|
فيني غصه كيف اطلعها!!!!!!!!!
السلام علكم ورحمة الله وبركاته
اليوم حصل معي موقف شل كل تفكيري كنت طالعه مع زوجي نتسوق لغرفت ولدي الوحيد طبعا انا كنت مبسوطه لانه مو كثير اطلع معه اغلب وقتي مع السواق المهم كان عادي كويس معي لحد ماخترنا غرفه :( اهو اختار وحده وانا ماعجبتني واخترت غيرها طبعا اهو رفض وحلف مايخذ الا الي قال وانا قلت له الي تامر عليه بس نتفاهم ويتقنعني برايك يا اقنعك اهو رفض فكرة المناقشه وفشلني قدام العالم وقال لي تبغينها ولا اطلع ومالك شي طبعا انا حاولت معه ولما شفته مو محترم راءيي ولا مهتم قلت مابي شي وطلع وانا منقهره لاسلوبه معي وعدم اكتراثه بشيء اهو حاس انه انا الغلطانه ودائما يحط الغلط علي وانا صرت اشك بنفسي بس صدقوني انا اليوم مره انقهرت وابغى ابكي مقدرت من الغصه الي بقلبي ودي اعرف هذا النوع من الرجال كيف اتفاهم معه مع العلم اني كثير حاولت افهمه وهو رايق ومرتاح بان اسلوبه مايعجبني يزعل ويقول( ياحبك لوجع الراس:18: )لاتناقشيني ابدااااااا وانا ماقدر احس اني ولا شي وامشي المركب ماااااااااااااااعرف ساعدوني وش اسوي معه لانه كثير يقول لي هذا طبعي اعجبك ولا كيفك وينرفزني بلييييييييز ردوا علي كيف اتعامل معه |
الصبر عليه لانه يمكن يكون من الاشخاص الي مايحبون احد يخالف رايهم . بس الله يعينك و مع كثرة النقاش في البيت ممكن يتغير.
|
اشكي عزيزتي.. ولا يهمك..
ووضحي أكثر.. هل هو مشكلته هذي دائما معه؟ يعني فعلا هو لا يعبر لك رأي أم أنه أحيانا أو إذا كان مستعجل ومتضايق؟ فلا تظلميه.. بالتوفيق |
اختي رعاك اللّه
وسعي الصدر واذكري اللّه والحمد للّه الامر مو هب مستاهل انك تحرقي اعصابك اختي الفاضله اكثري من الدعاء واعلمي ان الّله قادر على ان يلين قلبه وان يغير الحال ...... |
طيب حبيبتي ليش ماتختارون غرفة تتفقون عليها كلكم ....
|
اختي روقي وهدي اعصابك كل الرجال كذا على الاقل اخذك يخليك تشوفين الغرفه
انا زوجي مايشاور ولا يقوول اي شي مادري عنه الا وداخل باغراضه اللي شراها وياريت له شخصيه اقلها والله العظيم براده مويه انا قلت له وش رايك نشتري براده قال انتي ما لك حق تتكلمين وسفهني وانا نصحته بنوعيه معينه حلووة مرة ولاسمع جا يوم وهو راجع من الدوام ساحبها معاه وبكل ثقه وبيني وبينك انا تعودت على اسلوبه بالنرفزة خلاص صارت شي عادي |
اقتباس:
لست معك إطلاقا فليس كل الرجال من ذلك النوع فكما أن النساء تختلف من واحدة لأخرى فكذا الرجال وأرجع إليك أختي زوجك من النوع الصعب في التعامل وهو من النوع الذي يحب فرض الرأي حيث أنه يظن أن إبداء الرأي الآخر إنتقاص من رأيه علاجه دعيه يفعل مايشاء وعليك باصطياد الأخطاء التي يقع فيها بسبب رأيه الإلزامي قد تنجح تلك الفكرة وقد تكون النتيجة عكسية باختصار أنتي وأسلوبك |
الله يعينك
اذا كان دايم كذا معك .. يعني في كل شي يحب يعاندك .. اعزميه على مكان هادي وتناقشوا بالموضوع بهدوء .. واذا ما رضى بحجه انه مايحب النقاش اكتبي له رساله وضحي فيها وجهة نظرك بأسلوب منطقي ولطيف .. ومع الرساله هديه .. الهديه لها مفعول سحري في تغيير النفوس.. حتى لو كانت بسيطه .. " تهادوا تحابوا " يعني مع الهديه ممكن يكون تقبله اكثر للكلام اللي بالرساله والله يوفقك |
اخي الغيور انا ارلى ان اغلب الرجال مثل هالحاله يعني يرى والراي له فقط وحده اما اذا انت تقووول انو فيه رجال غير فالحمدلله انو فيه رجال تاخذ وتعطي ياا اخ الغيور
واشكر لك ملاحظتك |
اقتباس:
أوافق رأيي الغيور لكن أختي قمرهم راح أزيد شئ بسيط عزيزتي أذا كانت هذي المشكله الوحيده في زوجك .. فاعتقد انها محلووله طبعاً مب كل الرجال اللي يحبون تمشية رايهم في أمور المشتريات و..............الخ ولكن أنصحج دام أن زوجج واحد منهم فاقبليه كما هو لأن صدقيني هذه مو مشكله كبيرة بجانب المشاكل الأكبر ومافي داعي انج تحرقين أعصابج........ جربي أنج تقولين له أكيد راح أوافقكك الراي أنا واثقه من زوقك الحلو........ توقعي لو أنج قلتي هالشئ كنتي بترفعين من معنوياته حتى لو ماعجبتك يالغاليه لاتخلقين مشكله من لاشئ .. وراح يتشجع انه يطلع كثير معاج. وكما ذكرتي انها غرفه طفلك .. عزيزتي ممكن اي حد ثاني من اهلك أو اهله اذا شاف الغرفه اللي اخترتوها لطفلكم باختيار زوجج راح تعجب أحد منهم وبتكونين بموقف حلو انج تقولين هذا اختيار زوجي . اتحملي اذا موعاجبتج ولاتقولين لأحد انها موعاجبتج . بس دام ان الفاس طاح بالراس ورجعتوا وماشتريتوا شئ.. انصحج تروحين لزوجج وتستسمحين منه وقولي أنا زوجتك وطبعاً أحترم رايك وان شاء الله ماراح يتكرر هالشئ وأنا واثقه من ذوقك.. ولو حتى بداخلج كنتي رافضه هالشئ بس عديها لو هذه المشكله الوحيده بزوجج.. لأنه بعض الرجال يحبون يفرضون رايهم ويرفضون أي مجال للنقاش ...... أتمنى أكون أفدتج بشئ بسيط وأتمنالج حياة سعيدة |
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©