|
لاصحاب العقول الراجحه ساعدوني ابنجن من هالزوج
السلام عليكم ورحمة الله وبركاته
والله مو عارفه من وين ابدا قصتي كلها شربكه بس يليت تفهمونها وتعطوني حلول تفيدني انا متزوجه من ست سنوات من دون اطفال طبعا احمل واجهض ولله الحمد والمنه على قضاءه وقدره مشكلتي مو هنا مشكلتي مع زوجي وقبل مااقول مشكلتي ابي اقول صفا ت زوجي زوجي طيب حبوب رحوم مره، نفسه ماتسمى ( بالنفس اللوامه ) مرح ( هذي الصفات اذا كان بحالته الطبيعيه اما غير كذا فهو عكس الصفات تماما مشكلته انو مدمن خمر وحبوب منشطه متى عرفت بعد ثلاث سنين من زواجي طبعا كل شي بالصدفه ولاتقولولي وشلون لانو قصه طويله عريضه كان يضربني ضرب مو طبيعي يسهر لين الفجر يموت على شي اسمه نوم عند اهلك وهذي اشياء مو طبيعيه بس ماكنت اعرف انو مدمن الا بعد ماطحت باثار الجريمه ماترك شي ماسويته اتخانقت معه رحت لبيت اهلي طنشته طلبت الطلاق عاملته بالين مافي فايده يتوب ويرجع كلمت استشاريين بس احس حلولهم مو ذيك الي تجيب نتجه واضحه تتقولولي تبيله صبر ومن قالكم اني ماصبرت كله كوم واهله كوم جيبيلي الهم والغثاء لمن نتمشكل مايمسك لسانه يروح لمه ويقوله طبعا يسبن انا وكانه المسكين اتقاء الاتقياء وكاني انا الي مو مضبوطه وخوذو كلام يجرح من امه وياليته مره ولامرتين لا مستمر على الوضع وامه ماتقصر تنشر الخبر وتعالو شوفو فشيلتي اخره قبل كم شهر سافرنا انا وياه وكن متكفله بالسفريه من الى مابيله شي علشانه مايغثن مثل كل مره وكان وقت نزول الراتب راتبه كالعاده نصه غياب مخصوم ونصه للبلاء لمنرجعنا ماسدد اقساط السياره الوكاله تدق على اهله امه تخانقه تقول وين فلوسك انت وحرمك يجي يحط الحره فيني انا قلت مامعي علشان اعطيك طبعا اخرتها انضرب ضرب ،الحمار ماينضرب مثل ضربي بنهايه كالعاده قالي عطين واخر مره اشرب اعطيته(غبيه) ثلاث ايام وهو راجع للشرب وثلاث ايام ماشفته لانو يتغيب عن البيت بالايام اتصلت عليه قلت فلان قل امين عساك تدفع اضعاف الي انت اخذت من بسيارتك والله دعيت عليه من حرقتي من ضربه والله يمكن يومين الاومسوي حادث نجاء منه باعجوبه ويتصل على من عند اهله يقولي فلانه سويت حادث فلانه معي خمر بسياره ادعي ربك يستر علي يارب دارة فيني الدنيا دعيت ربي انو يستر عليه وكل شوي ادق عليه عند اهله اتطمن عليه ويقولي عند امه فلانه ربي استجاب لدعائك وامه تقول الى الحين ماعقلتو طبعا باعجوبه طلع منه والحمدلله التزم اربع شهور ورجع الان للحبوب اربع ايام مواصل ثلاث ايام نايم هو يقولي الان انا مارجعت للخمر انا ابي اتوب ساعديني وانا مااعطيه وجه لي فتره واهزئه على قصة سيارته وغير كذا دوامه كل الي فيه مدمنين حاول ينقل مديره رفض لاتقلولي واسطات ياناس ابي حل والله اني اموت عليه وهو نفس الشي بس شسويله لاتقولولي اهله اهله كل واحد نفسي نفسي امه لو الواحد يسكر قدامه لالالايقول احدد لفلان شي فلان حبيبه تقومهم على حريمهم ماتعقلهم مادي وش هالام الله يعافيه ولايبلانا مع انه تدري وش بولده اهلي مو احسن حال من زوجي ابوي نفس الشي خوالي لو ابقولهم الديرة كلها تدري اعمامي مالي اعمام ونسيت اقولكم اهلي مايدرون بشي نهائيا وعلشان اكون واضحه راح اقول صفاتي ممكن تنصحوني بالتعديل طيبه مرررررررررررررررررره حنونه مررررررررررررررره عصبيه يفلت لساني بعض الاحيان مااقصر معه بشي ابيكم تنصحوني وشلون اخذ بيده وشلون مااجرحه بالي سواه فيني وشلون انا انسى بعد كذبه على امه ولون اتعامل مع امه الي تحط الحق علي وكانو مايسوي شي ((((((((((( تنبيه : لاوحده تدعي على زوجها والله بحياتي ماتندمت مثل هالمره بس الحمدلله )))))))) تكفون والله مالكم الاالدعاء |
