|
زوجي رفض ان يشتري لي جوال
[grade="8B0000 FF0000 FF7F50 FF1493 800080"]موضوع لم يمر سابقا ان حادثتكم فيه لكنه تافه جدا جوالي سيئ جدا في الارسال وكنت اود ان اشتري لي جوال لكن زوجي يرفض بشده ان يشتري لي جوال به بلوتوث فقط كاميرا وتردد لذلك المهم تركت الموضوع ولم اشد عليه قلت له انت الان ليس لديك جوال بلوتوث لكن اذا اشتريت لك فيه بلوتوث سأشتري لي .......... قال انا ماعندي هالحين واذا جاء وقته يصير خير ((( عذرا مره بالعاميه اكتب ومره بالفصحى )))) لاني تعبانه حيل ونافذ صبري واحس انهنت كثير اكمل يوم الاربعاء سافرنا لدوله قريبه عشان الاكتتاب انا وزوجي واخوه وزوجته راحو هم لكي يكتتبون وجلست انا معها بالسياره وجلست تقولي وش له هذا في السياره وهذا المكان حق وشو وجلست افتح في مكان للنظاره مخصص في السياره الاول ماكان فيه شيئ المكان الثاني كان فيه جواله القديم الثالث جوال الشيطان وشكله جديد جن جنوني وفقد عقلي وصوابي لكني حاولت ان اخفي كل تلك المعالم امام زوجة اخيه لاني لا احب ان يشاركني احد لا من قريب ولا من بعيد في ادق تفاصيل حياتي الزوجيه لذلك كتبته لكم انتم فقط رجعته مكانه لما عرفت انه فيه شريحه موبايلي نامت زوجة اخوه وبدون عقل نعم اقول بدون عقل اخذت الجوال ووضعته بشنطتي وطوال الوقت على اعصابي وخايفه لما وصل زوجي مع اخوه للسياره زاد خوفي وحاولت اضغط على نفسي وددت اني ارجعه لكن هم مانزلو قالو لنا ننزل حنا للصلاه وراحو صلينا وانا ادعي الله في صلاتي انه مايدري اني ماخذه الجوال طلعنا وهم بالسياره وهنا حصل مالا تحمد عقباه والله لاول مره اتعرض لهالموقف تمنيت ان الارض تنشق وتبلعني ولا اني اكون بهالموقف لا وقادم اخوه وزوجته قالي عطيني الشنطه قلت شفيك ويمسك عباتي وشيئ من غطاتي ويجرني كأني حيوان عنده ويقولي عطيني الشنطه وياخذها كل هذا وقدام اخوه وزوجته وياخذ الجوال ويرمي الشنطه علي بقوه انا منصدمه حاسه احداث متلاحقه لم استطع من خلالها ان ابتلع ريقي او حتى ان افكر قليلا والله اني اكتب ويداي ترتجفان وقلبي ينبض بكل قوته وعرقي يتصبب هل يظن اني جدار على هيئه انسان ولا سجّاد تنداس وتنهان حتى لو كنت مخطئه جلست صامته طوال الوقت مصدومه لان اتعرض لموقف كهذا انا اخطأة نعم لكن لماذا امام اخوه وزوجته نزلو هم علشان الاكتتاب ظلينا حنا قال بصرخه ليه تاخذين الجوال قلت له ليه تمسك عباتي وتجرني بهالشكل امي وابوي قبلك ما سوها وتجي انت عشان تسويلي كذا من هو انت عشان تسوي كذا معي حتى لو اخطأة ليكون مره ثانيه ترفع يدك علي لو شنو اسوي قال وشي تبغيني اسوي اقولك عشان خاطري ياهند عطيني الجوال انا كنت ناوي اعطيك كف لكن احمدي ربك وياليتني معطيك كف على الاقل كان بردت حرتي انا دورتك قبل لا تجون عشان مايصير قدام اخوي لكني ماحصلتك قلت له رح تعلم كيف الازواج العدله يتعاملون مع زوجاتهم وتعلم منهم قال لما تصيرين تتعاملين مثل الزوجات العدله عاملتك مثلهم قلت له (( وكانت نهايه النقاش )) المفروض انك تصلي صلاة شكر ماخذ وحده مثلي انا ماهمني ليه شراله الجوال لانه بيشتري ولا ماخذ رايي لكن ليه حاطه بالسياره شنو فيه وليه ماقالي خايف اشتر مثله ليه هو مايخاف على نفسه وخايف علي طيب آمنا بالله انا اخطأة الي متعبني وموتني قهر ليه اتعرض لمثل كذا وقدام اخوه وزوجته راحو مجمع ونزلو هم انا مانزلت الحّت علي زوجة اخوه وقالت بتكلم معك وان شاء الله ترتاحين ما اقتنعت قال زوجي الموقر مو راضيه تنزل قالو له لا جاني مو نازله قلت لا قال مو مشكله لكني بطفي السياره قلت مو مشكله راحو وانا ظلت ابكي حالي واتذكر كل عيوبه ووقتها اختفت كل حسناته جاو وركبو السياره شرت لي زوجة اخوه غدا وما اكلته ظليت وماكلت شيئ وما اكلمه واسكت مره وابكي مرات الى ان وصلنا ديرتنا نام قرير العين نمت ميته قهر وهم جلسنا المفروض نروح بيت اهله قلت له مو رايحه ومالي مزاج قال ليه ........... قلت ما ابغي احد يسألني شفيك ومافيك قال احسن وطلع في خاطري يكفي واحد من اخوانك وش الحل معه وش المفروض يكون موقفي لا تكونون ضدي وراعو مشاعري آآآسفه للاطاله اف الموضوع طويل لكن آآسفه اعذروني هذا ما حدث اختكم الحزينه هند ...[/grade] |
