|
ساعدوني الله يخليكم لأهلكم...
السلام عليكم ورحمة الله وبركاته
انا اول مره اشارك اتمنى ما اكون ثقيل عليكم.. انا ماخذ سرير بدون راس.فصلتله راس مربعات جلد بيج و الفريم اسود و لون الجدار اللي فيه السرير احمر وباقي جدران الغرفه اوف وايت. ومفصل كبت اسود.الله يسلمكم غرفتي واسعه . المشكله انا عندي دريشتين كبار بينهم مساحه و ركبتلهم بلاك اوت.الحين مااعرف شو اختيار لون وشكل الستاير و لين الحين ماركبت ليتات ماعرف اركب سبوت لايت بس كيف اوزعه على السقف ولا ثريات و انا عندي جبس فالسقف و افكر اشيله اخلي السقف ساده(الجبس الدواري اللي تكون الثريه داخله) ;) و ما اعرف شو اخذ مفرش السرير و اذا بحط كنبه وين احطها واذا بعلق لوحه فوق السرير عادي يكون الفريم مالها ذهبي ولا ماينفع؟؟؟؟؟؟؟؟؟ انا جدا اسف لاني طولت عليكم بس والله ماعندي خلفيه اتمنى تساعدوني هذا شكل الراس مال السرير [IMG]http://arab4up.com/File/1140568806.bmp[/IMG] هذا الكبت [IMG]http://arab4up.com/File/1140571461.bmp[/IMG] والستاير و الفراغ اللي بينهم [IMG]http://arab4up.com/File/1140570909.bmp[/IMG] و الجدار الي مواجه الدرايش [IMG]http://arab4up.com/File/1140571102.bmp[/IMG] هذا رسم توضيحي الغرفه [IMG]http://arab4up.com/File/1140571224.bmp[/IMG] الناس للناس:o وانا طمعان في مساعدتكم و شكرا. |
وعليكم السلام ورحمة الله وبركاته
اخي الكريم غرفتك بحاجه لإكسسوارات فقط << ركز على هاي النقطه عدل انا باعطيك مقترحاتي ليس من خلال اسئلتك بل من الصور اول شئ انت بحاجه لقطعة سجاد وسط ((بدرجات البيج )) تحتاج لكمدينات + ابجورات << مهمه جداً لايحتاج جدار السرير الى صور ،، تحتاج لأريكه متوسطه حاول وضعها بعيد عن السرير حيث المكان الأوسع بالنسبه للإضائه هنا في هذا الرابط احدث الإضاءات : http://www.66n.com/forums/showthread.php?t=63440 حاول تكون ناعمه لون الستائر احمر (( افتح درجه )) وتكون طبقه واحدة،، لأن السجاد بيج والمفرش بيج.. عموما اخي ،، تبقى افكاري مجرد اقتراحات ،، ولك مراجعة المفضله وستجد كل مفيد بإذن الله : http://www.66n.com/forums/showthread.php?t=30276 |
اولا شكرا اختي مسموسي على ردج عليه والله رفعتي معنوياتي و ما قصرتي..وكلامج فادني وايد..
