المحادثات قبل عقد القران
 

السلام عليكم و رحمة الله و بركات أنا فتاة عمري 21 مخطوبة لشاب عمره 22 و الصراحة أنا الحين بفترة الخطوبة و هو طبعا يريد يرمسني بالموبايل و أنا ما راضية للعاداتنا و تقاليدنا ما تسمح بها الشي بس الصراحة هو صبر علي أني ما أرمسة و هو طبعا يأتي زيارة في بيتنا تقريبا مرتين كل شهر و نجلس أنا وهو و أمي و أمه بس أنا لا أكلمه و لا هو يكامني يعني أنا ما أعرف هذا شي أوكي أو لا و هو بعد طلب من أمه أن يعقد القران بسؤعة بسبب أني ما أرمسه بالخطوبة و يبس يكلمني بعد ما نملك أرجووووو المساعدة من أخواتي و أخواني في المنتدى شاكرة لكم حسن تعاونكم معي و أنا خاطري أعرف شعور ها الشخص أتجاهي بس كيف كيف على فكرة اللي منعوني من كلامه بالتلفون أهلي لأن ها الشخص غريب عن الأهل........

إذا ماتقدرون تكلمون بعض عيل ليش هاي الزيارات اللي ما منها فايدة.. يمكن عشان الأمهات يتعرفون على بعض؟؟؟!!!!!
أنا أقول استعجلوا بالملكة لأنه الكلام بالتلفون وانتو مخطوبين بس مب حلوة وولايجوز في الدين والأفضل إنه يكون بينكم رابط شرعي عشان تاخذون راحتكم وفنفس الوقت تكونين ضامنه انه اللي تسوينه حلال!

يعني تزورو بعض وتقعدون مع بعض ويوم جت على المكالمه تقولو لااااا

انا مانى شايف اى مشكله دام الرجال يبي يملك خلاص توكلو على الله وملكووو

هو عادي الملكة خلاص شهر 3 إن شاء الله بنملك بس كيف أعرف شعوه أتجاهي دايما أقعد و افكر فية و أمه تقول بعد هو نفس الشي دايما يسأل عني و عن أخباري من مامته بس بغيت أقول يوم أقعد وياه عادي و لا حرام مع أمه و أبوه و اللي سووه أهلي منعوني من التلفون صح أم غلط و بأثر علي بعدين و لا لأ

ابي اعرف يعني من هالزيارات ما تكلمتي معاه ولا كلمه بوجود امك وامه

ما فايده هالزيارات ما دامك ما عرفتي شعوره اتجاهك الله يكون بالعون

يا اختي اذا كان الرجل يريد التعجيل بالملكه يعني الشخص مرتاح لك

الله معك

[QUOTE=alyazyeh]إذا ماتقدرون تكلمون بعض عيل ليش هاي الزيارات اللي ما منها فايدة.. يمكن عشان الأمهات يتعرفون على بعض؟؟؟!!!!!
أنا أقول استعجلوا بالملكة لأنه الكلام بالتلفون وانتو مخطوبين بس مب حلوة وولايجوز في الدين والأفضل إنه يكون بينكم رابط شرعي عشان تاخذون راحتكم وفنفس الوقت تكونين ضامنه انه اللي تسوينه حلال!
كلام جميل

فعلا الأفضل لكم إنكم تتممون الملكة علشان انتو الإثنين تكونون
مرتاحين وتاخذون راحتكم .

ملكوا وووكلي ربك ....

وهو خير معين ....

مبارك عزيزتي...

أملكــــوا وبعدها تكلـــموا........لان الكلام بعد الملكه يكون أكثر جديه عن الخطوبه!


تحياتي

يا عيني ع العشقين يا عيني ...حايارا مظلومين .... ع الصبر مش قادرين.
هذا هو الحب .. اين المشكلة عزيزتي