منتدى عالم الأسرة والمجتمع - •·.·°¯`·.·• كوافير فى البيت •·.·°¯`·.·•

http://www.al-molatham.net/p2/w/36.gif

http://www.al-molatham.net/p2/w/44.gif

قبل ما تبدئي

قبل ما نتكلم على المانيكير والباديكير محتاجين نقول لك على شوية نصايح كده على الماشي لازمة وضرورية للاحتفاظ بصحة وجمال ولمعان أظافرك..

أولا: التغذية

طبعا التغذية دي عامل مهم جدا في الحفاظ على صحة أظافرك علشان كده حاولي إنك تحصلي على غذاء صحي ومفيد بيحتوي على جميع العناصر الغذائية الغنية بالحديد -مثل البنجر والسبانخ والكبدة- والكالسيوم -مثل البيض واللبن- كمان خلّي بالك من أكل المكسرات وخاصة اللوز لأنه بيحتوي على الأحماض الأمينية اللي بيحتاجها الظافر علشان ينمو.

ثانيا: شرب المية

http://www.boswtol.com/shababeek/ima...h/kamar_22.jpg
احرصي على شرب كمية كبيرة من الماء خلال اليوم علشان كمية المية اللي إنت بتشربيها بتأثر بشكل كبير على جمال ولمعان أظافرك.

ثالثا:التدخين

http://www.boswtol.com/shababeek/ima...h/kamar_23.jpg

للحصول على أظافر لامعة يبقى عليكِ تجنب التدخين نهائيا وده لأن الدخان اللي طالع من السجائر بيترسب على الأظافر وده اللي بيخلي الأظافر لونها أصفر غامق.

رابعا: تقليم الأظافر

http://www.boswtol.com/shababeek/ima...h/kamar_24.jpg
عملية تقليم الأظافر دي لها فائدة كبيرة وهي إنها بتحافظ على قوتها ونظافتها وبتنشط الدورة الدموية وده اللي بيضفي عليها مزيد من اللمعان الطبيعي. بس خلي بالك إن المبالغة في التقليم بتؤدي إلى ضعف الظافر.

خامسا: طريقة استخدام المبرد

http://www.boswtol.com/shababeek/ima...h/kamar_25.jpg

طريقة برد الأظافر بتحدد جمالها وقوتها علشان كده راعي عدم بردها بقوة خاصة من الزوايا لأن ده بيضعف الظافر. كمان بعد بردها لازم تغسلي المبرد بالماء الجاري علشان تضمني نظافة أدواتك.

سادسا: حافظي على أظافرك

أظافرك مش فتاحة علب ولا أداة للكشط علشان كده حاولي إنك ماتستخدميش أظافرك في القيام باعمال قد تؤثر على قوتها وتؤدي إلى تقصفها.. يعني ماتحكيش أظافرك في حاجات معدنية، كمان أحرصي على إن أظافرك تكون دائما رطبة ولينة وده عن طريق استخدام الكريمات المناسبة.

سابعا:أشعة الشمس

خلّي بالك إن أشعة الشمس الحارقة بتأثر على الأظافر، كمان تعرض الأظافر لدرجة الحرارة العالية لفترة طويلة بيعرضها للتشققات والجفاف، يعني حاولي على قد ما تقدري إنك ماتعرضيش أظافرك للحرارة لمدة طويلة.

العناية هي الحل

العناية بالأظافر
دي مجموعة من الإرشادت العامة للعناية بجلد الأظافر

http://www.boswtol.com/shababeek/ima...h/kamar_28.jpg

1- حاولي إنك تقصي الجلد الميت المحيط بالأظافر بحذر علشان ماتدخليش على الجلد الحي وده لأن الجلد ده بيحمي منبت الظافر، وقص الجلد الحي بيزيل الطبقة الحامية للظافر من هجوم البكتيريا وده بيسهل التهاب الظافر ونموه بشكل غير طبيعي.
2- ابعدي عن استخدام الأظافر الصناعية، ناهيك عن كون الطبيعي أحلى، لكن كمان لأن اللزق اللي بيستعمل لتثبيتها من أسوأ الحاجات اللي ممكن تعمليها علشان تدمري أظافرك.

