|
مهزله,,,زوجــــــــي..ساعدوني
بسم الله الرحمن الرحيم اخواني القائمين على هذا المنتدى وجميع الاعضاء... بناء على ثقتي بحكمتكم واعجابي بأرائكم وقدرتكم على مساعدة بعضكم البعض في حل المشاكل يسرني ان تشاركوني في مشكلتي ومشكلتي طبعاً مع زوجي http://kareem.s5.com/5.gif المشكله هي...ان زوجي يداوم طول الاسبوع فتره صباحيه وفتره مسائيه ماعدا يوم واحد عنده فتره صباحيه فقط(الخميس) ..هذا اليوم هو الي يفضى فيه بالليل يعني اذا بغينا نطلع نتعشى ونسهر او نتسوق مالنا الا هذا اليوم ..لانه طول الاسبوع مجهد و خروجه من العمل بالفتره المسائيه متأخر مانجلس ولاننبسط مع بعض يجي من العمل دااايخ ..معذور..! لكن بنفس يوم الخميس يجتمعون اصحابه بالليل باستراحه..كان في بداية زواجنا يطنشني ويروح عندهم رغم انه مايفضى الابذاك اليوم دار بيننا نقاش وجدال حتى توصلنا لحل ,,الحل ,,بالدور..خميس نطلع انا وياه ونقضي حاجاتنا... وخميس يطلع للاستراحه.. المهم الخميس الي فات كان خميس العائله.. (دار بيني وبينه نقاش في موضوع ماا) ذكرته بشي سبق قاله يخص هالموضوع الي نتناقش فيه....بطريقه عفويه.. هو مااعجبه اني اتذكرت هذا الشي برغم اني ماتوقعت انه بيضايقه كنت جدا عفويه...هو انفعل وقالي كذابه انتي كذابه ووتتقولين علي؟؟ رغم انه يدري اني اتمتع بذاكره قويه ماشاء الله ماانسى شي.. حلفت له وحاولت اذكره بادله ..بدى يعلي صوته بالبيت انتي كذابه انتي كذابه وعقابا لك بتنطقين اليوم في البيت ولافيه طلعه وانا بروح لاصحابي حاولت افهمه اتناقش مع لكن يعلي صوته انتي كذابه ..رغم انه يدري اني مو كذابه.. المشكله من فتره صاير اي حدث صغير بيننا وهو الغلطان يقوم يحرمني من ذا الخميس المشكله مو اني مقهوره من حرمانه لي من الطلعه او التنزه.. المشكله بطريقة تعامل زوجي معي يعاملني كطفله ذليله لاحول لها ولاقووه يهينني وكأن مالي اهل؟؟ يتهمني بالكذب عشان يتخلص او يتهرب؟؟ احس اني مهانه ذليله بين يدي رجل مايعرف الا نفسه اناني...ماكنت اتوقع ان اقع بمثل هذه الزيجه ماتمنيت فارس احلامي بهذه الصفات؟؟ وهذه ليست المشكله الوحيده في حياتي معه .. هذي امتداد لمشاكل بيني وبينه بسبب اسلوبه وتعامله السئ معي.. http://kareem.s5.com/5.gif والان ساطرح عليكم حلولي الي اتخذتها لحل المشاكل عشان ماتجيبونها لي.. http://kareem.s5.com/5.gif لاتقولون حطي شموع وليله رومنسيه وتكلمي معه وصارحيه..لاني صارحته ويام وعدني بالاقلاع عن الشي الي يضاايقني لكن انعكس علي النتيجه صار لما نقع في مشكله.. الامور الي طلبت منه الاقلاع عنه يجيبها اضعاف مضااعفه عشان يقهرني..يستغلها كنقاط ضعف؟؟ لاتقولون لي لما يهدى تعالي كلميه وفضفضي له وفهميه.لانه لازم يضع علي الخطأ وياما حطيت الخطا مني عشان ترجع امورنا وتصفا حياتنا برغم انه هو الغلطان وللاسف اي مشكله يذكرني بشي انا اتهمت نفسي فيه اغلاطه الي الي ورطت نفسي فيها عشان تسلك امورنا...برغم انه يدري انه هو الغلطان بس يستغل طيبتي وتنازلي عنه.. لاتقولون ابكي وتأسفي منه واشبعي غروره لانه اذا سويت كذا يزيد بأهانتي وتجريحي ..ويحاول اذلالي اكثر واكثــــــــــر؟؟ لاتقولون سوي نفسك زعلانه وتكشخي وتلبسي وتهندمي وتعطري وقدمي له الذ المأكولات عشان ينجذب لك ويجي خاضع..لاني سويت كذا وسفهني..!! لاتقولون تهاوشي معه وتعالوا الاصوات لانه برضوا جربته وانا الي تعبت................؟ بس الحل هذه المره جديد وابي رأيكم فيه.. الحل اني من يوم الخميس ماتكلمت معه ولا كلمه واذا تكلم معي ارد عليه بصعوبه مااجلس معه ولا يشوفني طبخ مااطبخ...لاتقولون وش هالزوجه الي ماتعرف واجباتها..لاني والله ماقصرت معه وضحيت كثير اولها ضحيت بكرامتي عشانه...طفح الكيـــــــــــــــــــــــــل.. ولاجاء يكلمني او يعتذر رغم انه يدري بغلطه لكن كبريائه مايسمح له؟؟ بس صعبت علي حالته صار مشتت افكاره مشرده احس انه بركان بينفجر .. مايعرف يجلس بالبيت ضايع..مشتت؟ عن جد حالته يرثى لها ... مايجي الا وقت النوم ويكون مو على بعضه حتى نومه كله احـــــــــلام بصوت مسموع؟؟ لاتقولون لي ابدا انتي فانا استنفذت كرامتي ولازم اقوم نفسي وجربت معه كل شي بعد دعاء الله سبحانه وتعالى باصلاح امورنا انا الامر عندي عادي ومات الي في قلبي ولاعاد اهتم لان قلبي انجرح وتألم مايهم زعل مو زعل شهر شهرين.. بس هو صعب علي حالته مشتت؟؟ ماارضى لزوجي وش رايكم مثلا لو تساعدوني في خلق موقف معين يساعدنا على هدم ذالك الحاجز..او طريقه فكره اخليه يبدا هو بالنقاش...؟ http://kareem.s5.com/5.gif |
" " الأخت الفاضله تووته .. فرج الله همك ونفّس كربك وثبتك وربط على قلبك وزادك صبرا على صبرك حبيبتي اعلمي ان لكل رجل مساويء وعيوب ومقابلهاا حسنات ونقاط ضعف تستطيعين الدخول منهاا الى قلبه وما انصحك به هو : وثّقي صلتك بالله جل وتعالى صلاة وذكراً وإنابة ودعاءً، فإن المؤمنة متى ما كانت إلى الله أقرب كلّما كان الله لها معينا ونصيراً وحافظاً وظهيراً.واحتسبي صبرك على زوجك واسألي الله الثبات على ذلك واستمري على حسن تبعّلك لزوجك، ومصارحته بحبك له والتفاني في خدمته حتى لو حصل منه ما يؤذيك أو يضايقك. اختي تووته: نقطه اساسيه يجب ان لا تهمليها ابداا في حياتك وهي ان تتخيري أفضل الأوقات لمصارحة زوجك بما يضايقك من بعض تصرفاته، وتغاضي عن الأمور البسيطة وركّزي على المشاكل الرئيسية في حياتكما وتغاضي عن ما سوى ذلك. هذاا ما استطعت ايصاله لكي اختي الكريمه أسأل الله الكريم أن يفرج همك وينفس عنك كربك وأن يقرّ عينك بما يسر فؤادك اختك الراجيه دعائكم امل ميت |
والله محد يلومك ولا احد راح يقولك حطي شموع ولا صيري رومانسيه .. انتو مشكلتكم الاساسية ضيق الوقت
مافيه مجال انه يترك العمل المسائي ؟ او على الاقل اجازه يومين بالاسبوع ؟ على وضعكم الحالي مافيه اي حل الرجال طاقه جبده من الشغل ويبي يفرح مع اصحابه وانتي طاقه جبدك من انتظاره وتبينه يكون معاك والله مادري شقولك مالك الا هاليومين بالشهر لايوجد حل ثاني الحين كملي زعلك شوي لكن لاتزودينها (لاتتركين الطبخ) لكن حاولي تصيرين رسميه جدا معاه وبالاسبوع القادم اذا صار دورك للطلعه قوليله لا مالي خلق او تعبانه خليه هو يفتقد خروجك معاه ويبادر من نفسه ولا تظغطين عليه كثير لان دوامه الصراحه مافي بشر يستحمل يداوم 7 ايام بالاسبوع صبح وليل زين ماينفجر مسكين |
أسلوبك جيد ..
