لمحبي الباستا(المعكرونيا) اللي تكون بالصلصه البيضه ويا المشروم
 

المقادير

كيس معكرونيا اللي تكون طويله او اي نوع بس احلى شي بالنوع اللي قلت لكم عنه

1 كريما حمره واللي ماعنده ممكن يستخدم اي ساور كريم من اي ماركه واللي ماعندها ممكن تستغني عنها

1 قشطه نستله اللي تتبطل من فوق + 2 جبن كيري او اي جبن مثلثلات او ملعقتين من جبن السائل اللي متوفر

1 كيس سبانخ مثلجه+1 علبة فطر + 1 علبة ذره

بصل مفروم فرم ناعم + شويه ثوم مهروس + نص فلفل اخضر بارد مقطع صغير

بهارات اللي تبينها و2 ماجي



الطريقه سهله وايد

1- تحطين جدر فيه ماي وملعقه زيت وملح ومكعب ماجي وتخلين المعكرونياتستوي وتخليها على صوب بس لاتسوينها لينه وايد خليها عاديه

2- بجدر ثاني نحط زيت وبعدين البصل وبعدين الثوم لمدة خمس دقايق بعدين الفطر والفلفل الاخضر وتحطين بهاراتج والملح والماجي وبعدين السبانخ والذرة وتقلبين لمده عشر دقايق


3- تظيفين القشطه والجبنه وتقلبين لمه يذوب الجبن وتحطين فوقهم الكريما وتتركين على نار هاديه لمدة خمس دقايق وبعدين تحطين المعكرونيا فوقهم وعلى نار هاديه تقلبين لمده خمس دقايق مو اكثر


ملاحظه السبانخ طلعوه قبل الطبخه عشان يذوب لانه مثلج

ملاحظه ثانيه ممكن اضافه الدجاج اذا تبون
http://www.w6w.net/upload2/14-10-200...02b6512ba2.JPG


وبالهناء والعافية

مشكروة عزيزتي دلال على الوصفة


إن شاء الله أجربها

تسلمين

آه لو تدرين شكثر أحب الباستا..........................


يم يم يم يم.................



مشكوره حبيبتي...................

سمااااا



همساااات


هلا وغلا فيكم

منورات حبيباتي

رائعه بس انا ماحب الفطر والسبانخ


اشلون


ايصير بدونهم ولا اعملها لزوجي واقعد اطالعه ههههههههه

مشكوووووووره اختي

شكلها لذيذه اجربها انشالله واقولكم النتيجه

مشكورة شهيتيني والله

مها الكويت

تقدرين تستغنين عنهم...بس هي جذية الفطر

ولا اقول لج سويها لزوجك وقعدي طالعية...وخذي راية فيها

مشكورة حبيبتي على مرورج الحلووو

strobary




عقود اللؤلؤ




العفو عزيزاتي

مشكورات على المرور الكريم

تعرفى دلال هذة اول مره اشوف هذا النوع من المعكورونه


ولكن تبدوا لذيذة وقيمة على حسب وصفها وطريقتها


تسلم ايدينك يا دلال

تحياتى وتقديرى