خدمتكم عاجلاً .. أول لقاء بعد الملكة
 

السلام عليكم ورحمة الله وبركاته


اخوتي واخواتي في هذا المنتدى الرائع

انا صار لي كم يوم ملكّت (كتبت العقد ) وراح التقي بزوجتي لاول مرة بعد يومين

ماهي نصيحتكم عن اللقاء وطريقته والسوالف واذا كان هناك شي راح اقدمه من طرفي انا
لاني ماني عارف عن حاجه ارجوكم افادتي ...

علما اني ماسبق ان كلمته ولا التقيت بها فقط النظرة الشرعية

ارجوكم افادتي فالوقت يداهمني ..

مع دعواتكم لي بالتوفيق

وعليكم السلام ورحمة الله وبركاتة ..

ممكن تقدم هديه حق زوجتك .. وتتكلم في مستقبلكم .. وتحكون عن الملكة إذا عملت .. وهكــذا ..

والف مبروووك ..

ممكن تهديلها وردة

وتثني عليها برسالة حب مكتوبة
وترفقها مع الورد

تاخذ معك هدية بسيطة وباقة ورد

تتحدث معها على امور عامة او مواضيع عادية تشوف طريقة حوارها وثقافتها

ولا مانع لو كتبت لها كارت مع باقة الورد تبدي فيه حبك لها ورغبتك فيها

اجتهد يا وخيي
 

خذ لها هديه مثل طقم عطور كامل وغلفه تغليف في محل متخصص وحط لها داخله مفاجأه عباره عن كرت يكاد ينطق من الشوق لارتباطك بهامن كثر ما سمعت عنها ;) (انتبه بدري على كلام الحب لانكم باقي ما جلستم مع بعض)واذا تحب ممكن تعطيها هديه جوال موديل حديث ....يعني من بعد الدمعه يا وخيي :18: .....هنا يبين اذا انت كريم والا لا:11: .......ممكن تاخذ كيكه متعوب عليها وكيلو فطاير وكيلو بقلاوه...يعني قهوه كالفه شوي......هذا بس اول لقاء بعدين خلص تاخذون على بعض ومايكون فيه داعي لهالشغلات ذي......واذا تبي الاحسن من جد ......خذ لها جوال ,,,,وغلفه وخذ لها البطاقه مو ابوها يجيب لها.....وكمان عطها اياها في نفس الوقت وقل علشان نكلم بعض براحتنا......ترى انا اعرف واقول لك انها تستنى منك جوال.....حتى لو عندها......وخلها تفتح الجوال وتركب البطاقه معاك .......ودق عليها مزحا......قول انا دقيت عليك علشان ينور جوالي بحسك.......وعطها رساله من اللي هي.......:25: :18: .......انت وشطارتك...... وياليت تقول لها تجلس بجنبك واذا هي استحت قلها تقوم تجيب لك مويه.....واذا جت تناولك اياها امسكها بيدها وقول بس...جيتي برجلك.....الله يعطيك العافيه ويبارك لكم.....

يييييييييييييييييييييييييي
طالعين انتو كمان بتتوترو من اول مرة تشوفو العروس
وانا بفكر بس البنات اللي بيخافو من هالحظة
على العموم خليك على طبيعتك
وشو رأيك تكلمها بالتلفون بالاول ؟؟

هذا انت متوتر بهذا الشكل .. طيب المسكينة كيف يكون حالها ؟؟؟؟؟ على كل حال هذه لحظات جميلة والتلقائية اجمل ما فيها ... واذا ما تحب التلقائية وانت متوترجدا فانا انصحك بكلام الاخ (( مشكلتي اصدق )) فكرة جميلة تبع الموبايل .. والله يوفقك....

مثل ما قالوا الأخوان التلقائية أهم شيء في هذه المواقف .. لا تتصنع ..
الله يوفقك و مبروك ياعريس

الله يعطيكم العافية جميعا

ادعو لي بالتوفيق

طيب نوع الكلام اللي احسن لي اتكلمه في هذا اللحظات ؟؟؟

لاعدمنا خيركم