كيف أكون أكثر جرأة؟؟؟؟
 

كلما أغلقت السماعه بعد ان أحادث خطيبي احس بضيق

ليس منه

بل من نفسي


لماذ؟؟؟

لأنني أحادثه بخجل شديد
وواضح من لهجتي في الكلام انني متكلفه

اي انني لا احادثه بأريحيه
أجلس على اعصابي مثل ما يقولون

أحاول ان اقول كلمه حلوة بسسسسس ينربط لساني في اخر لحظه
واللي معور قلبي اكثر انه في بلد الغربه للدراسه ويحتاج مني كلام يهدي باله ويحسسه انه مهم عندي



احسست من فترة انه بدأ يفتر في الحديث معي
كأنني أكلم أخي وليس زوجي!!


واتوقع ان السبب هو خجلي الزائد وربما حيائي من ان اقول له كلام حلو

وكذلك من الأشياء التي تفاقم مشكلتي هي ان محادثتي له لا تطول مجرد عدة دقائق كل 3 او 4 ايام نظرا لظروف المكالمات الدوليه
وبالتالي احس نفسي محاصرة في الوقت


اها صح نسيت اقولكم انه ملكتي مر عليها شهر

وادري انه البعض بيقول تو الناس

لكن فعلا انا هذا الموضوع كثير مضايقني



مممم

هل لديكم نصائح عمليه ..وتحتها 20 خط عمليه بلييييز للتعامل مع خجلي
وكيف يمكن ان اعبر له عن حبي بدون خجل؟؟؟؟؟؟؟؟؟؟؟:29:

اختي الف مبروك

شوفي انا بصراحه ماعندي حل لكن مريت فيها بدايه زواجي كنت اسحب الحكي والكلام من زوجتي تسحيب لدرجه اني مره كنت اكلمها وجلسنا تقريبا نصف ساعه عديت الكلمات الي قالتها ما تجاوزت 8 كلمات تخيلي

لكن عاد لازم الرجال يقدر صدق يتضايق لاكن شي طبيعي والطبيعي انك تصيرين كذا يوم ورا يوم تتعودين

بعد الزواج بفتره بعد ماتعودت علي قلت ليش طلعتي روحي اجر الكلام جر

قالت تصدق كنت اكتب الكلام بورقه واذا جيت اقولك احبك كنت اقولها بعدين احط اصابعي في اذني لا بعد تطفي النور



بس انتي اضغطي على نفسك قوليها مره بعدين مرتين تتعودين ان شاء الله

سامحيني على القصور.............هذا الي عندي

مشكور اخوي نايف

والله زوجتك حبوبه...وحسيت فيها وهي تسوي هالحركات...بس بعدني ما وصلت لهالمرحلة :)
الله يخليكم لبعض

راح احاول اضغط على نفسي

بس اخاف اهو يحس انه هالكلام متكلف


صح وبغيت أسال بعد

هل ممكن ابعثله ايميل
ابين له اني مو بارده او جافه
وان مع الوقت راح اكون افضل؟؟؟

خاصه اني من النوع اللي يعبر عن مشاعره كتابة أكثر

الى thooooooooooooob مع التحيه
أتوقع والله أعلم انك تمرين تحت ضغط نفسي من أسأله تراودك مثل كيف أكلمه...بأي أسلوب...هل بتكبري بعينه من طريقتك بالكلام ... كيف تحببيه في نفسك أكثر
عليك بالدعاء ثم بتمارين الأسترخاء فهي مهمه ومفيده فهي تزيل الضغط تدريجيا ويمكنك البحث عن هذي التمارين في المواقع النفسيه وبتدعين لي تحياتي

الله باسمونا

نصيحتك من ذهب خويتي

يمكن اللي تقولينه صحيح

ان شاء الله راح ادور على المواقع
والله يجزيج الخير

بس بريايج اصارحه بكتابة ايميل عن وضعي واني راح احاول اتحسن مع الايام ولا مافي داعي

انا شخصيا حاسه اني ابي افضفض له

أولا أنا( أخوك )مو خويتك...!
ثانيا فكرتك حلوه على اساس مايفهمك غلط من برودتك في الكلام ويروح تفكيره بعيد
رساله منمقه عليها شوية ورود وكلمات خفيفه بدون الفصحى بتخليه يرتاح وترتاحي انتي
تحياتي

ممم واااااي
سوري الف مرة اخوي

ما عليه لا تلومني وانا بهالحاله

وشكرا على النصيحه

اختي عذووووب

احيانا" او اقدر اقول غالبا"

الرجل يحب الشي الفعلي
يعني مثلا" انتي تقدرين تسوين اشياء فقط بدون ما تقولين ولا كلمه وحده ابدا
و تكفي عن مليون كلمه حب وكل كلمه رقيقه

اقول لك كيف :)

1- ارسلي له رساله عن طريق الجوال تكون في الصباح او قبل النوم يعني يستفتح بها جواله وتكون فيها نوع من الشوق وتعبر عن المحبه

2- لو تقدرين تحصلين بريده او عنوانه في بلده وترسلين له هديه مفاجأه وتكون حلوه وظريفه
3- دزي لها بطاقه على الايميل - مواقع البطاقات كثيره - تهنئه بعيد او تهنئه بحلول العام الجديد


بدووون اي كلمه منك
انا متأكد لو بيحصل هالشي منك انه بيتولع فيك وبينجن جنووووووون

تأكدي ان الرجل يحب المرأه اللي يحس انها تحبه

الخجل في البنت من اعظم المميزات

لكن !

ما يزيد عن حدّه

لكن انا قلت لك حل مشكلتك هذي هو التطبيق لان الخجل عادي جدا وطبيعي
بس بافعالك تقدرين تكسبينه مررررررررره

تخيلي لو تجيه هديه منك في البلد اللي هو فيها
انا اتوقع انه ما ينام الا بعد ما يجلس ساعه كامله يتأمل الهديه :)

هل ممكن ابعثله ايميل
ابين له اني مو بارده او جافه
وان مع الوقت راح اكون افضل؟؟؟

خاصه اني من النوع اللي يعبر عن مشاعره كتابة أكثر


اختي فعلا هذي طريقه حلوه مره ونا جربتها بس متى شفتها بعد ماتزوجنا ومر كذا شهر على الزواج ورتني دفتر مكتوب فيه اشياء جميله ورائعه تقول كانت تبي تعطينيه

مع هذا اضغطي على نفسك الكتابه على ورق او رساله مو زي الكلام الي طالع بصوتك حتى لو انك ترجفين من الحياء وكلمه تقولينها وكلمه تبلعينها مع كذا حاول انك تعبرين باي وسيله لاكن لاتسكتين ابدا

بصراحه يا اخوان
بعض الاشياء اللي قلتوها انا سويتها

مثل الهديه..قدمت له هديتين..ومرة حطيت له هديه مميزة وخليت اخته تخبيله اياها بين اغراض السفر.. وشكرني عليها

والايميلات...بعثتله كم ايميل ...بس ما رد علي...
حتى المسجات ومثل ما قلت اخوي..اصبحه وامسيه بمسج

بس نادر انه يرد

هو مره قالي
انا احب اني اتصل اكثر من اني ارد على الايميلات والمسجات

والله احترت...ما اعرف
هل اوقف هالاسلوب ولا !!!!!!