بعد ما اتكلمت المرة اللي فاتت عن البشرة وأنواعها والمزايا والعيوب اللي في كل نوع، وعلشان وعدتكم بتقديم ملف متكامل عن البشرة..
فانا المرة دي بتكلم عن الماسكات الطبيعية اللي تناسب كل نوع من أنواع البشرة، وكمان ممكن إنك تعمليها في البيت من غير ما تكلفك أي حاجة خالص لأنها بكل بساطة مكوناتها موجودة عندك في البيت وبالتحديد في المطبخ..
ده طبعا بالإضافة إلى إن الماسكات دي مافيهاش مواد كيمائية ممكن إنها تضر بشرتك..
يعني من الآخر كله طبيعي في طبيعي..

تعالي شوفي بنفسك

ازاي تحطي الماسك

قبل ما نتكلم عن الماسكات عايزة أقول لك على كام حاجة كده مهمة قوي تخلي بالك منها وإنتِ بتحطي الماسك، وده بيساعد إن الماسك ينجح ويجيب تأثيره إن شاء الله..
والحاجات دي مش صعبة خالص بس إنتِ خلي بالك منها..
وهي:

1. وإنتِ بتحطي الماسك مش محتاجة حد يقول لك إنك تحطي المسك على وجهك مع تجنب المنطقة اللي حول العينين والفم، وطبعا اوعي تنسي تحطيه على الرقبة من الأمام والخلف.


2- كمان اوعي تنسي إنك تنضفي بشرتك كويس قبل وضع الماسك، وده بيكون بإنك تغسلي وشك بالماء والصابون، بس خلّي بالك إن الصابون ده يكون بيناسب نوع بشرتك.



3- فيه حاجة حلوة كمان ممكن تعمليها، وهي إنك تبلي فوطة بماء ساخن وتحطيها على وجهك شوية لمدة 5 دقائق قبل ما تحطي الماسك.

ودي فايدتها إنها بتخلي مسام البشرة متفتحة وبالتالي تكون البشرة قادرة على إنها تتقبل الماسك اللي إنت هتعمليه بسهولة.

بس كده تعالي بقى نشوف المجموعة دي من الماسكات اللي مقسمة على حسب نوع بشرتك.

[line]
ماسكات للبشرة الدهنية

وطبعا زي ما إنت عارفة إن البشرة الدهنية محتاجة عناية خاصة وده لإنها بتتميز بحساسيتها الشديدة..

علشان كده بنلاقي إن أنسب أنواع الماسكات اللي تنسابها هي الماسكات دي.


ماسك الطماطم

http://www.boswtol.com/shababeek/ima...h/kamar_06.jpg

وطبعا مفيش بيت مافيهوش طماطم، وهتسأليني وتقولي ليه الطماطم بالذات؟ هاقول ليك علشان الطماطم بتتميز بمفعولها القابض للبشرة. وبكده يمكن الاعتماد عليها في تضييق مسام الوجه.


المكونات:
ثمره طماطم.
قشر نصف ليمونة.
عصير ليمون.

الطريقة :
اهرسي ثمرة الطماطم وضيفي إليها بشر قشر الليمون وعصير الليمون.
وبعد كده حطي الماسك على وشك لمدة ربع ساعة، ثم اشطفي وشك بعد كده بالماء الفاتر.



ماسك الردة

http://www.boswtol.com/shababeek/ima...h/kamar_07.jpg

المكونات:
ردة.
ماء ورد.

الطريقة:
ضيفي ماء الورد إلى الردة لغاية لما تلاقيها أصبحت على شكل عجينة لينة.. حطيها على وشك ورقبتك لمدة ربع ساعة.

بعد مرور ربع ساعة افركي هذا الخليط من على وشك بس خلّي بالك إن عملية الفرك دي تكون بلطف.

وميزة القناع ده إنه بيقضى على الخلايا الدهنية الميتة وبيعمل على إزالة الدهون الزائدة من على البشرة، وكمان بيكون له تأثير واضح في إزالة التهابات البشرة وتلطيفها.

ده بالإضافة إلى أن ماء الورد بيضفي على البشرة انتعاش وتلطيف ورائحة جميلة قوى.. أكيد لما تجربيه هتشعري بده.



ماسك شرائح الخيار

وده بيعتبر من أسهل أنواع الماسكات وهو عبارة عن إنك تقطعي شرائح الخيار وتغطي بيها وجهك لمدة ربع ساعة، وبعد كده شيليها واغسلي وجهك بالماء الدافئ اللي مضاف إليه ماء الورد وهتشوفي النتيجة بنفسك.




ماسك الخميرة

http://www.boswtol.com/shababeek/ima...h/kamar_04.jpg

المكونات:
خميرة بيرة (هتجيبيها من عند أي فرن أو حلواني).
ماء ورد.


