ساعدوني احس اني باتجنن؟
 

السلام عليكم ورحمه الله وبركاته
معليش بادخل في الموضوع على طول
هناك سؤال وأتمنى من الأزواج وخاصة الذي يميل الى التدين والالتزام اللي يشوف وحده في التلفزيون او الانترنت وتكون احلى من زوجته تتوقعون في نفسه ايش يقول لأني بصراحه مقهوره لأني شفت زوجي اليوم دخل على موقع يطالع اخر الاخبارفي السياسه وظهرت صوره امرأه تحمل في يدها كتاب وجلس فتره يناظر الصوره بصراحه انقهرت وبغيت اقوله خير ان شاءالله عجبتك وفي نفس الوقت خفت افتح عيونه على شئ وسويت نفسي مش مهتمه وبصراحه اخاف اظلمة يمكن كان يشوف اسم الكتاب
وفي موقف ثاني لاحظت في الفتره الأخيره لمااكون مستعده له وكاشخه مايقولي كلام حلومثل قبل ولما اتذكر المواقف هذه اجلس ابكي واكون مقهوره ولما اتخيل مجردخيال انه يتزوج علي ابتجنن لأني احبه بجنون وابغاه يكون ملكي لي وحدي وماابغى احديشاركني فيه
اسفه على الاطاله اتمنى ان تكون ردودكم مقنعه
اختكم
فووووووز

اختي فوز
لاتبكي لحالك وانما ابكي امامه
اذا كشختي ولم يمدحك فقولي : نلبس ونكشخ ومحد معبرنا
لما تشوفينه يطالع صورة وحدة غيرك تعالي ولميه وبوسيه وقولي له انا الاصل وخل عنك النسخ
لاتهملين الرجل
الرجل يحتاج للكلمة مثل مايحتاج للكشخة
يحتاج للتوجيه والتنبيه
يحتاج للاحساس بانك تحبيه
ان شاء الله بتشوفين زوجك يتغير الى الاحسن

الله الموفق

والسلام ختام

وانا مثلك انقر لما زوجي يشوف اي اجنبيه

حتى لو كانت قبيحه

الله يصبرنا ويثبتنا

الأخت الفاضلة ليش تبكين؟ما فيه شي يبكي لكن الشيطان يحب يوسوس لك يمكن زوجك يناظر الكتاب صحيح ، فإذا أردتي أن تبعدي عنك وسوسة الشيطان فالتمسي لزوجك ألف عذر وعذر، ولا تسيئي الظن خاصةوان زوجك كما يبدو ملتزم، وفيما لو افترضنا انه كان ينظر للمراة فهي مجرد صورة ونظر زوجك لها يعد نزوة، ثم تذهب عن خياله،وفي مثل هذه الحالة يمكن أن تذكريه بان هذه النظرة محرمة بطريقة مهذبة كأن تقولين : استغفر الله ايش هالحرمة وتسكتين، وهو في هذه الحالة سوف يتذكر خطأه، ولن تفتحين عيونه لأنها أصلا مفتحة وإن أراد النظرة المحرمة فلن تستطيعي منعه إذا لم يكن لديه حاجز إيماني.

ذكرتيني بكتاب كنت اقراه اليوم عن العقل الباطني، يقول كاتبه "لا تفترض وقوع أشياء لا تريدها أن تقع فتقع" وهذه مثل حالتك مع خوفك من زواج زوجك، لأنك إذا أكثرت التفكير في أن زوجك سوف يتزوج قد تتسببين في زواجه حيث تتعاملين معه باسلوب الخوف، والشك،وسوء الفهم،ثم ينعكس ذلك على حب زوجك لك سلبا ثم يبدا بالتفكير في الزواج بالثانية.

بصراحة عجبني كلام بو عبد الله يعطيه ألف عافيه ..
يا أختي لا زم تنبهيه , و أكثر الرجال بتكون عيونهم طويلة , وما يقدر يشوف حرمة حلوة وما يطالع .
بس انتي تعالي له بنفس الأسلوب اللي قاله بو عبد الله ..
الله يصبرك . لأنه شي يقهر .

مو معقول كل ما شاف وحدة بتنقهرين حبيبتي خذي الموضوع ببساطة وسوي إللي قاله أبو عبد الله هو أفهم في هذه الناحية ..

أما عني أنا وانا أتكلم عن تجربه زوجي عيونه مثل عيون البوم مستحيل تمر وحدة من غير ما يعلق عليها أنا يجي دوري مرة أقوله حرام ومرة ترضى أحد يطالع في مثل ماأنت تطالعها .. ومرة كما تدين تدان وأحيانا أقوله من حلاتها ... (أستغفر الله أكثر طلعاتنا حش في خلق ربي )..يقول لي والله أنت شايفه كذا ..

