انا اتعذب اتمنى الكل يجاوبني :(
 

السلام عليكم ورحمة الله وبركاته

انا فتاة متزوجة عن حب والحمدلله حبي انا وزوجي كان حب طاهر وعفيف والله اكرمنا بالزواج والحمدلله الف مره ان حنا نعيش بهدوء وبحنان وحب

المشكله ماهي بزوجي :(

المشكلة بأم زوجي وهي انها تعرف من قبل الزواج ان حناكنا نعرف بعض وكانت تكلمني من وقت لآخر وما كان يضايقها هلشي لكن بعد زواجنا عرفت كيف تعرفنا على بعض انا وزوجي وهلشي ضايقها يعني ما كان مضايقها ان كنا نعرف بعض لكن الطريقه هيه الي ضايقتها وقبل فتره حدثت مشاجرة بسيطه بينهم وما اعرف ذكرت الام هلسالفه لزوجي وقالت له انا توني عرفت انك تعرفت على زوجتك عن طريق الانترنت وانا راح اظل زعلانه عليك طول عمري ؟؟؟؟؟



بصراحه انا مدري شسوي احنا لسا ببداية زواجنا بس الحمدلله حنا وايد مرتاحين وزوجي قال لي ماعليكي وهيه راح تنسى ولا تحطي فبالك

بس انا ابغي اعرف شو الشي الي اقدر افعله علشان اكبر بنظرها وتنسى هلشي او على الاقل بدل كلمة تنسى اكون جديرة انها تحبني لاني على الاقل زوجة ابنها الكبير



ارجوكم افيدوني فأنا اتعذب :(

اختي رعاك الّله

المعامله الحسنه هي افضل شي لها

اختي ناقصة خبرة اشكرك على ردك والله اني كل ما اقدر اجيب لها هديه ومرات مسكينه امي تقولي اخذي لام زوجتك :( مع ان امي تستاهل اكثر

وان شاء الله راح اكسبها بالكلام الطيب بس اهي صار لها اسبوع من عرفت السالفه ما كلمتني ولا حتى سألت فيني :(



اخي دينفر اشكرك على الرد

أختي أم سيف هل انتي ساكنه معاهم بنفس البيت؟؟!!

لأنج تقولين لها اسبوع ماسألت عنج

لأنه اذا كنتي في بيت بروحج ماراح يأثر زعلها كثير على على علاقتج بزوجك
بينما اذا كنتوا في بيت واحد هذا شئ ثاني

اختي بصراااحه انا متزوجه ولسه ما انتقلت لبيت زوجي لاني لسه ادرس وللعلم انا من بلاد وهوه من بلاد اخرى

وراح انتقل ان شاء الله لبيت زوجي بعد انتهاء السنه هاذي بإذن الله


لا ما راح اسكن معاها ان شاء الله لان راح نسكن بشقه بروحنا بإذن الله بس يمكن في اول كم شهر نسكن معها لحد ما نرتب نفسنا

لكن علاقتي معها تهمني لانها راح تحل مكان امي وانا راح اكون بغربه

وانا احب اني اكسب الناس ما اخسرهم خصوصا انها راح تكون جدة عيالي


صار لنا من زواجنا 6 شهور والحمدلله لكن علاقتنا كانت 5 سنوات حب الحمدلله واتمنى الله يدوم علينا على طول وهيه كانت تعرف بهلشي بس مدري شلي غيرها مره وحده

أختي الفاضلة

المشكلة كلها تكمن في أن أم زوجك تظن الإنترنت شيء قبيح بالمرة .. ومناف للأخلاق الكريمة

ولها بعض العذر في ذلك .. لأن هذا الجيل من الكبار لم يسمع عن الإنترنت إلا وهي مقرونة بالقبيح من الأشياء .. فيكرهون الكلمة بشكل آلي .. ويستقبحون كل ما يأتي منها ... ولهم تعريف خاص بهم ببنت الإنترنت .. فهم يظنونها ساقطة أو ماشابه .. والإنترنت بالنسبة إليهم شيء مجهول .. ولا يعرفون طبيعتها ... ويظنونها مثل قناة تلفزيونية فاسدة .. تقوم بعرض مايتلف أخلاق ودين الناس .

فدائماً مثلاً يقولون ( والله ماعرف عيالنا هالشي إلا من الملعونة العنترنيت ... )

أو يقولون ( يقولون إن فيه حريم مفصخات في العنترنيت أعوذ بالله ... وش ذا ... الله يلعن العنتريت واللي يجي من العنترنيت ) ... وهكذا من مثل هذه المقولات .

وللأسف ربما أم زوجك تظن أن علاقتك بإبنها علاقة سيئة جداً لأنها جاءت من العنترنيت :D

والحل بسيط ويكمن في زوجك وليس فيك أنت .. فيجب أن يذكر لأمه محاسن الإنترنت بالتدريج ودون أن يأتي لها بذكرك .. ويخبرها مثلاً أن بها مواقع دينية كثيرة .. وبها دعوة إلى الله ... وبها منتديات عظيمة تحض على الخلق القويم والفضيلة .. وما إلى ذلك .. وحتى يصل بها إلى أنه هناك بالإنترنت مواقع للزواج على سنة الله ورسوله يشرف عليها مشايخ وعلماء ويديرونها حسب الشريعة الإٍسلامية .

ثم بعد ذلك كله يقول لها أنه تعرف عليك عن طريق أحد هذه المواقع الرائعة .

وأم زوجك بعد أن تفهم ماهي العنترنيت .. سترضى عنك بكل تأكيد .

والله يوفقكك ويهدي لك أم زوجك .. ويحنن قلبها على العنترنيت :D

اخي غريب ههههههه اضحكتني بكلمة العنترنت

راح اكلم زوجي ان شاء الله مع ان ام زوجي طيبه مره وكنت متعوده اكلمها كل يوم والله مع انها تنحسب علي مكالمة دوليه خخخخ بس عشان اكسب ودها بس الحين ما عادت تكلمني يعني مدري حتى سؤال ما عادت تسأل عني

وللعلم ماهي بعجوز يمكن عمرها 40 وهي تشتغل امممم بس الي اعرفه ما تعرف عن العنترنت شي بس صدق يمكن اهي مثل ما انت قلت سمعت الكلام السيء فقط ولم تسمع الشيء الحسن امممممم واتمنى انها تفهمني وتفهم العنترنت ههههههه

اشكرك اخي الكريم على الرد