|
أرشدوني جزاكم الله خيراً ؛ من الذي يستحق القبول ؟
[SIZE="5السلام عليكم ورحمه الله
انا فتاة من نجد عمري 24وموظفه تقدم لي شاب اكبر مني بسنه وهو غير مدخن ولاسفر للخارج وموظف حكومي عموما هو عاجب اهلي وعايش بنفس المنطقه اللي انا عايشه فيها لكن عيبه الوحيد مرتبه قليل لانه لايحمل شهاده جامعيه معاه ثانويه وله سنه متوظف يعني ماكون نفسه ماديا والا باقي النواحي كويس دين/اخلاق لكن الراتب حسسني اني راح اتحمل مسؤليه البيت لكن اهلي يقول اهم شي الرجل نفسه والفلوس لاتفكري فيها ابد لانك انتي موظفه انا من 4 سنوات كنت ادخل الشات بغرض التسليه وتعرفت على شاب وتعلقنا في بعض لكن العلاقه لم تتعدى غير المسنجر لانني اعرف انني اعمل شي خطاء منذ سنتين وهو يطلبني للزواج وانا ارفض لانه صارحني بكل شي في حياته انه يدخن وانه تعرف على الكثير من الفتيات بالهاتف فقط دون مقابله وانه قد ارتكب الزنا عندما سافر لشرق اسيا كل هالاشياء سواها بالماضي يقول ما ابغى اخبي عنك شي وابغى الموافقه تجي منك عن قناعه وهو تائب الان وطوال 4 سنوات معاه ماسافر واعترف ان له سنتين تارك مكالمه الفتيات وهو عمره 33 يقول الان اريد ان استقر وهو محافض على الصلاه بالمسجد وطيب ويعمل حر حالته الماديه ممتازه ووعدني بانه بعد الزواج سوف يغير رقم هاتفه وانه لن يدخل الشات والمشكله ان معظم شغله على النت وهو يقول اشك بنفسي لكن ما اشك فيك واهله ملتزمين دينيا وهو الان يريد ان يتقدم لخطبتي بصراحه محتاره مادري ايش اسوي وبصراحه بداخلي خوف من الاشياء اللي سواها اول انه يرجع يسويها مع انه وعدني انه سواء تزوجني او تزوج غيري راح يكون لزوجته وبس. هل اخليه يتقدم واشوف رأي اهلي فيه؟مع العلم ان والدي متوفى واترك اهلي هم اللي يحددون مين منهم الأفضل الله يجزاكم خير ارشدوني فأنا محتااااااااااااااااااااااااااااره |
ينقل لعالم المقبلين على الزواج حيث مكانه الانسب ليجد التفاعل المنشود انصحكِ بالاستخارة - وفق الله الجميع احترامي |
اختي الغالية
اذا الرجل الذي تعرفتي عليه بالمسنجر جاد فخبريه ان يأتي ويطلب يدك من اهلك ويحضر اهله واسألوا عنه كثيرا قبل ان توافقي..ان كنتي فعلا تحبينه وتفضلينه على الأول ولا نتسين تصلين صلاة استخارة لتجدين من منهم ترتاحين له اكثر ولو طلع ان الرجل كاذب ..وافقي على الموظف بعدما تسألون عنه أيضا وترتاحين له وفقك الله |
انسي موضوع شاب المسنجر
وعليك بالاستخارة بخصوص الشاب اللي من نفس منطقتك من وجهة نظري أراه افضل.... ولا تنسي الدعاء ........... واتقي الله في نفسك تحياتي |
كذاب اللي يقول ما راح يشك فيك بعدين
فكري بجديه بالرجل الاول والحمد لله سنه ورا سنه بيتحسن راتبه |
تبغين نصيحتي
ابعدي عن صاحب المسنجر عاجلاًام اجلاً بيشك فيك وانت بتعيشين الشك معه اذا شفتيه يكلم كثير او طول على النت او او او اختصري الطريق وتوبي لربك واختاري الثاني ان شاءالله انه الافضل صلي استخاره والثاني مايعيبه انه بسيط بالعكس افضل وابدائي من الصفر معه مافيها شي هذا نصيحتي وبالتوفيق |
اقتباس:
|
انصحك اول شى بالاستخاره........
ومن وجهة نظري اشوف ان الاول افضلك لانه اهم شي الدين والرزق على الله اما الثاني راح تكون صعبه شوي لانه مهما صار ماراح يوثق فيك مستقبلا |
أختي العزيزه.........أنا لو كنت مكانك لما أخترت ان أتزوج بشاب أقمت معه علاقه عابره بالأنترنت....مع أنه أعترف لك بماضيه بس أنا أحس هذا مو كافي عشان ترتاحين......لأنك بعدين دايما بتشكين فيه نفس ماقالت الأخت وهو يطالع التلفزيون وهو على النت وحتى وهو يكلم تلفون........ واذا كان الثاني رافضته عشان مرتبه....حطي في بالك الفلوس مو كل شي صحيح مرتبه ضعيف لاكن أنتي موظفه وتقدرين تساعدينه .........لأن ياما بنت متزوجه من مليونير لاكن في حياتها مو سعيده..........والسلام:)
|
الأخت الكريمة هذا رأي فقط أتركي عنك صاحب المسنجر وركزي على الموظف شوفي انا كنت مسئولة بأحد البنوك وراتبي ماشاء الله كبير تقدم لخطبتي موظف بسيط جدا معاه الثانوية فقط وراتبة ما يتعدى 3000 ريال........وبعد الزواج بسنتين قدمت أستقالتي...فوالله ثم والله ماصار 6 سنوات من زواجنا الا وهو باني البيت .....ومن غير قروض بعد...وتصوري بعد عشر سنوات من الزواج صار راتبة الضعف .....أهم شيء القناعة بالقليل عندي صديقة تعمل في احدى الشركات تقدم لها شاب من أهلها .....لم يكمل الثانوية العامة......راتب ضعيف جدا وفي نفس الوقت تقدم لها شاب حسب ماتقول فيه جميع الصفات الحلوة بس كان شقي....وهي على قوولتها تحب الشقاوة في الشاب.....المهم طلبت رأينا في الموضوع و نصحناها بالموظف وتترك عنها الشاب الشقي..... فوافقت على الأول ....وبعد مرور سنين من الزواج ...سألناها عن حالها ...قالت جزاكم الله خير...انا عايشة سعيدة ومتهنيه معاه أحب أقول شيء وهو ان الفلوس ما تجلب السعادة ....أهم شيء يكون رجال عارف ربه زين أحترامي |
| الساعة الآن 10:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©