صعبه أنك كل ماشاف وحدة بتنقهرين .. بتروحين للسوق وتلقين حريم وتروحين الملاهي وتلقين نفس الشيء وفي المطار وفي المستشفى وعند بوابات المدارس والكليات وفي الشوارع وعلى البحر وفي المنتزهات وفي السفريات للخارج... أذا زي كذا أنت راح يقصر عمرك وتصابين بالضغط والسكر ويمكن يصيبك سكته ولا جلطة وبعيد الشر عنك بس أبغى أقول لك طنشي طنشي كل إللي بيشوفه هم ببيوتهم وأنت ببيتك .. وعقلك في راسك تعرفين خلاصك..

بوعبدالله كلامه عين العقل.....

الله يسامحك يازوجي العزيز ..........
ماكنت اعرف شمعنى الغيره ؟؟
واللحين اقرا كلام اختي فوزالبكري ومقهوره !!!
كنت اكلمه عن صديقاتي لدرجة انه حافظ اساميهم !!!
واحيانا اذا ذكرت اسم واحده منهم وانا اسولف عنها مثلا قلت له بروح مع صديقتي او بزور صديقتي
وسالني منهي وقلت له اسمها وماتذكرها اقوله شفيك نسيتها !!!
صديقتي هذيك الطويله او الدبا او الضعيفه عرفتها اللحين ( تخيلوا !!! )
اطلب منه يوصل صديقاتي سواء متزوجه او مو متزوجه عااااااااااادي عندي !!!
امدح صديقاتي خاصه اذا كانت اكبر مني اجيب كل محاسنها لانه ماكان يحبني اتعرف على
صديقات اكبر مني بعشر سنوات او اكثر يقولي شلون تتعرفين على اكبر منك وشلون صديقتك توافق تكون صديقتك وانتي اصغر منها بكثير قلت له شفيها يعني !!! المهم العقل والتفكير وولدي البكر بعمر ولدها البكر يعني عندنا عوامل مشتركه !! وبعدين انت اكبر مني واكبر من كل صديقاتي اللي تقول عنهم كبار ومع هذا انت زوجي !!! فكنت امدحهم واقول طيبه وملتزمه واخلاق الخ حتى يسكت عن صديقاتي الكبار في السن !!

رغم انه مايسال عن اخلاق صديقاتي اللي بكبري واللي غير متزوجات !!

ياربي على قلبي اللي كان نايم ومرتاح !!!!!!!!!

كل شي عادي عندي يعني اشوف واحده في التلفزيون اقوله شوف هالممثله شمسويه !!!!
و شوف شلون غيرت شكلها .. الخ
بس احيانا كثيره يعصب لمن اكلمه عن ممثلات ويقوم يغير القناه وهو معصب او يقولي يالله نروح ننام
وهو معصب ومايخليني اكمل الفلم او الشي اللي كنت اتابعه
وانا اقول خير ان شاء الله شفيك كنت طبيعي شاللي صار !!! :(

كنت دايماً اشتكي من العصبيه اللي مالها سبب وتطلع منه فجأه رغم انه كان يسولف ويضحك معاي !!
وكنت متأكده اني ماغلطت عليه !!! فليش يعصب علي فجأه !!!!

طلع كان مقهور اني ماغار ويعصب لمن يشوفني عاديه ولا اغار عليه يحسب اني ماحبه !!!

بس اللحين مادري شصار فيني ؟؟؟

مادري هو كلامه الحلو والجديد معاي وحركاته المستمره لتغييري خلاني اتغير ؟؟

والا عين ماصلت على النبي !!!!!! :29:

تصدقين اني اعرف زوجات كانوا يموتون من الغيره على ازواجهم حتى من خوات ازواجهم يغارون !!!
بس اللحين ومع العيال ورغم ان اغلبيتهم امتنوا ومو مثل اول رشيقات !! وازواجهم لازالوا وسيمين
وماتغيروا الا انهم خلاص ماعادوا يغارون ومتطمنين لدرجة اني اعرف واحده بعد ماكان زوجها يتحاشى يقولها
انه كلم خواته او ضحك معاهم لشدة غيرتها صار اللحين يكلمها عن الموظفات اللي عنده بالشغل واحيانا يعرفها عليهم !!!
وانا !!! يرحم ايام اول !!!!!!!!!!
انا اللي كنت ماغار ولاعرف قلبي الغيره قمت اللحين اغار !!! بعد سنوات زواج طويله وبعد ماصار زوجي اغلب شعره ابيض ويحسبونه ابوي (( تو الناس )) !!!
تصدقون حتى استحي اقول اني غيرانه عليه وماحب ابين للحريم !!!اخاف يتشمتون فيني ويقولون لي اللحين !!!! وتستاهلين ووو الخ
ياما نصحوني اكثرهم وقالوا لي شلون تسمحين لزوجك يعارف صديقاتك واساميهم ويركب بنات معاه !!!
واقولهم هذول صديقاتي او صديقات خواته شفيها يعني ؟؟
ويطيحون فيني اكثر ويقولون لي يالله اللحين تروحين لزوجك و تسوين كذا وكذا وتعصبين عليه وتزعلين
( خايفين على وانا ولا على بالي ) !!!
فقلت يالله بسوي اللي قالوه لي وحسيت انه تفاعل معاي واخذ الموضوع جد وانا مستغربه اصلا في داخي الامر عادي !!!
وثاني يوم كلموه خواته يوصل صديقتهم وهي من بلاد عربيه يعني كاشفه وتلبس قصير !!!!
وكنت انا وياه موصلينها من قبل فرفض زوجي يوصلها لانه مايبي يزعلني فرحان اني اغار !!
فجوا عندي يتوسطون وطلبوني اعزمها على المناسبه اللي يبوني اخذها معاهم !!

