|
زوجي سيعود من السفر . . . ساعدوني أرجوكم
مرحبا خواتي (واخواني للملاقيف اللي دخلوا:11: ) ,,, هذي اول مشتركة لي في المنتدى و بصراحه وااااااااااااااااااااااااااااايد محتاجه مساعدتكم
زوجي صارله سنه مسافر في بعثة و من سافر ما نزل في اي اجازة ...و يوم سافر انا كنت حامل وربيت بعدها بشهر بس هو ما قدر يرد ... المهم اخييييييييييييييييييييرا خلص الدورة و بيرد خلال ثلاث اسابيع .. وانا ودي استقبله بطريقة مميزة و بشكل مميز ..خاصة انه يوم سافر انا كنت في اخر حملي و بصراحه لين الحين وزني زايد ما عرفت ارد مثل قبل ... المهم يمكن ما اقدر انزل وزني قبل ردته (بحاول ولو تعرفون طريقه سريعه خبروني) بس الاهم ودي يشوفني بشكل مميز .. يعني اسوب يديد في اللبس و الميك اب .. حتى عطوري و دخون الحجره .. يعني ودي اغير كل شي .. فيا ريت تنصحوني شو ممكن اسوي او شو اشتري و من وين لاني من ربيت انقطعت علاقتي بالاسواق و المشتريات لان ريلي كان موصيني اني احاول ما اطلع وايد و هو مسافر ... بس الحين ابي اجهز بسرعه .. بعدين (بنات دبي بالذات) خبروني عن صوالين شغلها عدل (بس اسعارها متوسطه ماشي ميزانية) بالمختصر فديييييييييتكم انصحوني بكل شي ..شو اسوي بالضبط عشان اطلع بشكل مميز و يكون استقبالي له مميز؟؟؟ انتظر ردكم بسرررررررررعه |
الله يرجعه بالسلامة إن شالله..
أولا: قصي شعرك وأهم شي (قذلة) أو الغرة تكون على وجهك رايحة على جنب وشوي طويلة.. لأنك لما توخرينها بدلع عن عينك يموت زوجك على هالحركة.. ثانيا: صبغي شعرك بلون مختلف كليا عن اللون اللي شافك عليه آخر مرة.. ثالثا:أخذي كويلت أحمر ووسادات حمر من لايف ستايل.. وشموع حمرة وبالونات حمرة ومصابيح خافتة ملونة على شكل قلوب حمرة إذا أمكن.. وخلي كل شي في غرفتك أحمر×أحمر.. أخذي قميص نوم أو فستان قصير مغري طبعا أحمممممممممممممممممر... رابعا: ورود روز حمرة.. خلي بعضها باقة وبعضها فصلي أوراقها ونثريها على السرير.. خامسا: كيكة عليها صورته.. بالنسبة للوزن صعب خلال 3 أسابيع..الناس يتمون شهور ويالله يالله ينزلون كيلو أو اثنين.. بس حالولي من ألحين تخففين ولا تهملين جسمك.. وبالتوفيق |
الاخت الحترمه
اسعدكى الله واسعد الله كل امراة تريد ان تسعد زوجها الاخت الكريمه افعلى كل ما يحب زوجك وكونى نظيفه اقصد ((انزعى الشعر من الارجل والايادى وخلافه)) البسى افضل ما تكون المراة فى عين زوجها وانتى تفهمين ماذا اقصد |
حاولي تغيرين حتى في ترتيب الغرفه (اماكن الاثاث) ولازم تجيبين مفرش للسرير جديد
وشكلك سهله قصه وصبغه وروحه للكوفيره قبل مايجي وانتهى الموضوع اما الوزن حاولي الايام هذي تصومين عن الاكل يعني كلي اشياء خفيفه مره وبدون سكر واشربي ميرميه على الريق على الاقل تنزلين كيلو او اثنين والله يهنيكم ويوفقكم يارب ويجعل ايامكم سعاده |
نهنئيك مقدماً برجوع زوجك وسلامته http://www.66n.com/forums/showthread.php?t=10204وهذا رابط يفيدك كثيراً في أفكار رائعه |
| الساعة الآن 04:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©