقو بعض. خلي الوالد يستحمل فتره هالخمس شهور وبعد الزواج اكيد راح يقل زياره زوجك لوالدك. بعدين اذا جا زوجك في مره من المرات. حاولي انتي تقولي لزوجك طبعا بطيرقه انثويه بالدلع والتدلل خلص يكفي اليوم شفتني بما فيه الكفايه وابي انت تشتاقلي عشان المره الجايه |
من وجهة نظري.. انا ارى ان تكلمي كل منهما...
يعني تفهمي ابوك انه ما فيها شي لو زارك لانه زوجك وفهمي انك متضايقة من ردة فعله... واطلبي منه ان يقف الى جانبك ولا يتركك... اما زوجك اذا لم تستطيعي مصارحته فليس لك الا ان تختلقي الاعذار والله يعينك على الاشهر الباقية لازم تتاقلمي مع الوضع... وانت اكتر وحده تعرفي زوجك وتعرفي اذا كان سوف يتضايق ام لا... فبعض الرجال سوف يتفهمون الموضوع والبعض الاخر ممكن يثور ويعتبرها انقاص لكرامته... يجب ان تدرسي الموضوع جيدا وكان الله في عونك |
| الساعة الآن 10:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©