|
الراتب ؟ آرائكم ماهي ؟
السلام عليكم و رحمة الله و بركاته بدون مقدمااااااااااااااات :D زوجي كريم معي و الحمد لله و مع أهلي لأبعد حدّ ، لكنه مسرف و أنا اقتصادية و أعرف وين أحط القرش بدون إسراف و لا حرمان نفسي أي شئ تزوجنا و تدين المهر و تدين جميع المصاريف عشان نعيش حياة كريمة و يسحبوا من راتبه كل شهر جزء لتسديد ديونه و راتبه يادوب يكفينا و الحمد لله عندي راتب ضعف راتبه و أول شهر خليتها بيده و صرفها كلها ( عليّ ) و الشهر اللي بعده أعطيته جزء من المال عشان يسدد بها جزء من ديونه و ناوية بعد كذة أخليها بيدي و أصرف فيها على نفسي و على البيت و عشان ما أثقل عليه بالأشياء الصغيرة و زعلت منه لإني ماتعودت أعيش بديون و أكره الديون و الإنسان لازم يعرف كيف يدير نفسه المهم طرح علي فكرة مشروع خاص بيفتحه لنفسه و عشان يفتحه لازم إني أقدم على قرض من البنك و لإن راتبي راح يسمح لي بكذة و راتبه مايسمح له و بيسدد لي كل شهر و المشروع اللي بيفتحه راح يخليه يسدد ديونه إن شاء الله ( لكن ما أضمن الصراحة :11: ) سمعت فكرته و جلست مع نفسي يوم و يومين و رفضت الصراحة الفكرة و ماحبيت أجازف قال لي هذا المشروع مو بيكون لي و لك ..؟؟ قلت له بس أنا أحب يكون الشئ هذا بمجهود زوجي و ما أبغى أحس بيوم من الأيام إني كنت متفضلة عليه و عشان لا يقل احتارمي لزوجي رفضتتتتتتتتتتتت و مستعدة أعيش معاه على ريال واحد فإيش رايكم ؟؟؟؟؟؟؟؟ مع العلم إني غصباً عني ماراح أحترمه إذا حسيت بيوم من الأيام إني أنا اللي بأصرف عليه فهذا شئ نفسي و خاصة إن شخصيتي قيادية فإذا الشئ هذا حصل ، ما راح أحس وقتها بأحترمه من داخلي و لا أحد يعتقد إني أحب المال ، لكن هي حكاية مبدأ و إني أتمنى من زمان أتزوج شخص يرعاني و أعتمد عليه لإن طول حياتي و أنا أعتمد على نفسي ، فجاء الوقت اللي أعتمد فيه عليه و نفس الوقت ترى ماني مجرمة :29: و أنا بأراعي ظروفه و ما أثقل عليه و أصلاً أخجل أطلب شئ من أحد :27: سؤالي أبغى تجاربكم ..؟؟؟ أبغى قصص واقعية عن زوجة وقفت مع زوجها ببداية حياتهم و بعد كذة ارتاحت و أرتاح و الحمد لله و لإني أفكر أجمع المال لأي ظروف سيئة لاسمح الله و لأعمال خيرية بإذن الله ( كصدقة جارية ) و خاصة إن زوجي مسسسسسرف على قولة أهله ؟؟؟ :11: |
مع العلم بإنه أتفق معاي من أيام الملكة إن فلوسي ليييي و ماله دخل فيها
و هو عند كلمته و ماعمره صرف شئ من فلوسي على نفسه و قال لأهله إن زوجتي راتبها لنفسها و ما أخليها تصرف قرش واحد عالبيت و جربته أكثر من مرة و هو انسان أمين و الحمد لله لكن أشعرررر و مو متأكدة بإن ارادته ضعيفة و عزيمته ليست تلك العزيمة اللي ممكن يتحدى فيها الصعاب ؟؟ يعني أخاف يتحمس للمشروع ثم مايكملها لكن هو طالب مني أقترض قرض من البنك و يردها لي ؟؟ و رفضت و أعتذرت منه و أحترم رأيي ، و قفلنا عالموضوع لكن محتاجة لآرائكم |
