مشكله التوفير
 

السلام عليكم

اخواني واخواتي بصراحه انا تعلمت كثير منكم من مشاكلكم او من ردودكم وارائكم فاتمنى ان تساعدوني ولا تبخلوا علي بالمشوره



انا متزوجه من سنه وخمس شهور تقريبا ما عندي اطفال (الله يرزقني وكل محروم)

مشكلتي في توفير المصروف من اول ما تزوجت لاحظت ان زوجي يحب الصرف بشكل كبير يعني ما يقول لا ابد

انا كنت قبل الزواج اصرف كل شي معي بس بعد ما تزوجت حسيت اني لازم امسك شوي ورانا بيت نبغاه ومصاريف وعيال(الله يرزقني) :)


المهم الي صار اني كم مرت قلت لزوجي حاول توفر مع ان راتبه كويس والمفروض يعيش اسره كامله مو بس شخصين و ما ندفع اجار بيت هديه من صاحب البيت اول سنتين :)
الحين بتخلص السنتين واحنا نصرف كل الراتب وفوقه بعد بالفيزا وزياده على هذا عنده استثمار يعود عليه كل 6 شهور بمبلغ محترم





مدري كيف اقدر اخليه يوفر انا اقترحت عليه يعطيني مصروف البيت وانا ادبره ما بين مقاضي وطلعات وعزايم تقريبا كل شهر لازم يعزم ولازم نسافر .... يحب يغير جو :)






ابي اراء اخواتي الله يعافيكم ساعودني احس اني ضايعه هل تؤيدون المصروف معي يعني هو ياخذ مصروفه ويعطيني الباقي



اعطيكم مثال على مصارفينا الثابته
جواله اقل شي 1300 الي 1500
جوالي اعلى فاتوره وصلت500 ايام العزوبيه كنت اطق الالف وميتين بس الحين ماسكه عمري
اشتراك اوربت 520 نت مع اشتراك اوربت
الكهرب 140-260
الهاتف الثابت خطين فاكس وعادي تقريبا 500 ريال


طبعا تلاحظون نت اوربت وفاكس غير الاجهزه الي معبيه مكتبه هوسه شراء الاجهزه الحاسوبيه يعني طابعه او سكانر
تصدقون عندنا 3 طابعات
1-طابعه ليزر ابيض واسود
2- طابعه ملونه للصور
3- طابعه ليزر ابيض واسود مع سكانر مع فاكس


طولت عليكم بس من جد ودي تساعدوني بخبرتكم استنى ردودكم وتفاعلكم


تحياتي
دلوعه زوجي

أقترح أن تمسكين أنت مصاريف البيت بالاتفاق مع زوجك على مبلغ معين كل شهر وترتيبات معينة بينكما .

شكور اخوي على الرد السريع


بس انا خايفه اني اتورط وما اعرف امشي اموري ابي نصايح اخواتي واخواني الي جربوا المصروف مع الزوجه وايش اساسيات المصروف








تحياتي
دلوعه زوجي

أختي الكريمة
واضح جداً ان مسألة توفر النقود من بداية الزواج لم تكن مشكلة
لهذا السبب لم يعي زوجك اهمية الاعتدال في الصرف

بدلاً من جعل شخص واحد يتحكم في المصروف الأفضل ان يتم عمل خطة مشتركة
ا- تحديد الالتزامات السنوية (ايجار)
2- تحديد الالتزامات الشهرية (فواتير ، اقساط)
3- تحديد اهداف من عملية التوفير ، يعني ممكن تكون البداية توفير لسفرة في الصيف و عمرة في رمضان .....
4- تغيير المفهايم الحالية عند زوجك و عندك ( ما عندنا أطفال حالياً فمسؤلياتنا أقل ==> مشاركة العائلة و على الأخص أهله بجزء من راتبه و لو كان من وقت لآخر)
5- تحديد مبلغ ملزم بتوفيره شهرياً و الأفضل أنه يحفظ في البنك (حساب استثماري و ليس جاري للتحكم في عمليه السحب)

هذي أفكار سريعة أتشارك معك فيها ، قد تأتي بنتيجة بإذن الله

تحياتي

أختـــي الفاضلة

نعم وللأسف مشكلة التوفير ليست عندكم فقط

فهي وللأسف في أغلب البيوت

أعرف أنا شخصيا رجل راتبه الشهري يصل إلى ( 20000 ) عشرين ألف
طبعا هو عنده قرابة ثمانية أولاد
قبل نهاية الشهر بخمسة أيام لا يبقى من راتبه ولا ريال !!!!