استمري عليه .. |
شوفي حبيبتي تووته
انت ماعليك الا تشلينه وتوديه بيت أهله وقولي لامه هذا ولدك لكِ تاعبني وقاهرني ولا فيه فائدة ... <<<<<أمزح بس اريد أغير جوك شوي أسمعي غاليتي تووته في عبارة أبغاك تفهمينها تمام وهي >>(( أن تركيزنا على امر ما أو مشكلة تكبر أكثر من المتوقع)) مو يعني كلامي الاهمال وعدم المبالاه لالالا بالعكس انا أبغاك توازني الأمور بمعنى تعطي مشكلتك حجمها الطبيعي... أختي أولا مشكلتك تعتبر من الدرجات الوسط والشبه منتشرة وموجوده بكثر بالحياة الزوجية ... وكوني على ثقة أن هذا أمر وارد ومحتمل وحله سهل جدا جدا فقط يحتاج منك الى تفكير تمعن أكثر ... انتي خذي المشكلة من بدايتها لا من نتائجها <<<هذا مهم حددي نوع المشكلة هو ..( في التعامل ....في الواجبات.....في الثقة والأحترام.....الخ) بعدها شوفي سلبيات الامر وأيجابياته ولاتنظري للموضوع من زاويتك فقط قد تكون احد المشاكل من ناحيتك وطريقتك واسلوبك ممكن تكوني انت احد عوامل هذي المشكلة وحتى تكوني واضحة وبالطريق الصواب أكتشفي المنافذ المخفية في حقيقة مشكلتك بعطيك طريقة وجربيها وشوفي بس بصدق تعاملي معها.... أتركي الموضوع لفترة محدد ولنقول أسبوع أو اسبوعين ولكن أتركية بحق وحقيقه .... شرط أن تعود حياتك عادية وتعاملك معه طبيعي... ولا كان شي صار فقط للمدة التى حددتها لنفسك وأذا صعب عليك اتفقي معه أن اسبوع ممنوع الكلام في هذا الامر وبعد الاسبوع مسموح..... وحطوا تاريخ من كذا...... الى كذا..... وشوفي نتائجها .... وعندي لك اقتراح اخر ... اعرضي عليه فكرة مباره بينك وبينه ( هو طبعا بيوافق لانه في وضع متشدد ويبحث عن مشكلة وثغرات لك) ضعوا جدول لكِ وله... وكل واحد يغلط على الثاني تحسب نقطة لصالح المغلط عليه وان كل عمل مرضي من قبل الاخر تحسب نقطة له مثال: جدول لقسمين قسم باسمك وقسم با أسمه ونسخه معك وواحده معه أذا رفع صوته عليك سجلي في خانه اسمك x واذا عمل شي حلو لكِ سجلي في خانه أسمه x..... وهو بنفس الطريقه وحددوا مدة شهر وشوفوا من المنتصر والحاصل على نقاط اكثر أخيتي ما ذكرته لك حلول بسيطه قد لاتعني الكثير لك ولكن ركزت اكثر اهتمامي في حالتك النفسية وروحك الطيبة أحببت ان انعشها وأجدد نشاطها وحيوتها وحبها لحياتها الزوجية وسيدها ..... كوني على ثقة ان كل الامور بيدك وحدك وتحسنها ونجاحها يعني انتصارك انتي فقط لك كل الود أختي الغاليه أختك فجر |
المشكلة في الأسلوب ..