الطريقة:
اخلطي الخميرة البيرة مع ماء الورد، بس خلّي بالك إنك تحصلي على قوام غليظ يشبه العجينة، وادهني بيها وشك ورقبتك على الأقل لمدة ربع ساعة.

وبعد كده اشطفي وشك بالماء الدافئ كذا مرة لغاية ما تتأكدي إنه مافيش أي أثر للخميرة على وشك..


بس كده دي كانت مجموعة من الماسكات اللي تناسب البشرة الدهنية، جربيها واكتبى لى النتيجة.

[line]

ماسكات للبشرة الجافة

دي بقى مجموعة من الماسكات اللي تناسب البشرة الجافة، وإنتِ اختاري منها اللي متوافر ليكِ.

ماسك زيت الزيتون بالبيض

http://www.boswtol.com/shababeek/ima...h/kamar_09.jpg

المكونات:
صفار بيضة.
ملعقتان زيت زيتون.
ملعقة دقيق.
ملعقتان لبن طازج.

الطريقة:
اخلطي المكونات دي كلها مع بعضها، وبعد كده حطيها على وشك وسيبيها لمدة ربع ساعة، وبعد كده اغسلي وشك بالماء الدافئ كذا مرة وهتشوفي النتيجة.


ماسك عسل النحل بالخميرة

http://www.boswtol.com/shababeek/ima...h/kamar_08.jpg

المكونات:
ملعقة عسل نحل.
ملعقة حليب طازج.
خميرة بيرة.

الطريقة:
اخلطي المكونات السابقة مع بعضها البعض، وبعد كده ضعي الخليط على وشك باستخدام فرشاة، وبعد كده سيبيه على وشك لمدة ربع ساعة، ثم اغسلي وشك بالماء الدافئ أكتر من مرة لغاية ما تلاقي إن الماسك مابقاش له أي أثر على وشك.

وعلى فكرة الماسك ده غير إنه بيفيد البشرة قوي، فهو كمان بيمدها بفيتامين "ب"؛ علشان كده بنلاقي إن كل بيوت التجميل بتستخدمه.



ماسك الكمثرى

http://www.boswtol.com/shababeek/ima...h/kamar_21.jpg

المكونات:
ربع ثمرة كمثرى.
بياض بيضة.
نصف ملعقة عسل.


الطريقة:
افرمي الكمثرى جيدا وضيفي إليها خليط من العسل والبيض وامزجي كل المكونات دي مع بعضها وحطيها على وشك لمدة ربع ساعة، ثم اشطفي وشك بالماء الفاتر.

بس كده دي كانت مجموعة الماسكات اللي تفيد البشرة الجافة جربيها واكتبى لى وقولي لى على النتيجة

ماسكات للبشرة العادية

البشرة العادية دي بقى مريحة خالص لأنها أفضل أنواع البشرة، يعني لا جافة ولا دهنية، بس برضه مايمنعش إنك تدلعي بشرتك شوية وتهتمي بيها، وعلشان كده جبنا لكم شوية ماسكات مخصوص للبشرة العادية..

ماسك الموز بالطماطم

http://www.boswtol.com/shababeek/ima...h/kamar_22.jpg

المكونات:
نصف كوب زبادي.
ثمرة موز.
ثمرة طماطم.
عصير نصف ليمونة.

الطريقة:
تخلط هذه المكونات مع بعضها، وبعد كده تحطيها على وشك لمدة ربع ساعة، ثم تغسلي وشك بالماء الدافئ وهتشوفي النتيجة.


ماسك الخيار بعسل النحل

http://www.boswtol.com/shababeek/ima...h/kamar_23.jpg

المكونات:
خيارة.
عسل نحل.

الطريقة:
اهرسي الخيارة جيدا في الخلاط وحطي عليها ملعقتين من عسل نحل واخلطيهم جيدا مع بعض، ثم حطي الماسك على وشك لمدة ربع ساعة، ثم اغسلي وشك بالماء الدافئ.


قناع الرده بالبيض

http://www.boswtol.com/shababeek/ima...h/kamar_25.jpg

المكونات:
بيضة.
نصف ملعقة صغيرة عصير ليمون.
ملعقتان كبيرتان من الدقيق.

الطريقة:
اخلطي المكونات كلها مع بعضها لغاية ما تبقى على شكل عجينة، وبعد كده حطيها على وشك لمدة ربع ساعة وبعد كده اغسلي وشك بالماء الدافئ.


ماسك الزبادي والبيض

http://www.boswtol.com/shababeek/ima...h/kamar_26.jpg

المكونات:
بياض بيضة واحدة.
4 ملاعق كبيرة زبادي.

الطريقة:
اخلطي بياض البيضة مع الزبادي، وبعدين اتركيه على وشك لمدة ربع ساعة، ثم اغسلي وشك بماء دافئ.

ممكن بعد كده إنك تمشِّي قطعة مبللة من المية الباردة على وشك، وعلى فكرة الماسك ده بيغذى البشرة قوي.

