|
ما هو الحل ؟ خطيبي رافض اتوظف
السلام عليكم اني بنت عمري 22سنة ,ادرس تمريض بالحرس انخطبت من فترة وعندت التحدث مع خطيبي قلت له انه بعد التخرج اجباري نشتغل لمدة اربع سنوات نفس مدة الدراسة يعني قام يقول ليش ماقلتي لي ؟ انا نسيت انه ماقلت له حيث هو من البداية قال ليي بس تتخرجي مافي تتوظفي اخذي الشهادة وكوني بالبيت لان شغلة التمريض انا ماحبها ولااحب زوجتي تكون على اختلاط مع رجال المهم هو رافض مدري كيف اقنعه انه بس هالمدة راح اشتغل فيها لانها اجباريه ومراح يسلموني شهادة تخرجي الا بها ؟ ام انه اتركه وانتبه لدراستي علما بان الرجل جيد واني احبه بس الظاهر مافي نصيب فحبيت اشوف ارائكم اذا في حل احاول اقنعه فيه ولا كل واحد في طريقه تحياتي |
أختي أنصحج بالاستخارة وربج يكتب لج الي فيه الخير .. لك تحياتي
|
أنصحك أختي الكريمة أن تقنعيه أن يتركك حتى تكملي باقي دراستك وتحصلي على الشهادةوبعد الحصول على الشهادة أنت صاحبة الرأي وانا أرى أن الزواج مقدم على الوظيفة بل واهم من العمل في وظيفة ما ،واذا كان زوجك غير راضي ان تعملي في وظيفة مختلطة فيمكن تحويل وظيفتك الى عمل أخر كمدرسةعلوم لأن التدريس في بعض المدارس غير مختلط في بعض الدول كالسعودية مثلا ،لكن الحصول على الشهادة ضروري جدااا حتى ولو لم تتوظفي إنما احتفظي بها لطواريء الزمان
|
والله يا أختي وش لك بالوضيفة
لا الله أمرك بالوضيفة ولا زوجك يبيها ....يعني وش حادك على عليها وترى الزوج الزين بدا يصير عملة نادرة ولا تنسين الإستخارة مرة ومرتين وثلاثة |
اول شي الاستخاره وبعدها رايي من راي اخوي الثعالبي
|
الوظيييفه ثم الوظيفه تمسكي فيها بأسنانك :)
انتي ماتعبتي كل هالعمر علشان يضيع تعبك ببلاش بعدين لو تركتي وظيفتك ايش يظمنك ان زوجك يدوم لك طول العمر او ماتدري الدنيا تدور بكم ولاتلقي معين بعد الله سبحانه ( بعيد الشر عليكي) تمسكي فيها هذا ضمانك وضمان عيالك اقنعيه بطريقه حلوه بدون معانده او اصرار.. كلميه في لحظه رومانسيه .. واذا مااقتنع ازعلي منه كم يوم .. وبرضو اذا مااقتنع خلي ابوك يكلمه هذا هو الحل الاخير يعني هو خطبك واهلك موافقين على دراستك وشغلك ماله داعي السيطره وفرض الاراء انتي من حقك تحققين احلامك وطموحاتك .. وزمن جدتي انتهى .. الحين الدنيا تخوووف والمصاريف كثيره وماحد فاضي لأحد لا اخوه ولا خوال ولا اعمام لاتتنازلي عن حقك اختي اللي هو مستقبلك اللي اخترتيه لنفسك والله يهدي خطيبك يارب تحياتي |
حبيبتي اذا انت تحبيه ومتفاهمين وهو يحبك وقدرك شو بدك بعد بالوظيفة صدقيني مع اول طفل يكون عندك راح تكرهين الوظيفة والخروج من البيت حتى لانه راح يكون عندك زوجك تهتمين فيه واولادك في تربيتهم والاهتمام بهم لهذا مافي داعي ان تلغين كل شي وتفسخين الارتباط به علشان الوظيفة ونصيحتي الك كاخت واعملي بيها انه ابقي معاه وكملي بالخير دراستك وخلص والله يوفقكم ان شاءالله
|
اقتباس:
حاولي أن لا تجمعي بين زوجك و الوظيفة المؤقته .. أخبريه بانك سوف تحصلين على الشهادة و لن توظفي .. و لكن لا بد من الوظيفة لمدة أربع سنوات مثلا .. حتى تاخذي الشهادة .. أعانك الله ,و و وفقك .. و هدى لك زوجك .. |
| الساعة الآن 11:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©