|
الى كل ام موظفه ماهوشعورك؟
الى كل ام موظفه 00000ويش شعورك
السلام عليكم ورحمة الله وبركاته سؤال الى كل موظفه ايش شعورك لما تطلعين من البيت وتخلين فلذات اكبادك مع هؤلاء الشغالات الوحوش لااحد يقول انهم مساكين ولا طيبين انا متأكده مليون في المئه انهم كلهم زي بعض (مالهم امان) نجي للمهم طبعا انا مش موظفه ولله الحمد والله اني احمد ربي انه ما عندي وظيفه وحتى لوجات ماراح اقبلها لاني رفضت كثير منها وكان السبب ابنائي والحمد الله لست متند مه على القرار لانه عندي قاعده ابنائي اهم شيء في هذه الدنيا تدرون ويش يدور في بالي كل صباح لما اشوف بنتي الي عمرها 3سنوات والثانيه الي عمرها سنه يقومون الصباح الساعه 9 الله يهديهم ويلعبون وخبركم باالاطفال وشقواتهم طبعا انا عندي شغاله وانا عندهم شوي بتاكلهم بعيونها يعني عندي احساس لو انا مش عندهم شوي لو تعطي كل وحده منهم كف هذا اقل شيء والله اني اقول الله يعين هؤلاء الموظفات وفي نفس الوقت اقول يا قوي قلوبهم وانا عندي قناعه ان المرأه مكانها البيت ثم البيت والرجل برى البيت ولي تخالفني الرأي كيفها يعني انا اعرف كثير من اقاربنا ماكانو متوظفات وكانوا مبسوطين في كل شيء سفر لبس والحمد الله ماكان فيه مشاكل كثيره من يوم توظفت تعالي اسمعي المشاكل لدرجه انها تنصح اخواتها انهم ما يتوظفون لانه على كلامه ما ستفادت ولا شيء سوى ان الزوج اتكل عليها في كل شيء تبغون تسافرون هاتي فلوس ابغى ملابس لبناتي هاتي فلوس ابى اشتري شيء جديد للبيت هاتي فلوس وهكذا وانتم ويش رايكم يا موظفات هل وظيفة المرأه نعمه ام نقمه ملاحظه مهمه ( هذا الكلام للموظفات الي بس مش محتاجه للفلوس يعني مافيه ايتام تصرف عليهم مش فقيره او معندها احد يصرف عليها يعني معتمده على هذه الوظيفه بعد الله) منقول |
هههههههههههههههه
فعلا اي موظفه تنصح الباقين بالجلوس بالبيت صح الوظيفه حلوه لكن المشكله الاطفال يعني الي تحطهم عند اهلها او اهل زوجها او اي احد عادي لكن الي ماعندها احد وش تسوي صراحه الم وتعب نفسي كم وحده تروح للداوم وولدها والا بنتها وراها تعبان ماتدري عنه ولاتقدر تغيب مثلا توصي الشغاله عليه ولا اي احد وهي تروح الله يعين الامهات الموظفات الله يعينهم والله >>>>>>>>>> طبعا انا لام ولا موظفه بس كذا لقافه او بلغه اخرى (مشاركه) |
اشكر مشاركتك اختى الكريمة
تحياتى وتقديرى |
بسم الله الرحمن الرحيم
أهلا بك أخ الإسلام أحمد شوبير موضوعك يلامس صلب الواقع أنا سأتوظف بعد سنة إن شاء الله وفي قرارة نفسي لا أيد الوظيفة لا أريدها لا أريدها ولكن هيهات!!!! فأهلي حفظهم الله طموحهم وأملهم أن أتوظف هم ليسوا بحاجة لي ولكن في إعتقادهم أن البنت لازم تتوظف وتأمن حياتها وتستقل أفضل!!!! وكل هذه الحوشة لا تضيع دراستي مافي عرس:( إلا بعد ما تتوظفين اللهم أجعله خيرا وروح قلبي يردد ما أريدك تتوظفين كوني معي بالبيت يكفيني بعد وفراااااااااااااااااااق !!!! وش أقول؟؟؟ لو كان بيدي لكن صعب أزعل أهلي لا ومشكلة الأطفال أنا فكرت أفكار خطيرة خيالية!!!! أخذ أطفالي معي المدرسة وأستأجر لهم غرفة فالمدرسة وأحط عليها مناوبة من أخواتي!!! أو ...... من وين أجيب لهم حاضنة؟؟؟ أحلم كثير:15: لكن إنحلت المشكلة فتحت حضانات هذه الأيام ومن بنات جنسنا يعني مسلمات موثوق فيهن وهذولاء الشغالات من ناحية ضروري تنوجد فالبيت لكن ما أريد شغالة تعكر خلوتنا أنا وروح قلبي البيت لنا وحدنا وبس!!! لا بعد أغاااااااااااااار عليه كيف أدخلها بيتي وأمنها على أطفالي؟.؟؟ كلها ملخبطة فوق تحت لكن الله يستر ويسهلها وتحصل معجزة وما أتوظف:d :d :d ما يختاره الله لنا هو خير لنا شكرا لك وجزاك الله كل خير |
اختى الكريمه : سماااا
اشكرك على مرورك الكريم ومشاركتك ويمكن لو كل واحده حسبت امورها ورتبتها بيكون افضل لان طبعا كل منا يعرف ظروفه جيدا ويستطيع ترتيب حياته كيفما يشاء ادعوا الله ان يحقق لكى كل ما تتمنين ويسعد قلبك تحياتى وتقديرى |
| الساعة الآن 02:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©