اختي هنود
فعلا موقف صعب ياغاليه و صعب تنحط فيه اي زوجه و اوكد لك ان زوجك ايضا موقفه ليس افظل من موقفك لو فكر قليلا بتصرفه هذا و نظره المحيطين به ورده فعله اتجاه تصرفك لكن يلح علي سؤال ،،، كم عمرك انت و عمر زوجك لا استطيع ان استمر بالكتابه من غير ما ينط هالسؤال في بالي الله يصلح حال بيوت المسلمين |
شكرا لك اختي وحبيتي ام اثير على سرعة الرد
ليه يلح عليك سؤالي بالعمر اكيد في بالك شيئ من الموقف يتعلق بالعمر احب تذكريه عمري دخلت 27 لي شهرين وزوجي الظاهر 33 او 34 |
اختي هند انت اخطئتي وزوجك اخطا
بس كما نعلم تصرف زوجك هذا تصرف رجولي طبيعي يعني لا تتوقعي انه راح يجي وقولك اسف انت احسن علاج تويه تتعوذين من ابليس وتتعاملي مع الموقف كانه ما صار شئ وغلط منك انك شلتي الجوال وحسستيه انك عارفه المره الجايه لو فكر يسوي شئ لاسمح الله راح يدورمكان ثاني وصدقيني الرجال مايعجزه شئ وانت عارفه الكلام هذا ارجوك ادي ان شئ لم يكن وتعلمي كيف تدوسي على قلبك من اجل مصلحتك وصدقيني اشعري زوجك بالامان وستعرفين كل ماتردين معرفته واستمتعي بحياتك والله يرزقك الذريه الصالحه |
زوجك أولى وافضل من كل شيء قولي سمعلا وطاعة، الله يهديك
الاحاديث لابد ان تذكر بتوثيقها |
اختي هند انا عاذرتك على موقفك واقول لك مثل الي قبلي انسي الموضوع
هم اغلب الرجال اذا عصبو مايراعون ان جنبهم احد يعني لاتاخذين على خاطرك وتستحين من اخوه ومرته لان اغلب الازواج يصير بينهم الي صار بينكم انتي سمي بالرحمن وهداي نفسك وبعد وقت هو بيهدا وبيحس بغلطته الله يوفقك تفاحه |
لاحول ولا قوة الا بالله العلي العظيم عزيزتي أنا زوجه مثلك وياما صارتلي مواقف أكثر تشعرني بالمهانه انا لاأريد أن أزيد عليك همك ولكن أريد أن أخفف عنكي ولو بالقليل لأن اللي يشوف بلوة غيره تهون عليه بلوته ... أنا زوجي عنده موبايلين وأنا على علم بهالشئ بس اللي قاهرني ليش يخلي واحد بالسياره وليش يغلقه بالذات لما أركب معه وليش وليش وليش .............. طبعاً لما ينزل البيت يجيب معاه موبايله اللي يخص شغله لأنه هام .. لكن الثاني يظل بالسياره .... طبعاً اي وحده بمكاني تفكر بأشياء كثيره بنفسها طبعاً أكيد فاهمه قصدي بس شو اسوي حكم القوي عالضعيف ..... حتى لدرجه عودت نفسي على هالشئ .. لأني كنت أعاتبه بالماضي على هالتصرفات لكنه يبررها بأنه يقول انتي فضوليه وأنا ماحب انج تشوفين أشيائي الخاصه من وراي .. وانه اصدقائه يبعثون له اشياء مايرض ان زوجته تشوفها .. و...و...و المهم لما أركب معاه السياره أسوي نفسي مب شايفه موبايه ومطنشه هالموضوع .. لأني أنا اللي راح أتعب صدقيني ياأختي مافي غير انج ترضين بالأمر الواقع .. مش عشان أننا ضعيفات شخصيه , ولو كان كل البيوت تنهدم عشان سبب من هالاسباب لكانت معظم البيوت تفككت وانهارت .. اتمنى اني قدرت أوفي في جوابي القدر الكافي وأسأل الله لي ولكي الحياة الزوجيه السعيده ... وصدقيني الريال لمن يشوف الزوجه متحمله وصابره وساكته وتشوف اللي يضرها منه وتتحمل وتسوي نفسها مب شايفه راح يحس بالنهايه اذا كان عنده شوية إحساس... بس أنا فيني ميزه مش حلوة بالمره وأبغي أبعد هذه العاده السيئه .. أن من أقل شئ أبكي بحرقه حتى زوجي كان بالبدايه اذا غلط بحقي وبكيت كان يرأف بحالي ولكن الآن وبعد ان كملت 3 سنوات لما أبكي يقول ماتهمني دموعك ولو سمحتي لما تتكلمين معاي لاتبكين ... بل يريدني جامده وأتحاور معه بصوت منخفض وببرود تام ... مب عارفه شو اسوي معاه أو شو أسوي بطعي هذا المهم أختي العزيزه أنا لما تضيق عليا الدنيا من تصرفات زوجي أقرأ القرآن حتى لو انه تركني وخرج من البيت وانا على حال البكاء أمسك القرآن وأقرأ وصدقيني من أول صفحتين قراءه راح تلاحظين الفرق براحه نفسيه وقومي بالدعاء في صلاتك ((( اللهم أسألك أن تجعل القرآن ربيع قلبي ونور صدري وجلاء همي وذهاب حزني)))) اللهم آآآآآآآآآآآآآآآآمين |
الشك اذا دخل من الباب خرج الحب من الشباك و الشاطر يفهم ..
