كيف اعرف نيته بالزواج ؟
 

السلام عليكم ورحمة الله وبركاته
هذي اول مشاركه لي والصراحه ماني عارفه وش اقول ولا ادري اذا كان هذا القسم المناسب لموضوعي ولا لا
انا بغيت مساعده منكم وخاصة من الرجال جزاكم الله خير
السالفه هي اني تعرفت على شخص وتقريبا الحين بنكمل سنة وانا اعرفه، وانا الصراحه مو مرتاحه لهالشي ... المهم هذي مو هي السالفه، الله يسلمكم ابي اعرف شلون اعرف نيته من ورا هالعلاقه لأن انا بنت ما ابي العب واضيع وقت مثل غيري.
ابي اعرف وشلون اييب له السالفه بطريقه مناسبه يعني ماتكون بطريقه وايد مباشره وأطلع كأني راميه نفسي عليه. والله مادري وش اقول ومادري اذا فهمتوني ولا لا بس شلون اعرف اذا كان نيته الزواج بعدين ولا لا؟ واعتقد الرجال يفهمون بعض وكيف طريقة تفكيرهم عشان جذي انا ابي مساعدتكم والله مو عارفه وش اسوي.. وان شاء الله ماتفهموني غلط او شي
ويزاكم الله خير

المعرفة بينكما قاربت على السنة وقد تزيد ثم تتساءلين عن نيته بالزواج.؟؟
وأنتي كما أشرتي لستي باللعوب..؟؟
هذا الموقف لايحتاج مطارحة واستشارات واجهيه بالموضوع ان ارادك فليتقدم بالخطبة أقلها أو مايسمونه بالفاتحة لتعرفي صدقه ..
أما اذا ماوجدتي التعلل بأسباب مهما كانت نوعها فلا تترددي في انهاء هذا العبث فورا قبل ان تكوني مضغة في أفواه الآخرين..
تحياتي!!

مشكوره اختي على الرد
ويجزاك الله خير على الرد الحلو وان شاء الله اقدر اسأله
تحياتي

أي رجل يريد الارتباط الحقيقي بفتاة عليه أن يتقدم لخطبتها على الأقل..
و لا حجة في تأخير ذلك.. لأن الخطبة ليست بحاجة لوقت أو جهد أو مال.
و أما الزواج فممكن تأجيله إلى موعد مناسب للطرفين.

أخيرا عليكي عدم التحدث معه فهو أجنبي عنك. و اذا كان يريدك فعلا فليتقدم لخطبتك.

قوليله وبساطه أنا راح أنخطب واذا ماتبيني لغيرك تعال واخطبني
وراح تتوضح الأمور أكثر وراح تعرفين مدى حبه لك

الله يوفقك

اسمحيلي اختي انا اسفه على ردي وان كان يزعجك
انتي فعلا راميه حالك عليه
والا معرفة سنه !!!! ولا لمح للزواج
اشلون اساسا ترضين بهالشي
الله يهديك بس

انا من رايي اتقولينله خلاص ان كنت تبيني تقدم والا اقطعي العلافه فورا
واياكي يتحجج ليكي بامور ماديه والا عائليه
انتبهي لنفسك اختي
والله هالزمن يخوف .

مسلم في الغرب
ناقصة خبره
نهر الخلود
مشكورين انكم رديتوا علي وعبرتوني

اختي نرجس مكشوره على الرد بس هو فعلا لمح لي بالزواج من فتره بس ما تأكدت اذا كان صادق لأن وايد شباب يوعدون البنات بالزواج بس يطلع كله كلام فاضي وانا الصراحه استحيت اسأله
مادري والله يمكن تلاقوني سخيفه بس مادري وش فيني متلخبطه ومو عارفه اسأل بس الصراحه كلامكم واايد شجعني

اذا كان هو من النوع تبع الصداقة والخرابيط ، مباشرة احلقيلوا عل الناعم .... يعني باي باي ، أما كيف بدك تعرفي إنو ناوي عل الزواج فبكل بساطة حكيلوا : يا ابن الأوادم ، ممكن أعرف شو نهاية هالشي اللي عم يصير بيناتنا ؟ اذا تململ معناتها : الله معو ، اذا فاتحك بموضوع الزواج معناتها هو فعلا رجال.

بسيطة ، لا تعقدي الأمور ...

سؤال صغير: كيف بتعرفيه سنة ومو متأكدة من حقيقة مشاعره ؟؟؟؟؟؟؟؟ صراحة غريبة !