|
صار لي يومين زعلانة من زوجي
على طول بدخل في صلب الموضوع
انا صار لي تقريبا 5 شهور متزوجة و انا من النوع اللي ما احب حد يعرف تفاصيل حياتنا الزوجية لا من اهله و لا اهلي و بالاخص اذا صار بينا سوء تفاهم المشكلة ان زوجي يبين ها الشي جدام اهله و خاصة امه عن طريق نبرة صوته ,,,يعني قبل يومين صار بينا سوء تفاهم و انا زعلت منه و ما كلمته ,,, بعدين امه اتصلت فيه و حست من نبرة صوته ان فيه شي و ان صوته مخنووووق ..فبدأت تسأله اشفيك و ليش صوتك متغير و ليش و ليش ,,, بس زوجي ما قالها اللي صار بينا ..... بعد فترة قالت ام زوجي لامها ( اللي هي جدة زوجي ) ان ولدها فيه شي و ان صوته متغير ,,,,,, و انا بصراحة نسيت السوء التفاهم اللي صار بينا في البداية بس اتضايقت كثييييييييييييييييييييييييير من هاي السالفة لانهم اكيييييييييييد راح يحطووون في بالهم اني انا الغلطانة و انا اللي بديت بالمشكلة و اني ضايقت ولدهم بحكم ان هم يعرفون طباع زوجي و انه طيب و مسالم.............. انا اللي قاهرني كثييييير اني ياما قلت له اي شي يصير بيني و بينك ماله داعي احد يعرفه لا من اهلي و لا من اهلك... بس لا حياة لمن تنادي....... انا برايي ان ام زوجي غلطت يوم قالت لامها لانها بهذي الطريقة كبرت السالفة ,,, و زوجي الله يهداه ما كان لازم يبين ها الشي جدام امه لان هذي من خصوصياتنا و انا ما احب اي حد يدخل في حياتنا.. .و انا الحين زعلانة منه و ما اكلمه من يومين لاني مليت من ها الشي ياما قلت له و حذرته بس ماشي فايدة.... فياليت القى النصح و التوجيه من اصحاب الخبرة و يقولون رايهم في المشكلة اختي الرجاء الانتباه عند كتابه لفظ الجلاله |
اختي
من كلامك الرجال ما قال حق اهله شي شي طبيعي اذا احد تهاوش او تضايق يبين عليه من شكله او صوته |
شوفي حبيبتي أنا ما أرد عليك علشان من أصحاب الخبرة علشاني أنسانه عاديه ... حاسه فيك لاني مثلك ماأحب إللي يصير بيني وبين زوجي يظهر لأحد ... بس أحيانا وما أخفيك أني أتمنى يكون أحد جنبي أثق فيه أشكيله همي ومشاكلي ...وألقى أحد يشجعني على الصح ويبعدني عن الخطأ..
الإنسان يحتاج لأحد يفضفض له عن ما في نفسه بعدها يرتاح فأنت لا تكبرين الموضوع أكبر من اللأزم أنت مو أول وحدة ولا أخر وحدة ممكن تتزاعل مع زوجها... قال لأمه ويش يعني ..؟؟ قالت لأمها برضه لا يهمك .. حتى هم صارت لهم نفس المشاكل وقالوا لأهاليهم ومو شرط أنك سيئه او معذبة ولدهم طبيعي تصير المشاكل فأنت لا تكبرين الموضوع وأنسي تمام إللي صار ... |
اختي صفيه الشحي..
http://www.66n.com/forums/images/icons/icon40.gif اقتباس:
|
يا أختي لا تكبري الموضوع , ترى ما يستاهل هذا الزعل .. إتني زعلتي وزعلتي زوجك ..
الله يهديكي يارب .. الرجال ما غلط ,, لأنه ما تكلم ولا قال شي .. زعلتيه ليه .. ؟ و زعلتي إنتي ليه .. ؟ أستهدي بالله و أتأسفي من زوجك , و روحي لبيت أم زوجك وتكون جدة زوجك موجودة و أضحكي إنتي و هو و أتكلمي معاه و لا كأنه صار شي و بيبان وقتها أنكم مبسوطين وما في شي مزعلكم .. والله يصلح الحال .. |
اقتباس:
رد صائب 000000 لكن إذا تكررت عامليه بالمثل وصدقنيني بعدها بيقول توبه :( |
لا تكوني زوجه نكدية اول مره بيراضيكي ويمكن ثاني وثالث مره بعد كذا يقولك دقي راسك باكبر حيط لان الزعل مو سهل وما يكون الا على شي يستاهل فعلا اما الزعل اللي انتي مسوياه الحين ماله داعي يعني المسكين ما قال شي وفي النهاية يكون جزاته البوز ممدود شبرين خل عنك هالدلع لان الحياة فيها مواقف صعبه واذا من اولها بتقلبينها نكد عاد الله يعينك بعد كم سنه بيطلع الشيب في راسك حبيبتي سامحيني عالقسوة بس ما ابيكي تصيرين ذيك الزوجه الا كل شوي زعلانه وربي الحياة صعبه وما يخففها غير ابتسامه حلوووه من اعز الناس :d ارجو انك تفهميني والله يهدي سرك يارب تقبلي تحياااااااااااااااااتي ................................ |
القران الكريم قال
ان كيدهن عظيم شنو سوة زوجج الله يساعجة |
كلام الأعضاء عين العقل..
أختي.. لا تستبقي الأحداث.. واضح من كلامك أنه ما خبر أهله، بس أهله اللي حسوا من نبرة صوته وبعدين صراحة طبيعي انهم يكونو في هالفترة كلهم آذان وعيون...ترى توكم ما كملتم سنه!! لازم يهتمون ويحاولون يذللون اي مشكله... ترى من حرصهم وبعدين يا أختي.. خلي لزعلك قيمة... بمعنى كثرة المساس تذهب الإحساس... إذا كثر زعلك على الأخطاء، بيصير شيء مألوف عند زوجك خلي الزعل للأشياء اللي تستاهل الزعل والقليلة تراكم في أول المشوار... والانطباعات هذي تدوم العمر كله ولا يحس زوجك أن أهله فاهمين مشاعره وحاسين بهمه، وأنت لأ إذا حسيتي أنه متضايق اسأليه .. حسسيه أنك حزينه بحزنه.. ولو فرحان، افرحي بفرحه تراه زي ما في الحديث .."جنتك ونارك" أختي حافظي على زوجك..واحرصي عليه وخليكي محضر خير وين ما كنتي وأسأل الله ان يسعدكم ويذهب عنكم الهموم والمشاكل وبالتوفيق |
اقتباس:
|
| الساعة الآن 06:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
