منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   سؤال جاوبوني ياا ازواج (http://www.66n.com/forums/showthread.php?t=76034)

ريم2006 11-02-2006 04:15 AM

سؤال جاوبوني ياا ازواج
 
السلام عليكم
كيف تعرف الزوجه ان زوجها يحبها او يكرها ,,, وش العلامات اللي تبين ان زوجها يحبها او العلامات اللي تبين كرهه الزوج لها؟؟
ياريت تردووو لاني بحاجه للجواب..
:rolleyes:

ناقصه خبره 11-02-2006 04:57 AM

والله ياأختي ياريت لو أفيدج بشئ بسيط
مثلاُ أنا زوجي تصرفاته الشينه اكثر من الزينه
يعني مب عارفه أحط شعوره بأي كفه بالظبط ... الحب أم الكره

فمثلا من التصرفات الشينه : يسهروساعات يبات برع ولايبالي بالزوجه اللي بالبيت تخاف عليه وتنتظره وتقعد تحاتيه طول الليل ماتنام
،،وياريت لو يتصل يبرر سهره .. بل حتى عند عودته لما أعاتبه يقول كنت بالشغل ،،، أول يقول كنت مع ربعي استغل فرصه الاجازة عشان مليت من ضغوط العمل ... غير هالشئ من تصرفاته الشينه مايحب اني اقعد اسأله عن شئ ويعتبر هذي خصوصياته ودايماً يقول مالج شغل فيني طيب كيف أنا زوجته وشريكة حياته ويقول هالشئ؟؟
من سيئاته أيضاً يوم أروح بيت اهلي زياره واقعد عندهم فتره نادراُ مايتصل يسأل عن أحوالي ودايماً انا أكون المبادره بالاتصال ولكن هالمره تراني جايه حاليا زياره لأهلي وقررت عدم الاتصال عشان يحس بالفرق
ومن سيئاته ايضاً لما يجي ياخذني مايعبر عن الشوق ولاحتى يبان على تصرفاته ذرة اشتياق !!! هل هذا حب مستحييييييييييل


المشكله لما أسأله انت تكرهني يقول انا ماعمري كرهت انسان ليش اكرهج ومره في لحظه صفاء سألته انا غاليه عندك قال اكيد غاليه لو مو غاليه ماكنت خليتك على ذمتي للحين.....


المهم هذي تصرفاته الشينه اللي تخليني افكر بوسواس الكره ....... اللي حطمني طبعا في اشياء لم أذكرها لأني لو ذكرتها ماراح أخلص من تصرفاته الشينه



التصرفات الايجابيه : الللي ربما تكون بدافع الحب وأتركها لحكمكم عليها وهي: أنه يدافع عني لما حد من أهله يغلط فيني ويدافععني وبصراحه يرد اعتباري ،،
طبعاً لاني مظلومه بشهاده الجميع
وأنه مومقصر بحقوقي من ناحيه احتياجات المرأة من مال ولبس ........ لكنه مقصر باشياء ثانيه كثيره كالجماع
طبعاً الاشياء الماديه وتلبيتها لي مو كفيله بأنها دليل على حبه أطلاقاُ
من ايجابياته ...... بين فتره وفتره بالبعيده يأتي لي بهديه أو بشئ يفرحني فيه مثلاُ قلاده أو دبدوب صغير أو عطور ....أو شنطة يد أنيقه علماً بأن لديه ذوووق رفيع جداُ وأفرح كثيراً بذوقه .. لكن ليس دائماً يأتيني بالهدايا
لكن الحمد لله على كل حال


امممممم يمكن لم أذكر بعض الايجابيات كما لم أذكر بعض السلبيات


سأضع هذا الرد بين ايديكم لتحكموا مدى احساسه اتجاهي ......

نور الجنة 11-02-2006 05:03 AM

عفوا


بما ان الموضوع للازواج

فمالي شغل

بس حبيت اطمن الغاليه


ناقصة خبرة

زوجك يحبك

لا تقلقي


بس فيه اشياء ناقصته مثله مثل باقي البشر

ولكل شخص عيوبه

الله يهدي سركم يارب ........

ريم2006 11-02-2006 05:12 AM

اختي ناقصه خبره هو احسه يكرهني بس مو مثل زوجك زوجي مايسهر ولايطلع ودايم من البيت للدوام ومن الدوام للبيت بس انه جامد معاي ناشف واسلوبه شوي خشن حتى المزح
بس لما اساله انت تحبني يقول ايه بس احس انها مو من قلبه

ناقصه خبره 11-02-2006 05:56 AM

أختي الحنونه أشكرك وفعلاً انتي حنونه لجوابك الشافي عزيزتي



أما أختي ريم : شفتي كيف عزيزتي لقد ألتمستي الفرق وحدك وبنفسك فأنتي تقولين زوجك ليس كزوجي لايسهر ودايم من البيت للدوام والعكس ..... اختي ماتعتبرين ان هذا من ضمن المحبة وأنه مايجلس في البيت الا عشان محبته لأهل بيته ؟؟ يعني هذا مش كفيل انج تبعدين فكرة الكره ووساوس الشيطان عن بالج يالغاليه ؟؟!!!!!!!!

ريم2006 11-02-2006 06:08 AM

مو شرط اختي ناقصه خبره لانه هذا طبع زوجي من يومه طفل على حساب كلام اهله يعني مو حب فيني والا في بيتي

ناقصه خبره 11-02-2006 06:30 AM

أختي ريم
أنا أحاول أخفف عنك همك ..... أحاول أن أجعل مصيبتي وبلائي بين يديك لكي ينطبق المثل اللي يشوف بلوة غيره تهون عليه بلوته

وراح أترك لكي هذا الرابط عزيزتي وراح تلقين ردود كثيره ان شاء الله تكون كافيه في إراحتك من هذا الوسواس فأنا كنت أفكر مثلك تماماً من ناحيه كره زوجي لكن اتضح لي ان الكره خارج عن نطاق حياتنا فنحن مؤمنون بالله .. والمشاكل الزوجيه مهما كانت كبيره فإننا نسميها عدم اتفاق أو عدم تفاهم أو في مرحلة ماقبل التعود على أطباع كل طرف بالثاني .....

لن أطيل عليك، فعليك بهذا الرابط الذي هو موضوعي وتجربتي بالأصل وأليك بآراء الأخوة ماقصروا في إخراج مفهوم الكره من داخلي
وخذي برأي الأخ الكريم غريب قادم
أكرر غريب قادم صدقيني بترتاحين نفسياً

وهذا هو الرابط ؛؛
http://www.66n.com/forums/showthread.php?t=74404

حبيبة بعلي 11-02-2006 07:21 AM

أنا زوجي والكل يشهد حاطته فووووووووووووق الهامه

بس أنا مكاني بالنسبه له والله مدري

ناقصه خبره 11-02-2006 07:37 AM

أختي حبيبه بعلي


تريدين الجواب ؟؟

حبيبتي الجواب باين من عنوانه اقصد نك نيم مالج

هههههههه أمزح معاج
اختي ان شاء الله تكوني داماً حبيبه لزوجك


الساعة الآن 06:48 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©