منتدى عالم الأسرة والمجتمع - أفكار للفات الطرح للعروسة المحجبة

http://xs58.xs.to/pics/05496/kamar_01[1].JPG

نتفق الأول..
http://www.boswtol.com/shababeek/ima...h/kamar_13.jpg
أول حاجة، نفسي أقول لكل عروسة بتفكر تقلع الحجاب في يوم فرحها علشان خايفة من إن الحجاب يديها سن أكبر من سنها أو إن يبقى شكله تقليدي أو مش حلو عليها إن الكلام ده مش مظبوط وممكن جداً تلاقي الحاجة المناسبة ليكِ وتكوني جميلة وشيك وأحلى من اللي ممكن تتخيليه.

حكاية إن نفسك قوي يبقى شكلك مختلف ممكن يدخلك في مشاكل كتير، لأنك بالطريقة دي ممكن تمشي ورا الفكرة المختلفة وخلاص في حين إنك طبيعي هيكون شكلك مختلف لأنك عروسة..

ده غير إنك لما تختاري الحاجة البسيطة اللي بتليق مع وشك هيكون ده أفضل..

أفكار للفات الطرح

في الحقيقة كان نفسي أجيب ليكم أفكار كتيييييرة وصور أكتر بس بجد أنا حاولت أعمل كل اللي أقدر عليه...

http://www.66n.com/pics/hosted/uu85e...e4a6qjsllc.jpg

الفكرة بسيطة جداً وبتبين ملامح الوجه وبتبرزها..
وهي عبارة عن ربط إيشارب ساتان للخلف مع تدبيس طرفها على الشعر الملموم وبالنسبة للحركة المعمولة في الطرحة من قدام فدي بتتنفذ بسهولة عند أي كوافير، وفي النهاية تثبيت الطرحة التل بالدبابيس من فوق الطرحة.

http://www.66n.com/pics/hosted/lmag7...lghtmbumy6.jpg

تقريبا نفس الفكرة اللي فوق..

مع اختلاف شكل الإيشارب من قدام عن طريق وضع إيشارب لونه مختلف ومبروم على جنب الطرحة، ده غير إن الطرحة التل متثبتة أعلى الرأس يعني مش من الخلف زي الموديل اللي فوق.

http://www.66n.com/pics/hosted/bt7qr...jg6bk66238.jpg

فكرة لطيفة قوي وعلى الرغم إن فيها شغل لكن برضه رقيقة....

وهي عبارة عن إيشارب مربوط للخلف عادي.. وبعدين فوقيها الطرحة التل متثبتة من الجانبين من فوق الودان وبعدين نازلة للخلف بطول الفستان، وجنب الودان فيه وردتين ساتان عاملين برواز للوجه وكمان ممكن تدخلي ألوان تانية في الطرحة لو غيرتِ لون الورود مثلاً.

http://www.66n.com/pics/hosted/zbtl8...zq5kleijpn.jpg

من الواضح إن لازم في كل الربطات يكون فيه إيشارب من تحت..
طبعاً علشان يخبي الشعر في البداية وكمان يضمن لك تثبيت الطرحة التل من فوقه، واللعب في الطرحة دي كله على الشغل الكتير من قدام واللي عامل زي ما يكون تاج منور الوجه...

http://www.66n.com/pics/hosted/tdqqd...tb9y4xhyd1.jpg

إيشارب من نفس قماش الفستان مربوط للخلف والطرحة التل قصيرة ومتثبتة لتحت...
وممكن يستبدل الإيشارب بتاج عريض بيحتوي الراس وبيبقى شكله عامل زي ما يكون تطريز على الطرحة، وده أكيد هتلاقي عند الكوافير فكرة عنه..

http://www.66n.com/pics/hosted/4wkid...4bsc1kpgez.jpg

ارجوا ان تنال اعجابكم