|
مشكلتي عويصة
السلام عليكم حبيت اشارك معاكم لاني متضايقة وايد ان شاء الله بعد شهور راح تتم خطوبتي وحاليا اكلم الي راح يخطبني على اساس نتعرف على بعض اكثر بعلم الاهلين اكيد ..والحمدالله ان اثنينا نحب بعض ونغار على بعض .. المشكلة تكمن ان غيرتي عليه زايدة عن اللزوم ويمكن تاثر على علاقتنا وعصبيتي راح تخليني اخسره شلون اتفادى هالشي .، ثاني شي ان بعده تفكيري محدود في طريقة التعامل مع اهل الزوج المرتقب يعني اكيد معاملتني مع صديقاتي غير وهم غير لانهم اكبر وتفكيرهم غير..واحس اني خفيفة في التعامل من اول مرة من الربكة شلون اتعامل معاهم ما ابيهم ياخذون عليي فكرة للعلم ان اثنينا في مقتبل العمر ..بليز اخواني واخواتي اتمنى تفيدوني في هالشي والله يوفقكم ان شاء الله |
في البدايه الف الف مبروك على الخطوبه ان شاء الله يتم الزواج بخير وهنا لك
لكن ياعيني هذي امور عاديه تصير معنا بالنسبه للغيره هذا مفطورين عليه لكن لاتكون مفرطه والرجل يحب في بعض الاحيان يرى غيرة زوجته له والتعامل مع اهل زوجك تعاملي بطبيعتك من غير اي حساسيه وصدقني اذا اخذت الامور ببساطه راح تريحي بالك من التفكير اتمنى لك السعاده مو يوم ،،،دوم |
أختي الحبيبة ما ادري كيف تكلمينه قبل أي ارتباط رسمي ؟؟؟؟ انتبهي
الله ييسر لك الخير ويوفقك ان شاء الله بالنسبة لحياتك الزوجيه ابني الثقة بينج وبين زوجج لا تحسسيه بغيرتج انج مب واثقة فيه لان هذا جرس انذار في الحياة الزوجية التعامل مع اهل الزوج : أمه - امك ابوه -ابوك كيف ما تتعاملي في بيتكم مع أهلج نفس اهل الزوج يعني باحترام كبير لانهم في مقام والدينج صدقيني اذا كسبتيهم بتكسبي زوجك وانصحك تسمعي اشرطة للمشايخ عن الحياة الزوجية وتقري عنها يعني تتثقفي زواجيا |
فديتج نسيت منتدانا الحبيب اللي فيه اشيء وايد بتفيدج في عالم المقبلين على الزواج
|
بنت البيت مشكورة خيو على الرد والله يبارك في حياتج ان شاء الله ..الموضوع مب على الاحترام .. انا محترمتهم بس جونا العائلي صحيح فيها الجدية والاحترام بس جوهم اكثر جدية وانا احسه غريب عليي ومب متعودة على هالشي لاني انسانة مرحة وان شاء الله راح اخذ بنصيحتج ameeratalandlus شكرا على التواصل وردج اختي العزيزة ، الثقة موجودة بيننا بس حبي له يخليني اغار عليه وغيرتي زايدة عن حدها ، عن اني اكلمه قبل الزواج كل انسان له دافع لشي والاهم انا كلمته بقناعة وان شاءالله راح اسمع لنصيحتج واسمع لاشرطة المشايخ والسلام في انتظار الباقي |
| الساعة الآن 12:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©