منتدى عالم الأسرة والمجتمع - عندك خضار كثيره وماتعرفين وشلون تحفظينها ادخلي !!

عندك خضار كثيره وماتعرفين وشلون تحفظينها ادخلي !!

زمان كنت اتضايق لما يجيب زوجي خضار كثيره مدري وش اسوي فيها تخرب وهي باقي منها نصها او اكثر والحين الحمدلله صرت اسوي هالطرق في حفظ الخضار وارتحت
بقولكم طريقتي في حفظ الخضار وابغى كل وحده تدخل اذا عندها طريقه جديده تقول لنا عليها

أولا الجزر اقسمه لثلاث اقسام :
1/ اقطعه قطع صغيره واكيسه واحطه بالفريزر وهنا يستعمل لمرقه الخضار المسلوقه والقرصان 0
2/ اقطعه قطع صغيره واقليه بعدين اكيسه واحطه بالفريزر وهنا يستعمل لصينيه الخضار ومكرونه البشاميل 0
3/ احطه في ورق نشاف بعدين احطه في مطبق بلاستيك واحطه بالثلاجه واحاول بين كل فتره وفتره اغير الورق علشان مايفسد الجزر من الرطوبه وهنا يستعمل للسلطه بس مايطول كثير مثل الطرق السابقه 0

ثانيا الكوسه اقسمها لقسمين :
1/ اقطعه قطع صغيره واقليه بعدين اكيسه واحطه بالفريزر وهنا يستعمل لصينيه الخضار ومكرونه البشاميل 0
2/احطه في ورق نشاف بعدين احطه في مطبق بلاستيك واحطه بالثلاجه واحاول بين كل فتره وفتره اغير الورق وهنا يستعمل لمرقه الخضار والقرصان وغيرها 0
جربت اقطها صغار واحطها بالفريزر بس مانفعت هالطريقه خربت علي الكوسه ورميتها 0
والباذنجان بنفس الطريقه 0

ثالثا القرع والباميه :
ماعندي الا طريقه وحده لحفظها وهي اني ااقطعه قطع صغيره واكيسه واحطه بالفريزر وهنا يستعمل لمرقه الخضار المسلوقه والقرصان وغرها
اما القلي فأنا لااستسيغه مقلي 0

رابعا الخيار :
مااعرف الا طريقه وحده لحفظه وهي احطه في ورق نشاف بعدين احطه في مطبق بلاستيك واحطه بالثلاجه واحاول بين كل فتره وفتره اغير الورق .
بنات اذا كان عندكم طرق ثانيه للخيار قولولنا عليها

خامساالطماطم اقسمه لثلاث اقسام:
1/ اقطعه قطع صغيره واكيسه واحطه بالفريزر وهنا يستعمل للشكشوكه والتونه وغيرها 0
2/احطه في ورق نشاف بعدين احطه في مطبق بلاستيك واحطه بالثلاجه واحاول بين كل فتره وفتره اغير الورق وهنا يستعمل للسلطه 0
3/اقوم بتقطيعه ثم اضعه على نار هادئه حتى يذبل الطماطم ويطلع عصيره ثم اقوم بخلطه بالخلاط واكيسه واحطه بالفريزر 0

منقول