ثانيا: اريد اسئلج عن الليتات هل اني اخذ ثريا وحده ولا ثنتين و احطهم فنص السقف و لا اخذ سبورتلايت ؟؟ و الستاره تكون ساده ولا فيها حركات وياليت تحطيلي صوره ,,, وبليز قوليلي عادي ادخل اللون الذهبي فالاكسسوارات يعني الكوشنات والابجاورات ولا ما ينفع مع ستايل الغرفه (بليززز) و الاريكه شو ممكن يكون لونها؟ اسف لاني وايد سئلت بس الله يفتحها عليج ان شاء الله .... |
اسأل كما شئت اخي فلن نخذلك بإذن الله ،، اول شئ ضروري تطلع على هالرابط (( رابط المفضله )) ،، رايح يساعدك بالكثير من الأفكار : http://www.66n.com/forums/showthread.php?t=30276 بالنسبه للأسئله : 1/ بشكل عام إضاءة غرف النوم (( يفضل ان تكون هادئه )) وانا بصراحه لااؤيد وجود الثريات ,,,,, ولكن بما ان السقف عبارة عن جبس ،، فمن الضرورة تواجد ثريا واحدة فقط في المنتصف (( على فكرة يمكنك تعتيق الجبس على شكل غيوم او كما تشاء ،، كنوع من التجديد وطابع جمالي في نفس الوقت )) 2/ يفضل ان تكون الستارة سادة ،، ولامانع من وجود تشجيرة خفيفه (( يدخل فيها اللون البيج او الذهبي او الأصفر الفاتح )) ،، اذا دخلت رابط المفضله ستجد اشكال كثيره وجميله للستائر ،، وبالنسبه للون الذهبي >> بالتأكيد تواجده مهم وجميل اما الأريكه ،، إذا كان اللون الأحمر هو الطاغي في الغرفه (( الأقوى )) فيفضل ان تكون الأريكه باللون الذهبي (( تجنب البيج لأنه سريع الإتساخ )) اما إذا كان اللون البيج هو الظاهر (( فالأريكه الحمراء ستكون الأنسب )) تفضل اخي هذه الصورة لعلها تفيدك ببعض الأفكار : [IMG]http://www.fabulous-homes.com/****/images/chads/mediaroom.jpg[/IMG] [IMG]http://www.fabulous-homes.com/****/images/chads/mediaroom3.jpg[/IMG] تخيلها باللون الأحمر ،، وركز على ترتيب السجاد والإكسسوارات ،، وتوزيع الإضائه في السقف فهذا مااقصده تماما .. |
الصراحه اختي ما اعرف كيف اشكرج ماشاء الله عليج ما قصرتي و الله وايد فادني كلامج. ان شاء الله يوم بتخلص الغرفه بحطلج الصور بس هاه ( اباج تعلقين على كل شي ):)
الله يسعدج و ييسرلج امورج ان شاء الله |
وانا بإنتظار الصورة بعد التعديل
عفوا اخي ،، نسيت اقلك عن إكسسوارين مهم جدا تواجدهم في غرفة النوم مكتبه >> وإذا حبيت يكون مكانها بي (( الدريشتين )) وكذالك حوض سمك او قفص عصافير >> إذا كنت من عشاق ذالك |
الف شكر اختي مسموسي على مساعدتي و الله ما قصرتي تعبتج معاي ان شاء الله تتيسر امورج كلها يا رب
|
ستايل الغرفة مودرن والألوان اللي مختارها دارجة وهي ألوان هالموسم (الأبيض والأسود والأحمر) واللون الذهبي أبدا ما يناسب، من رأيي انك:
1- تشيل الجبس كله وتستبدله بالسبوت لايتس، تعطي effect حلو للغرفة. 2- الستاير، اختار لهم لون أحمر ساده (اعتمد الألوان الساده في الغرفة بدون أي شيء مشجر) و ظيف sofa وطاولة صغيره بينهم و ممكن تحط أبجورة طويله على الأرض وتكون أطول عن الsofa. 3- ظيف طاولتين صغار على جنب السرير لأن المكان فاضي وبهالطريقة تلم السرير على بعضه. عندي بعض الأسئلة ، شنو اللي معلق على الجدار اللي مقابل الستاير؟ وليش الجدار اللي مقابل السرير فاضي؟ و عندي فكرة لمكان الخزانة بس أنتظر الرد كي توضح الفكرة لنا أكثر |
شكرا اخي او اختي el_shagara
انا اقدر اشيل الجبس الدواري الي موجود في نص السقف لكن الجبس اللي دار ما داير على السقف ما اقدر اشيله اتمنى تكون فهمتني و السبوت لايت الي اقدر اركبه تقريبا نفس هاذي الاشكال http://arab4up.com/File/1140906704.jpg بس ما عرف كيف و كم بركب لان انا موضح في الرسم شكل السقف عندي 5 فتحات لو لاحظت . و الجدار اللي مقابل الستاير مش معلق فيه شي بس فيه مكيفات و الجدار اللي مواجه السرير حاليا حطيت عليه طاولة صغيره للكمبيوتر (بعدني ما اخذت طاوله جديده و ما عرف لون و شكل الطاوله اللي تصلح) انا كنت ناوي ادخل الون الذهبي فالاكسسوارات بس ماعرف:15: و طاولات السرير نويت احط رف بس بدون ريول (ماعرف اقدر ادخل اللون الزيتي او الاخضر الباهت في الستاره لاني شفت صور غرف لونها احمر و الستاير زيتي انتظر ردودك |
| الساعة الآن 12:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©