فلو أن كل امرأة أتخذت الأسلوب المناسب مع زوجها , لأخذت ما تريد .. أأما أساليب الإستفزاز , فالرجل لا يغفر لها , وسيؤلب نفسه عليكِ .. ومثل دوام زوجك مرهق جدا .. ولا تستطيعين اداراك الإرهاق الذي ينتابه .. فهو لا يجدك تشعرين به ..وخلقت فجوة بينك وبينه .. فمع أي خصام .. سينفجر عليك , ليخرج ما في أعماقه .. فلو عشتِ معاناته , وشعرتِ به , ووجد ذلك منك , لنسي الإرهاق والتعب .. حينما يراك , ولتلذذ بالتعب لأجلك , لأن روحت تمزجت مع روحه .. |
لا تجعليه يتعود على البعد والخصام
تبينه يكلمك تعطري وتبخري وخلي ريحتك تفوح بأجود الاطياب اكشخي وتزيني واستعرضي قدامه واذا راح ينام نامي حذاه يمكن ما يتحمل ويجيك ...........وساعتها تغلي وحسسيه زعلك .............وبعد ................تصالحوا وبعد ..........كلميه وقولي له مثل ما انت كنت متضايق لما كنت زعلانة منك انا بعد اتضايق لما ما تفهمني انا أشعر بوحدتي وانا معاك وانت موجود فارجو انك تحس فيني وتراعي مشاعري وانا مالي غيرك ............... الله يوفقك ويصلح لك زوجك ويسخره لك اللهم آمين |
امل ميت جزاك الله خيرا على هذا الدعاء وشمل جميع نساء المسلمين اقتباس:
اشكرك على نصيحتك من كل قلبي واتمنى لكي التوفيق سماء قطر شكرا لمرورك....... اقتباس:
زرقة البحر شكرا لك وادعي لي ان الله يثبتني على موقفي لاني اعرف نفسي حنونه..ادعي بالخيره ..جزاك الله كل خير فـجـر اقتباس:
اقتباس:
اقتباس:
..بس ياخوفي الخانه حقتي تصير كله علامات من كثر مااتنازل واحط اخطأه على راسي.. :29: |
جمر... شكرا اخي الكريم لمرورك بس انا اسلوبي معاه لطيف وهادئ بعدين دوامه صحيح فترتين بس فيه فترات راحه..من 8 الصباح الى 3 العصر ومن 7 المساء الى 9ونص الليل؟؟ وانا طول الاسبوع اتنازل عن رغباتي عشانه... بعدين مو مشكلتي انا اطلب منه شي غصب عنه لاااااااا ..هو برضاه..بس ليش يستغل هذا الشي ويتعامل معي باسلوب سيء جدا ..فنقطة المشكله تعامله السىء معي؟؟ دفء الحياة اقتباس:
من ناحية التعطر والتكشخ مااظنه يأثر فيه اعرفه زين عنيــــــــــــــــــــــــــــــــد... شكرا للجميع على تفاعلهم معي وياريت تقدمون لي حلول اكثررر |
الاخت توته 000
الله يعينك ويهدي لك زوجك إن شاء الله ولكن احب اذكرك بحديث الرسول صلى الله عليه وسلم حيث قال : { أيما امرأة باتت وزوجها عليها غضبان باتت تلعنها الملائكة حتى تصبح" } بالكلمه الطيبه والمعامله الحسنه سيهدي الله زوجك :22: ادعو الله في هذا الثلث الاخير من الليل ان يهدي لك زوجك وان يسعدك في حياتك وان يبعد عنك كل مايغضبه عز وجل وتقبلي مروري 000 الأخ الكريم . أرجو التكرم بترك رسالة باسمي في عالم الرسائل الخاصة . شكرا |
| الساعة الآن 09:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©