المشكلة هي عدم التنظيـــــــــــــم

وأيــضا بالمقابل
أعرف شخص متزوج قريبا
راتبه 3000 ثلاثة آلاف
ولديه أجار سنوي بقيمة 9000 تسعة آلاف
ومع ذلك يوفر شهريا حوالي 1500 ريال

السبب هو التنظيـــم


يجب على رب العائلة أن يقسم إلتزاماته
ولنتكلم بلغة الأرقام
لو أفترضنا أن شخصا راتبه 10000 عشرة آلاف ريال

مصروف المنزل 1500 ريال شهريا
مصروف الفواتير ( مع أنه يجب الإقتصاد فيها ) 1000
مصاريف أخرى 2000 ريال
هذه 4500 ريال

يجب عليه إدخال باقي النقود في حساب في البنك استثماري ( كما ذكر أحد الأخوة )
ولا يفكر في الرجوع إليه ألا في حالة الضروره

باختصار

التنظيــــم هو أهم شي
مع أيضا التوفيــــر

يجب على رب الأسرة بحسب راتبه أن يحدد للأسرة مصروف شهري لا يمكن الزيادة عليه مهما كان

ضروري جدا اني تمسكين مصروف البيت وتاخذين منه شي شهري اساسي لو الف ريال يحط في حساب ما تقدرون تسحبون منه
ياختي هذي فرصتكم للتوفير بكرا اذا جاكم عيال مارح تقدرون توفرون شي او بيكون صعب
فلازم تلحقين عمرك وتقتصدين وتوفرين بكرا اذا جبتي عيال وكبرو بتحتاجون فلوس وبتمر عليك ظروف

شكرا اخواني على الرد والتفاعل

وكل عام وانتم بخير

اختي ريمونا مدري اذا الاسم كذا صح :)

تسلمين على ردك وفكرت الحساب الاستثماري حلوه بس ما اتوقع يسويها لانه يقول اذا بحط فلوس اشغلها بسوق الاسهم بنفسي احسن
انا حاولت انه يحط نص الراتب في حساب مستقل غير حسابه بس للحين ما سوى شي
وقضيه اننا نفكر بهدف كسفره او اخذ عمره هو ظروفه مرتاحه نوعا ما يعني لو فكر يسافر يسحب من محفظه الاسهم وهذا الي مضايقني كل فلوسه بالاسهم وانا اخاف من طيحه السوق وتظيع فلوسنا :(



اخوي الغيور
كلامك عين الصواب وانا تعبت وانا اتكلم بس بخليه يشوف ردودكم يمكن يتحمس



اخوي زهق ولكن
مشكور على الرد والله هذا الي افكر فيه بس الله يعين
انا سويت حركه الف كل شهر بس بعد اربع شهور صرفناها مره وحده على خرابيط والله نسيتها




انا فكرت بفكره مدري اذا توافقوني بالراي وهي اني اقترحت عليه يحول مبلغ من راتبه على حساب ثاني يعني نفتح حساب ببطاقتين سحب ونحط بالحساب مصروف البيت واذا احتجنا شي سحبنا وقتها اقدر اوفر والا؟؟

لان مشكله زوجي يصرف كل الي بالحساب يعزم اهلي واهلي واصدقائه وطلعات مطاعم لين يخلص الراتب هو للامانه ما يقصر ابد معي ويعطيني مصروف يصل لربع راتبه تقريبا وانا بعد ما اقصر واصرفه
فانا اقول لو نشيل الراتب من حسابه ونخلي مصروفه بس يمكن يتعود وبفس الوقت لو احتاج البطاقه الثانيه معه

شرايكم؟؟؟؟




تحياتي
دلوعه زوجي

اختي دلوعة زوجي

علشان مانطلع عن الموضوع ، سوق الاسهم سوق اغلبه اشاعات و ناس كثير تورطت و تعلقت في شركات خسرانه و مع كذا مرة على الشراء بحجة ان الشركة عندها اخبار بعد فترة

بالنسبة لموضوع حسابين و بطاقتين ، ما سويتي شي
الأفضل هو انكم تقتنعوا بفكرة التنظيم المالي (انت و زوجك ، اقتناع طرف واحد ماهو كفاية)

الله يوفقك و يوفق الجميع

الله يجزاك كل الخير

والله يعين ويوفق

اختي دلوعة زوجي مو بس زوجك اللي مايعرف يمسك انا بعد ماعرف امسك فلوسي ؟؟

و علموني شلون امسك فلوسي ؟؟

كان قبل راتبي يكفيني لاخر الشهر وكنت اساعد في البيت وادفع راتب الخدامه واسلف طبعا قبل مالتزم بديون !!
واللحين بعد اسبوع من استلامي للراتب اكون مفلسه !!

