سؤال لاهل الخبرة
 

السلام عليكم ورحمه الله
أسعد الله أوقاتكم بالخير

يشرفني الانضمام الى ركب منتداكم الميمون وأرجو ان شاء الله ان اكون خفيف الظل عليكم

لقد تجولت في هذا المنتدى طيلة الليل وأعجبني جدا بمواضيعه اللي تهتم بالمقبلين على الزواج

الحمدلله على نعمه اللتي لاتعد ولاتحصى

انا شاب عقدت النكاح على فتاة قبل شهرين وادعو الله لكل من اراد أن يتزوج بالتوفيق وأن يعينه سبحانه على أكمال نصف دينه

المهم يا اخواني اني الان في فترة ملكه....وعندي شي يضايقني واريد مساعدتكم وهذا الشي هو اني أحس اني في الايام هذي لما أكلم زوجتي أو لما اروح عندها احس بصراحه ان لساني مربوط ومو عارف أتكلم كلام غزل ما ادري هل بسبب اني أفرطت في كلام العشاق في بدايه الملكه وصرت احس انه ما عاد فيه شي جديد أقوله لاني حاس اني قلت كل اللي عندي ههههههه او هل بسبب اني بطبعي انسان خجول وما عندي ملكة التعبير فأرجوكم اخواني اللي عنده كلام حلو وغزلي بس مايكون باللغه العربيه يعني يكون كلام عامي لا يبخل علينا وارجوكم اسرعو بالرد لاني طفشت من كثر اللف والدوران في المواقع وكل اللي شفته كلام عربي بحت

السلام عليكم

http://www.w6w.net/album/35/w6w20050...590e26b27f.gif

نبدا...........

انت روحي انت عمري والغرام

يارفيقة العمر
تفداك روحي ورخيص لك
تفداك حياتي وعيوني
قلبي يموت فيك وبحنانك
ياقرة العين
انت حلمي ومناي الوحيد
انت كل ما اتمنى في هذي الدنيا
أحب هذه الدنيا لأنكِ فيها وأحب الأيام والقدر لأنهما جمعاني بكِ
واشكرربي على نعمة البصر لأنني اشوفك
لا تقولي انكِ ممله فلا شيء فيكِ ممل
حتى سكوتكِ جميل
هو اللى يحسسني بحبكِ لي


صراحه هذا كل اللي عندي ارجو ان تحوز على رضاك والله يوفقك ويسعدك مه رفيقة عمرك

هههههههههه
الكلمات العاميه حدث ولا حرج منها
اموت في دباديب دباديب عيونك
يابعد هلي وربعي وطوايفي
الله يجعلني اخذ ضيمك
بس أعتقد كلمة أحبك كافيه ووافيه بس طلعها من قلبك وبتشوف

انا عن نفسي ما ءأيد كلام الاخت كنانو

والسموحه منها

لأني أنا زوجته شو بعد بنت عمي

صحيح ان ابوي يلكن بعمه بس بعد الواحد يحب ينادونه بذاته بشخصه

يعني حبيبتي روحي عمري ولا ايدلع اسمي

يعني في هذا كل بنت وشخصيتها فلا اتجازف ويمكن تطلع مثلي
بس اسألها يمكن اتحب هي هالشي

وبعدين أي كلمه البنت اتحس انها من قلبك طالعه تفرح بيها

يعني لا تتحرون البنات يتريون الكلام الحلو بس بروحه

يعني تيلس كنك تقرا كتاب

تعالي انا احبج واموت فيج
صراحه الليل كله أسهره وانت في بالي
ولا غبت عني ثواني
شو اللي خلاج سحرتيني والله شاك انج امسويه فيه شي
صراحه أشكر الله انج من نصيبي وان شاء الله انت بعد فرحانه بيه
واتمنى اكون مثل ما تتمنين و نفرح و انعيش حياتنا بكل سعاده
الله يرزقني بولد او بنت يطلعون عليج

هالكلام حلو ونفرح بيه وايد بس لو ايي بين الكلام مب كل الكلام ورا بعض

بتقول ها يسير بيتهم يحفظ و ايي عندي ايسمع

يعني و انتو اتسولفون كلام عادي ولا يخصه في الرومنسيه فجأه تقولها
والله احبج انت ملاك و اتمنى عيالي يطلعون عليج
عشان البنت اتعرف انك اتحبها صدق مب بس تبي اتمرر الوقت
وبعدين اسألها اذا هي مرتاحتلك و اذا في شي في خاطرها
لأن طبيعة البنت تستحي انها تتكلم و اذا انت سألتها بتعودها على انها اتصارحك
واحلا ششي في الزواج المصارحه عشان ما تزعلون من بعض بعدين
ولازم طبعا تاخذون الراي بروح رياضيه مب تزعلون

والله يوفقكم والسموحه على الاطاله

أخوي بصراحة حلاة الكلام طالع من القلب لأنه راح يدخل القلب بسرعة بس إنك تاخذ الكلام من هنا وتحفظه وتروح تكره على خطيبتك مادري أحس إنه تسميع وبس وكأنك مو حاس فيه ... وجهة نظر وبس وتقبلوا فائق الإحترام وشكرا :)

انا كامن ايد الاخ الي قبل شوي لازم تكون من قلبك مو ورقه وتحفظها حتي لو كلمه بسيطه بس من قلبك

يوه تصير شي مو طبيعي بعدين اذا كنت تريد تملك قلبها بس قولها كلام حلو وانت اصلا لو تجلس عندها راح يطلع الكلام ان شالله

شكر كل الاخوة والاخوات الكرام على ردودهم العسل...وماقصرتو

بالنسبه للأخ أو الاخت فجر أشكرك حبيب ألبي على هالرد الحلو......عيوني الفكرة مو فكرة كلام ينحفظ وبعدين أقعد اسمعه ههههههه .......السالفه هي اني مجرد أبي أفكار كثيرة واعتقد اني وضحت السبب

اما بالنسبه ان الكلام طالع من القلب فتاكد يا اخي الكلام والله انا من وجهة نظري ان الواحد ما بيقعد مع زوجته الا واكيد بيقولها كل الكلام من قلبه لانها هي الحب الحقيقي

اما الانسان اللي مايقولها كلام طالع من قلبه انا أوجه له سؤال......اذا انت ما كنت صادق في احاسيسك مع زوجتك أجل راح تكون صادق مع مين؟؟؟؟؟؟

شكرا لمرورك الكريم

تختار لها لقب حلو وكنيه حلوه