|
,,,,ساعدوني طفلي مدري اش فيه,,,,
السلام عليكم
طفلي عمره 9شهور ومن شهر تقريباً صار كل ساعه او اقل يصحى من النوم ويصرخ ويبكي ومايسكت الي اذا شلته رحت عند الطبيب قال امكن التهاب في الاذن وعطاه قطره وبعد ماستخدمتها شهر مافيه اي نتيجه مع العلم انه ينام شبعان ونظيف افيدوني ارجوكم......................... |
أولا هل طفلك يرضع من صدرك؟ ثانيا : تحسسي رأسه من الأعلى أن وجدات مكانا منخفض عن بقية الأماكن .. فهذا هو مشكلته ؟ أجيبي على سؤالي لأتمكن من مساعدتك .. |
لا للاسف رفض الرضاعه الطبيعيه يوم كان عمره خمسه شهور
وراسه كمان طبيعي مافيه مكان منخفض بس اليفوخه وهذا على ما اعتقد طبيعي في كل الاطفال اش السر في انه السبب |
إذا ما يشتكي من حرارة مرتفعة ... الحمدلله معناه ما في التهاب في جسمه
يمكن مشاكل التسنين؟ |
اقتباس:
اختي سارا انا اعتقد والله اعلم انها التهاب الاذن !! هي الوحيده اللي تقوم الطفل من نومه بهالطريقه !! تخليه يقوم وهو يصرخ ويبكي كأن حد ضربه !!! مجربتها مع عيالي في هالسن وخاصه ولدي البكر جنني من التهاب الاذن !!! شوفي اختي ......... انا ماني طبيبه ولا شي بس عيالي خلوني دكتوره ومعلمه ومهندسه ومحاميه وقاضيه وكل شي !! فمن خبرتي مع عيالي وخاصه في هالسن اقولك انها احتمال كبير التهاب في الاذن الوسطى !! راقبي ولدك وشوفي اذا كان يحط يده عند اذنه ويحكها !! تاكدي انه يعاني من التهاب الاذن !! عالجيه لان اذا تطور الالتهاب يكون هناك حراره !! وبيحتاج لمضادات حيويه للالتهاب ومخفضات حراره وديه المستشفى ولا تهملين التهاب الاذن ابداً وتجنبي تنظفين فتحات اذنيه بعود الاذن !! لان تنظيفها يسبب التهاب للاذن عند الاطفال ويكفي تمسحيها بعد استحمامه بكلنكس وطمنينا عن طفلك وسلامته ان شاء الله ومايشوف شر تحياتي لك ............. |
طيب (اليفوخه) اللي تقصدينها .. هل هي مقدمة الرأس .. أذا كانت هي معناها ياأختي الكريمه هي السبب حنا نسميها باللهجه العاميه (العظيم) وهذه خطورتها لما تنزل تسكر حلق الطفل ولا يقدر يرضع وكمان يصدر اصوات طقطقه من فمه عند الرضاعه وهاذي علاجها ماهو عند المستشفيات وتسمى (سقاط) .. وكل ما انخفض (اليفوخه) كل ما زادات المشكله ... طيب تبغين العلاج .. لازم تروحين عند حرمه كبيره بالسن وهي تعمل له ترفيع (تدخل أصبعها في حلقه وتتحسس النازل وترفعه) ولازم تكون تعرف هالشيء وتمارسه من قبل .. ولاتحاولين انتي لأنه ممكن تظرينه .. ان شاء الله تكونين فهمتي الشرح .. |
حسب ما أسمع المشكلة في أذني الطفل لعدم وجود ماده سمغية في أول العمر غالبا مايتأثر من
الإستحمام أو دخول الهواء البارد الى الأذن ،والعلاج قطرة أذن حسب وصفة طبيب،أو زيت زيتون(أصلي) نقطة في كل أذن،وكذلك لاتهملي قراءة القرآن عليه(آية الكرسي والمعوذات)والله يشفيه |
الاطفال مساكين الله يرحمنا برحمتهم يبكون بدون مايشتكون
ابنك اما انه يشتكي من اذانه فانت صلحي قطرة بالطريقة هذي عقمي علبة قطرة عندك بتفكيكها ثم غسلها بالصابون والماء ثم غلي اجزائها خمس دقايق وبعدين جففيها بالهواء الطلق اغلي زيت زيتون مع حبة سوداء ومرة وملح خشن وكلهم على عدلهم يعني ماانطحنو دقيقتين بس اشخلي الزيت بشاشة طبية وعبيهم في العلبة وكل يوم قطري باذانه قبل النوم وحاولي انه مايتعرض للهواء القوي وايضا عطيه ملعقة هستوب علشان تخفف عليه حكة اذانه 2_يمكن اللي بولدك ماغص خليه ينام على ظهره وبعدين طققي بطنه اذا طلع صوت زي الطبل يعني فيه غازات العلاج حاولي انك تكرعينه بعد كل رضاعة وخليه دايما ينام على بطنه وعطيه ملعقة صغيرة فيفادول قبل لاينام 3_يمكن تسنين تراها مرة تقلق الطفل اصبري عليهن الى ان يطلعون بس عطيه فيفادول 4_اذا مانفع شيء اعرضيه على استشاري اطفال 5_فيه شي نسيته حنا ايام برد والطفل يجوع يمكن طفلك مايشبعه صدرك حاولي تعشينه وتشبعينه قبل لاينام وحاولي تعودينه على حليب الشفاط عشان يساعدك وغطيه زين فيه لبس كامل محشي بقطن زي قماش الجاكيت (مشبوك من فوق الى تحت مع بعض) اشتري له ولبسيه لان الغطاء يطيح منه كل شوي وهذا احسن الله يخليهم لنا ويهديهم ولا يخيب تعبنا فيهم |
| الساعة الآن 01:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©