[line]


ماسكات للبشرة الحساسة

من اسمها كده يبقى بتتميز بحساسيتها الشديدة علشان كده نلاقي إن أنسب أنواع الماسكات اللي بتناسبها هي الماسكات دي، بس خلي بالك إن مدة الماسك على بشرتك لا تزيد عن عشر دقائق فقط، لأن البشرة دي مش محتاجة أكتر من كده، وكمان مش بتستحمل أكتر من كده.


ماسك الدقيق

http://www.boswtol.com/shababeek/ima...h/kamar_28.jpg

المكونات:
ملعقة كبيرة من الدقيق.
4 ملاعق كبيرة من ماء الورد.

الطريقة:
يتم خلط المكونات السابقة مع بعضها لغاية ما يكون على شكل عجينة لينة جدا توضع على الوجه والرقبة لمدة 10 دقائق، ثم تزال بقطعة قطن مبللة بماء الورد، ثم يغسل الوجه بالماء الفاتر.


ماسك عسل النحل الخالص

http://www.boswtol.com/shababeek/ima...h/kamar_29.jpg

المكونات:
5 ملاعق كبيرة من عسل النحل.

الطريقة:
مفيش أسهل من دي طريقة، وهي إنك تدهني وشك بالعسل النحل وتسيبيه على وشك لمدة 10 دقائق، وبعد كده تدلكي وجهك بأطراف أصابعك المبللة بعسل النحل، وتستمري في التدليك لمدة 3 دقائق، ويا سلام بقى على الانتعاش اللي هتحصلي عليه وإنت بتمرري قطعة من القطن مبللة بماء الورد. وبعد كده تغسلي وشك بالماء الفاتر.


ماسك الجليسرين

http://www.boswtol.com/shababeek/ima...h/kamar_27.jpg

المكونات:
2 ثمرة خيار.
جلسرين.
ملعقة دقيق كبيرة.

الطريقة:
اضربي الخيار في الخلاط، وبعد ما تضربيه ضيفي إليه كمية من الجلسرين مساوية لكمية عصير الخيار اللي عندك، وضيفي إليه ملعقة الدقيق.
بعد ما تجهزي الخليط ويكون بقى على شكل عجينة لينة حطيه على وشك وسيبيه لمدة 10 دقائق.
بعد مرور 10دقائق مرري قطعة مبللة بماء الورد على وشك وبعد كده اغسلي وشك بالماء الفاتر، وهتشوفي النتيجة.

[line]

ماسكات للبشرة المختلطة

البشرة المختلطة بتجمع بين البشرة الجافة والدهنية وعلشان كده فأنسب أنواع الماسكات للبشرة هي دي..
ماسك الجزر

http://www.boswtol.com/shababeek/ima...h/kamar_20.jpg

المكونات:
½ جزرة متوسطة الحجم.
¼ ملعقة عسل نحل.

الطريقة:
قطعي نصف الجزرة شرائح واعصريها وصفيها، وبعد ما تحصلي على هذا العصير ضيفي إليه العسل واخلطي هذا الخليط، وادهني بيه وشك لمدة ربع ساعة، وبعد كده اغسلي وشك بالماء الدافئ.

والماسك ده مش بيرطب البشرة وبس، لا ده كمان بيغذي البشرة بفيتامين أ.


ماسك الورد

http://www.boswtol.com/shababeek/ima...h/kamar_24.jpg

المكونات:
ورد ناشف.
عسل نحل.

الطريقة:
اطحني الورد واخلطيه بالعسل وحطيه على وشك ورقبتك لمدة نصف ساعة.


بس كده، دي كانت مجموعة من الماسكات يارب إنها تعجبكم، جربوها واكتبوا وقولوا لي على النتيجة واوعوا تنسوا تتابعونى المرة الجاية، علشان هتلاقوا حلول لمجموعة كبيرة قوي من المشاكل اللي بتتعرض ليها البشرة زي النمش والخطوط البيضاء..... وغيرها..

فتابعونى

:17:

ابدااااااااااع

الله يعطيك العافيه ..........نطمع للمزيد

المشاركة الأصلية كتبت بواسطة مسموسي :17: ابدااااااااااع الله يعطيك العافيه ..........نطمع للمزيد

المشاركة الأصلية كتبت بواسطة سنترافيش هو احنا نقدر ما نتابعش التميز و الروعة دي :22: شكراً لكِ يا أحلي و أجمل برنسيس

المشاركة الأصلية كتبت بواسطة يارب تفرجهااا** يسلمووووووووووووو

المشاركة الأصلية كتبت بواسطة alhanoof روعه .. روعه .. روعه .. روعه .................. يعطيك الف عافيه ياحبيبتي .. الله يوفقك دنيا وآخره وينولك مبتغاك يانور المنتدى:)