في البدايه سويت لي حساب توفير يقتطع من الجاري وقررت مامسكه بس طبعا ماقدرت احتجت فلوس وكنت بعد ماخلص الفلوس اللي في الجاري اسحب من التوفير بالبطاقه وقررت اني اسكر التوفير من البطاقه يعني ماقدر اسحب بالبطاقه حتى اوفر ولقيت نفسي اتعنى اروح للبنك واسحب اللي في التوفير ماقدرت امسك نفسي احس نفسي تعودت يكون عندي فلوس وفي الاخير الغيت اقتطاع التوفير وحساب التوفير لان اللي في الجاري يادوب يكفي لاول الشهر بس !!!

سالت على مشكلتي فنصحوني احط فلوسي بشي عليه القيمه سياره ... اسهم ... ارض ... وارتبط بديونهم واقتصد اقلها راح الاقي عندي شي محسوس فسويت بهالنصيحه وشريت سياره واشتريت اسهم ومن بعدها قمت اعاني من قلة المال وماعرف اكيف نفسي على المبلغ اللي عندي وما ازيد عليه للحين اصرف وكان ماعندي ديون والنتيجه مفلسه من بداية الشهر !!!
راتبي قبل الاقساط تقريبا 7000 ريال
واللحين اقساط سيارتي 2000
جوالي من 1200 الى 1500
800 سلفية سياره
والباقي اصرفه على بترول سيارتي او مصاريفي او هدايا وتوجيب وبس مافي شي يذكر او عليه القيمه

والله اني اللحين ماستغنى عن زوجي راتبي مادري وين يضيع واحس اني مخنوقه واحيانا زوجي يسدد فاتورة جوالي او يعطيني مصروف لاني اكون على الحديده حتى بترول سيارتي ماعندي واطلبه منه !!
احيانا اتفاجا بالسواق او الخياط يعطيني الفين والثاني الف وخمسميه اسالهم ليش يقولون لي هذا الدين اللي سلفتينا من سنه او سنتين واكون ناسيته وهم ذكروني ووقتها اشكرهم وفي داخلي ميته من الفرح كانها ماهي فلوسي بس لانها جات بوقت مناسب .... ومن فتره صديقتي معطيتني 200 ريال تقولي انا خذيتهم منك من فتره شريتي لي فيهم غرض واسفه اللحين اردهم لك وانا فعلا هذاك الوقت عندي المبلغ سخيف اصلا ماعتبره شي بس سبحان الله الحت اخذه وجابته لي بوقت احتاجه على الاقل للبترول !!

بالمقابل فلوس زوجي اكون حرييييييصه عليها تماما واحس اني بتحاسب فيها يعني لو بشتريلي شي من فلوسي اشتري ولا احاسب بس لو كانت فلوس زوجي احاسب نفسي وماشتري الا اللي اكون محتاجته او نحتاجه للبيت

وقبل اتوظف كان الف ريال من زوجي يكفيني واللحين راتب ومايكفيني !!!

ولا يخطر على بالكم اني مبذره اصرف اللي عندي على نفسي وبس !! لا على كل شي ماحكم عقلي فيه !!
سواء اذا بسلف غيري او اتصدق فيها يعني مثلا لو رحت السوق او الجمعيه ومريت على اصحاب الجمعيات اللي دايم نشوفهم متواجدين هناك اتصرف بالفلوس وماقتصد فلو باقي عندي 1200 ريال تصدقت بالالف صدقه جاريه او وقف وبقيت بالميتين ريال وفي بالي انه مانقص مال عبد من صدقه رغم اني للحين في نص الشهر !!!
وبعدين اقعد مفلسه ويصرف علي زوجي وكل مره اقول باقتصد او بتصدق باعتدال او ماراح اسلف لاني احوج الاقي نفسي اسوي نفس القصه واقعد بدون فلوس واستضيق !!!!!

يعني في الاول كنت اقول ساعدوني اتعلم كيف امسك فلوسي وما اصرفها كلها واخبي منها لوقت الحاجه واللحين اقول علموني شلون اصرف على قد اللي عندي ومانسى ان عندي ديون واغير من طريقة انفاقي للفلوس وانسى ايام اول !!!

وش الحل وشلون انظم نفسي في فلوسي؟؟ وهل انا اللي كذا والا في غيري مثلي ؟؟