ما رأيكم في هذا الشرط ؟؟
 

السلام عليكم و رحمة الله وبركاته

وش رايكم في هذا الشرط؟؟

أحد الأقارب كان قدوضع من أحد شروط زوجته أن يكون بيت أهلها قريب جداً من بيت أهله ؟؟

ووجد عدد من المناسبات و لكن بيوت أهلهن بعيدة .. ولكنه لم يجد حتى الآن البنت القريبة من بيته!!!


فما رأيكم ؟!!

حقيقة شرط غريب ...

أتمنّى أن يوفق..

غريب :11:

أبو ثابت سلم لي على صديقك
الرجل ذيب ويفهم اسأل مجرب والتجربة اكبر برهان
المشكلة في هذا الشرط انه قد يحرمه من ميزات اخرى عند البعيدات غير متوفرة في بنات الجيران
لكن سلم عليه والله يوفقه
تحياتي

أعتقد أنه يريد وحده من بنات جيرانهم وهو متيقن أن أهله سيرفضون هذه العائلة
فقط يبيها تجي منهم ( من أهله )

صديق لي ساكن في محافظة صغيرة
هو كان مخطط على وحده من قرايبه وبين أبوها وأبوه شبه مشكلة
عند الزواج قال أبي وحده من هالديره وتقرب لي وعمرها من 18 إلى 20
طلع له خمس خيارات .. لا لا لا لا .. ايه فلانه مناسبة :)

..
والأهــم إن كان هذا الشخص مثل ماتوقعت يجب عليه مصارحة أهله بمن يريد
وللأسف عندنا بعض الآباء قفل .. إذا قال له ولده أبي فلانه ..قال من وين عرفتها .. وليه هي بالذات .. وين شفتها .. لا يكون بينك وبينها شي .. لالا .. شف غيرها

والله ماينلام ...

الزحمة اللحين تكره الواحد بالطلعة ...

والنساء صارت متزوجة بالورق ..وأغلب وقتها عند أهلها ...

سهر لأخر الليل وإذا بغت ترد بيتها ...تذكر

وتقول : أبو فلان الله يخليك تعال خذني من بيت هلي..


والرجال ياقلبي وصال حده يبي ينام ...فتخيل المسافة بين بيته وبيت أهل مرته ...\

والله حالـــه ....!!!

أقول هذي حالات خاصة لبعض النسوان مو تزعلون مني يالحلوات تراني من حزبكن :)

أنا أقول من الأفضل أن لا يعقد المر ويجعله شرط ضروري ,, يعني لو لقى بنت الجيران المناسبة له خير وبركه و إذا ما لقى بيشوف وحدة من بعيد ويسكنها جنب أهلها
..

الرجال ما عنده بنت مخطط عليها .. و لاحاجة

بس يبي و حده في حدود 10 كيلو من بيته

لأن البنات اللي عرضوا علية بيوتهن في حدود 40 كيلو من بيت أهله

الأخ AIM :
شكراً على ردك ... و لكن ما هي الميزات عند البعيدات و لا هي موجودة عند الجيران؟؟