أفكر في الطلاق ساعدوني
 

السلام
عليكم أنا عضوه جديده في المنتدى و إن شاء الله اكون خفيفة ظل عليكم:17:

اول موضوع ودي اشارك فيه هي مشكلتي مع زوجي الغامض والغريب الاطوار بصراحه زوجي ماعنده أي إحساس وأعاني من تجاهله لي تخيلوا لي 6سنوات متزوجه عمره مامدحني وبالعكس لو يشوف علي أي غلطه بسيطه على

طول يتريق ويعلق علي بمنتهى السخافه وانا الحمدالله والله ماينقصني شي والله كل من يشوفني يفكرني ماتزوجت

والله حتى أهله دايما يمدحوني وأنا مااقصد في الشكل بس حتى باهتمامي في البيت والعيال والطبخ علما بأني

موظفه واحاول إنه مايحس بأي شي ناقص والمصيبه الكبيره ياويلي لو أقوله إزحف وراك ولو يصير بينا أي نقاش

ويحتد شوي على طول يطلع ولا يرجع الا الفجر واحيانا ينام بره والله مره غاب عن البيت اسبوع زعلان وانا اتكلف

بكامل المسؤليه من مصروف ورعاية اطفال وغير نفسيتي اللي تتحطم

ويوم رجع ياليته إعتذر ولا طيب خاطري بكلمتين حتى لو إنه يكذب والله ولا شي أصلا انا اللي دقيت عليه وترجيته

يرجع البيت وطبعا بالموت رد علي

والحين كرر نفس الحركه واخذ كل اغراضه وطلع مثل الحريم والحين مستحيل ادق عليه وانا بصراحه افكر بالطلاق

وش رايكم ؟؟؟؟؟؟؟؟؟

ساعدوني والله اني في دوامه

اصبري اختي عشان اولادك ...
وحاولي ما تحسسينهم ان في شئ بينك وبين ابوهم وبالعكس ابسطيهم وديهم اماكن يحبونها واذا شفتي اولادك مبسوطين بترتاح نفسيتك ومتى ما حسيتي نفسك ارتحتي حاولي ترسلين له مسج او تكلمينه مكالمه تهدي الوضع
والله يوفقك ويزيح همك ويصلح ما بينك انتي وزوجك ويسخركم لبعض..آآآآآآآآآمين

السلام عليكم ورحمه الله
الله يسهلها عليك يارب0000 اختى أريد ان أسألك هل تصرفاته هذه وحبه للأنتقاد معك انتى فقط أم مع كل من حوله هل هو صعب مع الكل ام انتى فقط ؟؟00000000شاهدت كثيرا من الشخصيات من هذا النوع فهما خارج البيت قمه المرح وداخل البيت يتغيرون
أسألى نفسك على انتى مقصره معه عاطفيا اعتمدى على أحساسك فى اشياء ما يقدر يطلبها الرجل بخصوص العاطفه
كلميه تفاهمى معه بيني له كل شي كل الى كتبتيه فى هالموضوع قوليه له لو حتى تكتبيع له على ورقه
استعيني بأصحاب الخبره من حولكم اخوانك اخواته امه
واصبري وصابري والله يوفقك ويسهلها عليك

السلام عليكم ورحمة الله
اختي والله ان حالتك ماهيب بعيدة عن حالتي ولي سنين وانا اعاني من استهتار زوجي
وعدم مبالته ، لو تصير اي مشكلة يزعل وينام برا ... حاولت اني اتفادى المشاكل
معه لكن بدون فايده ... لدرجة انه صار ينام برا البيت حتى وحنا متراضين ، نصحته
بشتى الطرق واذا مو مراعيني راعي عيالك وخصوصا انت قدوتهم.... حتى اني عرضت
عليه ان يسهر مع ربعه الى الفجر بس ينام في بيته .....لكن مع الاسف اذن من طين واذن
من عجين .. وبعدها خيرته بيني وبين ربعه والاستراحه ...فختار الخيار الثاني...
شلت من بالي قضية الطلاق عشان ابنائي ...والحين انا في بيتي ادعو ربي له بالهداية
وهو مع من اختار!!! العلاقة بيني وبينه منقطعة صار لها خمس شهور ولا زال يسهر
ونصف الاسبوع يبات برا ...
آسفه اختي طولت عليك بسرد مشكلتي مع اني عرضتها بالمنتدى قبل فتره لكن حبيت
اخبرك بتجربتي
واخيراً احب اقولك ياأختي ان هذا ابتلاء من الله سبحانه وتعالى.... فيجب ان نصبر
ونحتسب....تقربي لله بالدعاء والاستغفار..فهو حسبنا ونعم الوكيل ثم رددي دوماً
(اللهم آجرني في مصيبتي وخلفني خيراً منها)

ظبي نجد

حنونه

ياشين العزوبيه

ميلاف

شكرا على الرد لكم جميعا والله أحس إنكم بردتوا على قلبي كلكم خاصة انت ياحنونه وراح اتبع نصيحتك

واطنشه لين:ينطحن الحب اللي في راسه :29:

اما سؤالك (ياشين العزوبيه): هو صراحه مع غيري لاعب دور الضحيه والكل يقول اني غاطانه مع اني ماأتكلم

وحتى خواته اذا لبسوا وتزينوا يعلق ويلاحظ مع انهم والله جدا عاديات

اما انت ياميلاف الله يعينك ويفرج عليك وعلي علما بأني حاطه الطلاق على(waiting)

يعني ماعندي مشاكل لان بصراحه احس حبي له بدى يتلاشى

دائما أرجع وأقول الصبر من أجل هذين الطفلين

:21: :21: اختي زوجة الرجل الغامض حاولي ان تفتشي على الاسباب التي تجعل زوجك يعاملك بهذه الطريقة
موفقة باذن الله

آه من هذا الالم.. ولله اني اشيل هم النساء المظلومات كحالتــــــــــــك

الله ينصرك وينصر الميلاف يا ارحم الراحمين..