تدرون شسويت !!!!

رفضت وعصبت وزعلت (( ياريت )) !!!!!!!

اللي سويته اني اتصلت لها وعزمتها !!!

ورحت عند زوجي !! رحت له ليش ؟؟

تتوقعون ليش :d

رحت اترجاه يوافق يوصلها معانا للحفله :(

حفله هاه !!!! تخيلوا !!! وهي ماتتغطى وتلبس قصير وانا اللي اعزمها !!!!

ولا اسولف وياها في السياره حتى ما تنحرج من زوجي :(

ولمن سألوني صديقاتي وقالوا لي هاه بشري شسويتي عسى خير ؟؟

قلت لهم افا عليكم خير ونص اما زوجي تفاعل معاي وكنت انا اللي معصبه وهو يحاول يبرر

عجيب والله هالموقف :d

بس لمن كملت لهم السالفه !!! :30:

عصبوا وانقهروا وقالوا انتي ماتحسين !!! انتي ماعندك مشاعر !!!!

احنا بنموت من تصرفاتك وانتي ماتحسين بالغيره على زوجك!!!

وشوي بيذبحوني من كلامهم !!!


عصبت عليهم وقلت لهم :(


لا ....... ماحس باي شي :d

بس طبقت اللي قلتوه لي وبس !!!!

وانتوا اللي مكبرين السالفه يا معقدات ويا متخلفات شفيها يعني الناس للناس والبنت طيبه وحبوبه وو الخ

اخرتها ارتفع ضغهم وقالوا لي والله انك عجيبه و لاعاد تكلمينا عن مثل هالامور :(


قلت لهم يكون احسن :(


واللحين !!!!!

آآآه من اللحين !!!


قمت اغار !!!!!!!

انا !!! .......... اغار !!! :(

ليش انا عكس الناس :29:

وربي اني اغاااار من ماشي !!!

يعني اللحين كلامك قهرني !!

وحاسه بغصه بقلبي من كلامك !!!

اللــــــــــــــــــــــه يسامحك يا زوجي على اللي سويته فيني !!!!!!!!!!!!!!!!!!

بس هو مرتاح وانا اللي تعبانه !!!

ولمن اقوله ليش تشوف غير القناه يضحك على طووووووووول من السعاده

وكل تصرف فيني يبين انه غيره مني يكون قمه بالسعاده !! ويدري اني غرت !!!

بس اللحين احاول اكون طبيعيه و بقولك على اشياء اسويها لما يشوف زوجي الحريم
مثلاً قمت اللحين من اشوفه يتفرج على حريم الفيديو كليب في التلفزيون ادري انه يشوف منه يستانس
ومنه يستمتع اني غيرانه عليه بس ماتحمل وماودي ابين اني غيرانه :29: فاشوف معاه واقوله
ياللـــه الحمدلله اللي انا مسلمه وشريفه وعفيفه وطاهره ومايلمسني غير زوجي يازوجي الحبيب
( ولاني انا وياه عندنا وسواس النظافه فقلت يالله ادخله من هالباب )
واقوله هذولي الحريم خاصه الاجنبيات تصدق اتلوع منهم احس مو نظاف لا يغسلون ايدينهم ويمشون على الوساخه و.... و......و.. بس زوجتك انا هالمسلمه عندنا لازم نتطهر ونكون نظاف و...و...و ...
وماخلص كلامي الا الاخ غير القناة على طول !!!!!!!!! لايعه جبده :)

وقتها ارتاح شوي :d

وانتي جربي مثل هالحركات ان شاء الله بتجيب نتيجه معاك

واسفه على الاطاله

وبالتوفيق

كلام بوعبدالله عين العقل

ولاتنقهرين ولاشي
انا لمن يطيح على وحدهوه بالتلفزيون مااعبره علشان مايقهرني فيها
ولمن يجي واحد وسيم يمووووووووووووووووووووووت قهر يقول ادري انو طايح قاعتك عنده