الله يعينج اختي على بلواج ما لي غير الدعاء واتري النصيحه من الاخوان والاخوات تراهم ما بيقصرون
|
اختي اتركي امه على جنب الحين وحلي مشكلة زوجك بعدين رجعي لامه
اول شي لاتهزئينه ولا تخلينه يرتد عن توبته بسبب تهزيئك له ثاني شي مشكلة الادمان اصعب من ان اي احد من اعضاء المنتدى يحلها .. اتصلي على المدمن المجهول وخليهم يتدخلون ويساعدونك .. هم جزاهم الله خيرا عملهم كله بسريه تامه وبفضلهم بعد الله تاب الكثيرون لانهم اقدر على فهم المدمن منا احنا ومنك ثالث شي كنت ابي ادعيلك بالذريه عسى الله يرزقك بنين وبنات ويعوضك عن الي راحوا .. وعسى الله يهدي زوجك ويتغير دائما للافضل |
غنج ..ماشاء الله أنتي دعوتك والقبر :)
الله يعينك ..والله اعلم ان الأجهاض أبتلاء لكـم ..ويمكن عقوبه على الي يسويه زوجك ..الأدمان يبي له وقت ..مجرد وقت وصبر بس ..وهو يرجع رجال سنافي ..وأنتي خليك وراه وراه..بس لو انه مايعلم امه بكل شي .."دلوع امه" ..بس نصيحتي شوفي لك أحد من أهلك أخوانك ..تثقين فيه ..وعلميه بسالفة هالدمار الي يشربه ..يقدر يساعدك ..أقل شي يدخله مستشفى .. احد عنده غنج مثلك ..وصبر مثلك ..وفوق كذا ماهو مقدرك ؟ .. الله يصبرك عليـه .. |
اختى الفاضلة
بعد التحية من الواضح ان زوجك عنده النية للعلاج وخاصة بعد حادث السيارة ولكن لايستطيع نتيجة ادمان المخدرات عليكى بالصبر والدعاء . ..... والوقف الى جانبه فى هذه المحنة ......ومنحه الثقة بالنفس وأنه قادر بأن يعبر هذه المحنة بالعزيمة والاصرار والتمسك بدين الله. ويجب عليكى ايتها الزوجه الصالحة المحبة لزوجها دفعه لعمل زيارة الى الطبيب للعلاج من الادمان العلاج الطبى والنفسى المناسب واخيرا عليكم التمسك بالدعاء ...الدعاء .......وانتى بالاخص تعلمين تأثير الدعاء وانتمنى لكم التوفيق والذريه الصالحة والله معكم اشرف الامام |
أنا أنصحك أختي بأن تخبري الهيئة
ستستغربي من هذه النصيحة ... لكن ! أنت ستخبري الهيئة لا لكي تنتقمي منه ولا لكي تشفي عليلك لا.... لكن لأنك تحبينه وتخافين عليه وتريدين أن يقلع عن هذا الأمر وبعد أن تمسكه الهيئة ستقوم بتتبع الناس الذين يبيعون هذه الأمور ويتم محاسبتهم وبهدها يتربى ويتعالج ووقتها سيعرف أن الله حق وحيتوب ويعرف قيمة زوجته ويتذكر كل نصيحة سمعها منك ويبكي عليه أسأل الله لك الفرج واستخيري قبل كل شئ |
اختي اعانك الله تريثي ولاتنصدمي من بعض الحلول اللي راح تلاقينها
ولنا عودة ونترك الحل لمن هم أهل لذلك |
اقتباس:
اقتباس:
لان مشكلتك صعب اي حد يحلها لك بالكلام ولا النصح واصلا زوجك مدمن ماراح يتقبل !! زوجك يبيله شي اقوى منه يقومه وبالمقابل يكون ساتر عليه ومحد يدري وغير ان اللي يطلب او ياخذونه للعلاج بامر اهله تكون معاملته قانونياً غير عن اللي يمسكونه وهو مدمن !! وتقدرين في فترة علاج زوجك واصلاحه دينيا وتقويمه انك تقولين ان زوجك مسافر والله بياجرك ان شاء الله وبيعوضك خير |
الله يعطيكم العافيه وماقصرتو
|
اقتباس:
اقتباس:
لو تنفذين كلامهما فلقد ضربتي عصفورين بحجر ، زوجك وصل لحالة يحتاج فيها إلى أمرين : 1/علاج نفسي وطبي 2/الأخذ على يده بقوة وفقك الله أختي وشفا زوجك وجعل منه قرة عين لك .. |
| الساعة الآن 11:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©