3- احرصي على دهن كريم مناسب وملطف للجلد بعد استخدام المياه وده طبعا لحماية جلد أظافرك.

4- كمان خلّي بالك إنك تتجنبي المبرد المعدني واستبدليه بالمبرد الخشبي لأنه بيؤدي إلى تقصف الأظافر واحرصي دايما على تعقيم أدوات المانيكير والباديكير. ومش محتاجين نقول لك ممنوع إنك تسلفيها لحد حتى لو أختك أو مامتك.

5- قللي من استخدامك للمانيكير لأن كتر استخدامه على الأظافر بيؤدي إلى ضعف الأظافر وجفافها لأن بكده الأظافر ماتقدرش تتنفس بشكل طبيعي.

6- لو أظافرك ضعيفة ومتكسرة ياريت تتجنبي استخدام اللوشن اللي بيحتوي على معطرات لأنه بيحتوي على كحول وده بيضعف أظافرك أكتر.

7- ماتطوليش أظافرك قوي لأن ده بيساهم في تقصفها وبيضعفها.

العناية بالقدمين

فيه كمان شوية خطوات مهمة للعناية بالقدمين

http://www.boswtol.com/shababeek/ima...h/kamar_27.jpg

1- احرصي على تنشيف القدمين كويس جدا بعد غسلهم خصوصا المنطقة اللي بين الصوابع لأن مع الرطوبة ولبس الأحذية بلل الأقدام بيساعد على نمو الفطريات فيها.

2- حاولي إنك تختاري الشرابات من الأقمشة الطبيعية زي القطن والصوف والنايلون لأن الأقمشة دي بتساعد على التنفس على عكس القماش الصناعي زي البوليستر مثلا.

3- احرصي على تدليك قدميك بحركات دائرية لأن هذا التدليك بيريح الجسم بكامله.

4- استعملي مقشرا بشكل منتظم لإزالة الجلد الخشن واللحم الميت.

5- حاولي وإنتِ بتختاري الأحذية إنك تختاري الأحذية المريحة لقدمك.

الباديكير والمانيكير

http://www.boswtol.com/shababeek/ima...h/kamar_29.jpg

استعدي بقى كويس للحكاية.. حضري الحاجات اللي في الصفحة دي ولو مش عندك اشتريها، وعلشان نريحك ع الآخر جايبنها ليكِ بالصور علشان لا تلفي ولا تحتاري وجايبن ليكِ أدوات الباديكير والمانيكير مرة واحدة وتعريف بكل أداة.

الأدوات اللي محتاجها

الموس

http://www.boswtol.com/shababeek/ima...h/kamar_12.jpg

وده بيستخدم لإزالة الجلد الميت في الكعبين. وخلّي بالك إن كل مرة لازم تستعملي موس جديد واطمني يا ستي بيتباع هو والموس بتاعه في جميع محلات الخردوات والصيدليات كمان. نصيحة حاولي ماتبدئيش بالموس غير لما تتدربي كويس عليه، ده غير إنه أينعم بيشيل الجلد الميت بس بعد فترة الجلد الميت ده بيطلع تاني. مش محتاجين نقول لك إن الموس بيعور.. لو حصل كده –بعد الشر- لازم تحاولي توقفي الدم بسرعة وتطهري المنطقة دي كويس. وأخيرا لازم تعرفي إنه ممنوع استخدامه لمرضى السكر والضغط وسيولة الدم.

الفرشة

http://www.boswtol.com/shababeek/ima...h/kamar_14.jpg
ودي بتستخدميها للتنظيف علشان تشيلي الحاجات اللي بتتجمع تحت الأظافر..

مبرد الأظافر

http://www.boswtol.com/shababeek/ima...h/kamar_33.jpg

وده طبعا لبرد أظافر القدمين واليدين وطبعا الأحسن يكون من الخشب..

سنفرة الجلد

http://www.boswtol.com/shababeek/ima...h/kamar_34.jpg

وده بيستعمل لتنعيم القدمين..

مبشرة

http://www.boswtol.com/shababeek/ima...h/kamar_40.jpg
ودي لإزالة الجلد الميت زيها زي الموس، وممكن اللي ممنوع عليهم استخدام الموس يستخدموا المبشرة.