اختي اذا ساعديته في البدايه بيكون كدين مو انك عطيتيه اياه عطيه يعني بيكون مجهوده بس هذا يعتمد
عليه انه يرجع لك الدين عشان ماتحسين بعدين انك متفضله عليه وبعدين انتي اخبر بشخصية زوجك اذا كان من النوع الي يعتمد على غيره الله يوفقكم تفاحه |
ينتقل لعالم المتزوجين
ليجد التفاعل المنشود بخصوص رواتب الزوجين بوركتم |
انا قريبتي نفس قصتك كل مره يطلع لها زوجها بمشروع و انه راح يدخل عليهم ارباح و..... و.....و وكانت تصدقه وتعطيه المبلغ اللي يبغاه لانها كانت تحبه لكن للاسف هو اساسا غير منضبط وماكان قد ثقتها فيه والحين هيه مديوووووووووونه بسبب مشاريعه
انا ماابغاك تتشائمين لان هذا يعتمد على زوجك هل هو قدها؟؟؟ |
*
* غاليتي رأيي ان الزوجة وزوجها واحد لا فرق بينهم فلوسهم واحدة و مالهم وحلالهم واحد انا اؤيدك في مساعدتك لزوجك و ماني معاك في كون انك تشعري انك بتصرفي عليه ولا شيء من كدا بالعكس الزوجة ان ماكانت نهر عطاء للزوج ما تستحق انها تكون زوجة و مستحيل اصلا راح ترتاحي و زوجك محتاج لك و انت تقدري تساعدية ممكن مثل ما قال الاخ انه يرجع لك الفلوس بصراحة هنا .. يعتمد حسب شخصية الرجل كونه يسدد لك أو لا .. المهم انه يقدر و يثمن تصرفك معاه .... اما الفلوس اللي بياخدها ماودي اقول دين لأني ما أتخيل بين الزوجين دين و أرفض فكرة التدين من الزوج او الزوجة عموما كوني معاه ع الحلوة والمرة و عند الله لك الاجر والمثوبة و احتسبي عند الله وخاصة انه نيتك خير .. ولكن حاولي انك تجلسي معاه و تفكرواا كويس حاولي تقنعيه انه يخفف من الاسراف و اتمنى لك حياة سعيدة بحول الله .. * توكلي على الله .... ربي معاك * اختك جوري جده |
اقتباس:
أعتقد أنك الوحيدة القادرة على أتخاذ مثل هالقرار لمعرفتك بنفسك وبزوجك وإذا كان بيولد مشاكل أو يغير شيئ في نفسك فأتركيه والله يعوضكم خير منه http://www.3e6r.net/data/media/20/Ex26_2.gif ملاحظة: مساعدة الزوج وخاصة لكان طيب وكريم مثل زوجك أمر طيب وماراح تعدمين الجزاء لامنه ولامن خالقك http://www.al-molatham.net/p2/c/2.gif دمتي بخير |
صلي الاستخاره .......... واذا خايفه عطيه نص المبلغ وتشوفينه بعدين جاد ولالا
|
عزيزتي نصيحة لوجه الله : كوني حذرة ..
الزوج اللي ياخذ من مال زوجته يرتكب خطأ في حقها وحق نفسه .. أنصحك أن تتأني ، وتحاولي بأسلوبك الخاص إلغاء فكرته .. |
بالنسبة لنا ما شاء الله لا قوة إلا بالله
نتساعد في كل المصاريف إذا كان زوجك أجودي وطيوب ساعديه وأعطيه ثقتك انا وزوجي كلنا واحد في كل شي ومرتاحة لأنه ما هو مخلي علي قاصر بس اهم شي احتسبي الأجر من الله في ذلك وأحلى مشروع نفذناه هو بيت العمر وسيارتنا |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©