تحياااااااااااااتي |
أختنا وحبيبتنا ذات الكتابات المشوقة " هنووووده " نعرف ياعزيزتي ان موقفك ِ صعب جدا ً وخاصة انه كان أمام اخو زوجك وزوجته .. ونحس بما تعانينه من ألم نفسي ولكن أنت ِ المُلامة في المرتبة الأولى !!! .. وهذا لا يعني أننا نبرر موقف زوجك ونُدافع عنه .. فهو ايضا ً مُخطئ وبشكل كبير والعقاب أمام الناس مسأله فيها الكثير من النظر .. والرجل الذي يملك نفسه ساعة الغضب في مثل هذه المواقف دليل على رجاحة عقله وقوته ولكن تذكري انك ِ انت ِ من دفعتيه لهذه العصبية ليش الفضول ؟؟ .. ليش قررت ِ أخذ الجوال ؟؟ .. أنتِ امرأة عاقلة وهذا مالمسناه من خلال كتاباتك المميزة وبصراحة صعب علي ان أقدم لك ِ النصيحة التي أنا واثقة أنك ِ تعرفينها في قرارة نفسك .. وتعرفين من فيكما المُخطئ ؟؟ ولماذا حصل ماحصل ؟؟ غاليتي .. مثل ما قالت لك أختي زوج رجل مميز .. دوسي على قلبك عشان مصلحتك وتعاملي مع الموقف كنه ماصار شي والليلة تعدلّي لزوجك واضحكي في وجهه وصالحيه وبشريه ان تعبكم وانتظاركم الطويل في طوابير الاكتتاب وانتظار الدور مابروح سدى :d .. ان شاء الله الاسهم بتنزل في البورصة بعد 6 شهور وقيمة كل سهم مهب اقل من 100 ريال وخبريه يجهز فلوسه ترى في احتمال كبير تنزل اسهم البنك التجاري قريب :d ابدوا صفحة جديدة من حياتكم ولا تكررين مثل هالمواقف مرة ثانية :11: " لو ادري انك عندنا وهالموقف حصلك كان مريت عليك ودافعت عنك " :18: الله يوفقك ويسعدك يالغالية |
اقتباس:
اختي هنود ام احمد قريبا باذنا لله عندما سالتك عن العمر كنت اريد معرفه فرق العمر و اي مرحله عمريه و فعلا كنت اعتقد انكما في هذه المرحله العمريه و الفرق بينكم كذلك اختي هنود الازواج في بدايه زواجهم تكون فيهم رغبه بان يعاملهم ازواجهم كازواج و حقوق وواجبات ويسعون للتصرف بهذه الطريقه لكن لازالت الخبره تنقصهم ويطغى على تصرفاتهم اتجاه الطرف الاخر رده فعل الاخوه اي التصرف الطرف المقابل كما يتصرف الاخ مع اخوته بما فيها من تصرفات صبيانيه و عدوانيه و نديه وهذا ما رايته من تصرفكما انتما الاثنان معا لا استطيع فصل تصرف احدكما عن الاخر سواء منك كفعل طلبك للموبايل و عثورك على موبايله و اخذه وهو رده الفعل باخذه الشنطه وبالقوه و بعنف سواء كان هذا بمفردكما ام بوجود اطراف اخرى و ان شاء الله تدريجيا مع العشره و الموده و الرحمه تستطيعان التصرف كزوجين متحابين تفهمان بعضكما من النظره الله يصلح حال بيوت المسلمين اللهم ا مين |
| الساعة الآن 02:25 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©