عود البرتقال

http://www.boswtol.com/shababeek/ima...h/kamar_11.jpg

هو اسمه كده.. عامل زي خلة الأسنان بس أعرض، وده بتستخدميه علشان ترجعي جلد الأظافر لورا علشان تتغسل كويس وتقدري تحطي عليها المانيكير.

قصافة+ مقص= 2 ×1

http://www.boswtol.com/shababeek/ima...h/kamar_08.jpg

ودي قصافة للأظافر ومقص في نفس الوقت.. هي شكلها طبعا مختلف لأن بيستخدمها المحترفين.

حجر طبيعي

http://www.boswtol.com/shababeek/ima...h/kamar_35.jpg

وده برضه بيستخدم للتنعيم..

حجر صناعي

http://www.boswtol.com/shababeek/ima...h/kamar_07.jpg

وده شكل تاني وموجود عند الصيدليات..

فيه كمان شوية حاجات تانية زي:
1. وعاء تحطي فيه مية سخنة لإيديك ورجليكِ.
2. فوطة للتنشيف.
3. كريم تقشير.. ممكن تستخدمي نفس النوع اللي بتستخدميه لبشرتك.
4. صابون استحمام سائل ولو مافيش يبقى شامبو.

نبدأ بالباديكير

http://www.boswtol.com/shababeek/ima...h/kamar_30.jpg

1. هتجيبي الوعاء وتمليه مية سخنة على قد ما تستحملي، وتضيفي شوية سائل الاستحمام أو الشامبو وبعدبن تنقعي رجليكِ حوالي من 1/3 لـ1/2 ساعة أو لغاية ما تحسي إنها باشت.

2. تبدئي تشيلي الجلد الميت سواء بالمبشرة أو الموس أو الحجر.

3. دلوقتي بقى نشفي قدميك وقصي الأظافر وابرديها.

4. ضيفي بقى كريم التقشير وافركي رجليكِ بيه كويس.

5. اغسلي رجليكِ بالمية ونشفيها وحطي كريم مرطب على قدميك وسيبيه لغاية ما يجف.

ودلوقتي المانيكير

http://www.boswtol.com/shababeek/ima...h/kamar_31.jpg

ناس كتير فاكرة إن المانيكير هو وضع المانيكير في حين إن معناه هو الاهتمام بالإيدين وهنبدأ دلوقتي.

1. برضه هتجيبي الوعاء وتمليه مية سخنة على قد ما تستحملي وتضيفي شوية سائل الاستحمام أو الشامبو وبعدبن تنقعي إيديكِ حوالي من 1/3 لـ1/2 ساعة.

2. نشفي إيديكِ ورجعي الجلد لورا بعود البرتقال وبعدين قصي الأظافر، ابدئي بالمنتصف ثم الجانبين. وبعدين ابردي الأظافر.

3. وزعي الكريم الخاص بالتقشير وافركي إيديكِ كويس.

4. اغسلي إيديكِ بالمية ونشفيها وبعدين حطي الكريم المرطب.

طلاء الأظافر
لازم تستخدمي لون مناسب للون بشرة إيديك

http://www.boswtol.com/shababeek/ima...h/kamar_32.jpg

1. هاتي اللون اللي أنت عاوزاه.

2. هاتي طلاء أظافر شفاف. واعملي بيه أول طبقة.

3. ابدئي بدهن خط من منتصف الظافر للأعلى.

4. ادهني كل جانب على حده ويجب أن يطلى الظفر بكامله من ثلاث ضربات للفرشة بس.

5. لو حبيت يطلع اللون تقيل حطي طبقة ثانية وانتظري دقيقة أو أكتر لغاية ما تجف الطبقة الأولى تماما.

6. لو هتطلي أظافر رجليكِ كمان لازم تستعملي السيبراتور ده علشان الحكاية ماتتلحوسش.

لو عاوزة تحافظي على الطلاء لفترة أطول، بعد مرور خمس دقائق على وضع الطلاء، ضعي صوابعك ثواني معدودة في المية الباردة لأن ده بيساعد على تثبيت الطلاء لفترة أطول بيخليه أكثر لمعاناً.