|
حبوب منع الحمل والحمل !!!؟؟؟
السلام عليكم ورحمة الله وبركاته
الله يعطيكم العافية ان شاء الله بدش على الموضوع على طول .... بعد انجاب ابنتي البكر ..اخذت حبوب منع حمل قريسيال(Gracial) ....والحبوب ليست للرضاعه .. يعني 21 حبه وبعدها تاتيني الدوره ....واستمريت عليهن سنة وثلاث شهور ... والحين تركتهن من خمس شهور وما حدث حمل ... مع العلم انه دورتي منتظمة وتاتيني كل 27 ولله الحمد .... انا خائفة هل فيه مشكله؟؟؟؟ هل فيه أمل على الحمل مره ثانية وهل ترتيب الدوره يدل على ان المبايض سليمة ؟؟؟؟ ارجو مساعدتي ولكم مني جزيل الشكر .... واي احد عنده فكره عن حبوب قريسيال لا يبخل بتطمأنتي عنهن ... وشكرا لكم ... |
اختي الكريمه انا سويت مثلك....بعد ابني البكر...اكلت الحبوب سنه و خمسه شهور......والحين لي تقريبا 7 شهور و ماحدث حمل....والسبب ان الحبوب سببت لي تكيسات على المبايض و لحميه بعنق الرحم.....والدوره تلخبطت.....
ما ادري عن الحبوب اللي اكلتيهم ....بس انا اكلت منيولت..... تبين نصيحتي... راجعي طبيب......بس للتاكد من سلامه الرحم.....وان شاء الله مافي الا كل خيييييييييييييير...... دووووووت |
خوفتوني والله ممكن توضحون لي هالحبوب اللي تستعملوها هرمون او هرمونين واستخدمتوها من راسكم والا باستشارة طبيب ؟ لاني انا الان استخدم حبوب للرضاعه وكمان 21 حبه والدوره خبييييييييييييييييييييييييييييييييييييييييييص وملخبطه مرررررررررة فياليت توضحون لي الله يجزاكم خير حبيبتي نبع الوله كلي اللي اعرفهم يستخدمو حبوب منع الحمل وطبيعي جدا ما يحدث الحمل على طول لازم ياخذ الجسم فترة عشان ينظم نفسه بعد توقف استعمال الحبوب وبعدها يحصل الحمل وتختلف هذي الفترة من امرأة لاخرى ومادام الدورة منتظمه فان شاء الله امورك تمام بس لزيادة الاطمئنان راجعي طبيبه تطمنكي اكثر الله يكتب لنا ولكي اللي فيه الخير وكل عام وانتي بخير مقدما تقبلي تحياااااااااااااااتي ............ |
عندي سؤال؟؟
ممكن استخدم حبوب منع الحمل الخاصة بالرضاعة وانا ماارضع البيبي؟ واشلون مفعولها اوكى؟ وفيها مضار؟ سوري على خروجي من الموضوع |
انا مستخدمه هالحبوب ( قريسيال ) بوصفة من الدكتور بعد ما فحصت علي وكل شي ....
ولله الحمد دورتي منتظمة على 27 يوم تاتيني ... يعني كله تمااام .... خوفتيني والله يادوت ... بس انا على علمي البسيط بالحبوب انه الجسم ياااخذ فتره لين ماااا يتنظف الجسم من آثارهااا صح ولا انا غلطانه ؟؟ اختي هنونه الله يسمع منك .. ومشكوره على الرد طمنيتي شوي ... اختي كبيره بعيوني اظني انه ما يجوز تاخذين حبوب للرضاعة وانتي ما ترضعين .... فالانسب حبوب عدم الرضاعة ... والله كريييم ... |
والله مو قصدي اخوفك......
بس راجعي الطبيب للتأكد فقط لا غير مراح تخسرين شيء....... وانا اللي اعرفه ان الحبوب لهم اثار ......يعني اللي تاكلهم فتره طويله مثلي و مثل نبع الوله.....اكيد مراح تحمل على طوووووول لما تخلي الحبوب......لازم فتره و بعدين يحدث حمل.......وفي بعض الحريم ما شاء الله عليهم....اول ما تهد الحبوب تحمل على طووووول.......يعني مو شرط.... ومدام الدورة منتظمه .....ان شاء مافي شي.....وراح تحملين باذن الله... دوووووت |
ان شاء الله ااختي ... والله يرزقج بعد انتي ... ولا يحرم اي شخص من نعمة الاطفااال ..
بارك الله فيج اختي ... وان شاء الله راح اروح للدكتوره ... بس لما اتاكد ... موعد الدوره بعد يومين راح اصبر هاليومين ان جتني الدوره بعد الطهر راح اذهب للدكتوره ... وان شاء الله ما تجيني واكون حامل ... دعواتج الغاليه لي ... |
نبع الوله......بشرينا ان شاء الله حامل........؟؟
دووووووت |
اهلااا حبيبتي دوووت
ولله الحمد نعـــم حااامـــــــل ..... واشكر الله كثير .. والله يرزق كل محــروووم ..... والله يعطيج العافية .. |
لما قرأت موضوعك في البداية كنت راح أكتب لج ماعليج شر من الحبوب اللي خذتيها لأنج كما ذكرتي الدورة منتظمه جداً عندك .......
لكن لما شفت ردج الأخير أقوووولج الحين مبروووووووووك أدعيلي يالغاليه لأني محرووومه وأنا الدورة مو منتظمه لوجود تكيسات وحالياً أتعالج الله المستعان |
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©