ساعدوني ارجوكم ... زوجي
 

[أخواتي الحبيبات ارجوكم اعطوني الحل انا متزوجة من سبع سنوات من رجل مطلق و بعد خمس سنوات من زواجنا ارجع زوجته الاولى من أجل بنته منها ... ولم أنجب للان المهم سافرت لأهلي عندما رجعها وحدثت مشاكل كثيرة ......
وسافرت اليه المشكلة أني و أنا في عمان عند أهلي كان دايما مسجات بحبك ولا استغني عنك وأكتر منهيك و بس آجي عنده بس اول يومين بكون ملهوف علي بعدين بنقلب و بسير يحكيلي انا فيك و بلاك عايش ...
وعباراته عندمه أسألة بتحبني يقول : انا ما بحبك بس طالما في عشرة كويسة بنعيش و كلها كم سنة و بنموت لا تفكري كثير بالموضوع
مع انه مطلقته التي ارجعها دائما تطلب منه الطلاق ولا ينام حتى يرضيها بالمسجات ... وهو جالس بجانبي و البارحة قلت له اذا ما بدك اياني و ما بتحبني .... قال قبل أن أكمل كلامي :
آ ما بدي اياك
قلت له خلص مافي داعي اضل معك و نضحك عبعض خليني انزل عند أهلي ... وسار يطنش عالموضوع وكانه مافي شي و طلع مع صاحبه ثلاث ساعات ساكت حزين لانه الثانية بتطلب الطلاق ... سألني :
قال : بدك تنزلي عمان
قلت : بدي أضل آعدة عألبك

وحتى يابنات لو نزلت عمان قال طلاق ما بطلق وحدة فيكم اللي بدها تخلع تخلع بس أنا مش فارقة و مش مرتاح معك ولا معها أنا ما برتاح الا لما يكونوا ولادي معي و هي عايشة بعمان معها اربع اطفال اكبرهم بنت بالصف الثالث ...

شو أعمل ساعدوني أنزل عند أهلي و ارتاح ... نفسي أعرف هو بحبني ولا لأ ...
والله تعبت ارجوكم ساعدوني عاجلا لاني افكر هاليومين انهي الموضوع بيني و بينه

عزيزتي.. ما خاب من استخار

استخيري الله ربك فهو أعلم بالحال والمستقبل وهو سبحانه أرحم بعباده من الأم بولدها.. لذلك توجهي إليه بالدعاء والاستخارة..

وفقك الله لما هو خير.. آمييييييييييييييييييييييييييييييييييين

عزيزتي...

لما قرأت مشكلتك إبتسمت... بتعرفي ليش؟ لأنك لسا مو عارفه طبع زوجك... واللي هو طبع الرجال عامة..

الرجل يا حبيبتي.. ما بيقول لزوجته إنو بيحبها وبيموت فيها 24ساعه... ولو سألتيه بتحبني؟ رح يجاوبك (ولا أنا ليش تزوجتك؟) صح؟ ليش؟؟ لأن الرجل عموما ما بيميل للرومانسيه وكلام الحب ..
بينما المرأه تيمل للعاطفه وبدها زوجها يضل 24ياعه يقولها يا روحي ويا حبيبتي ويا نور عيني ونا ما بقدر أستغني عنك... بس صدقيني الرجل ما رح يحكيها.. مو لأنه ما بيحبك... بس لأنه رجل بكل بساطه..
إلا إذا عودتيــــــــــــــــــــــــــــــــــــــــــه

وإذا بدك تعرفي هو بيحيك ولا لأ... تذكري لما بعدتي عنه شو كان يبعتلك؟ وكيف كان متلهف عليكي ومشتاقلك.. هادا بيدل على مكانتك عنده...
إذن خلينا نتفق على شي... زوجك بيحبك.. وهادا شي واضح... بس اللي بدي أطلبه منك إنك تبطلي تسأليه على الطالعه والنازله (بتحبني؟)
أنا عزيزتي كنت متلك.. كل شوي بسأله.. لغاية ما حكيت هالشي أمام دكتوره متخصصه في المسائل الإجتماعيه وقالت لي خفي عليه شوي .. ولا تسأليه.. وإنت عم تسألي هالسؤال مو لأنك بدك الجواب.. بس لأنك محتاجه حنان.. وتحليلها صح... وهادا الشي أنا وإنت ومعظم النساء بيعملوه..
الدكتوره قالتلي إثقلي عليه .. ولا تسأليه.. ولما تسأليه خلي صيغة السؤال تكون (كام بتحبني؟) وصرت أستعمل هادا الأسلوب مع تخفيف تكرار السؤال بشكل كبيييييييير..

وعندي ملاحظه تانيه زغيره..
إنت ليش مو مريحه زوجك؟؟ يعني ويله إنت.. وويله زوجته التانيه... وهو متضايق .. ومو حاسس بالسعاده عندك ولا عندها... معقول؟؟ ليش ما تكوني إنت الحضن الدافي إله...
وخلي يطلق الثانيه وهو في قرارة نفسه بيقول إنه عندي سيده بتسوا 10 منها..؟
كيف؟ لما يرجع على البيت.. دلليه.. ولا تجيبي سيرة الثانيه.. وبس أعطيه حنان.. وعامليه كالطفل الصغير.. إمسحيله على شعره.. وطبطبي عليه.. وقوليله شكلك تعبان خليني أعملك كباية عصير تنعشك.. دللـــــــــــــيــه...
رح يحس بفرق... وإنت رح تنبسطي لأنك عم بتفرغي شحنة الحنان اللي عندك في مقابل إسعاده...
وفاجئيه بأشياء وأساليب رومانسيه.. من اللي في المنتدى... رح ينبسط ويغير جو...

ولا تتركي بيتك أبدا أبدا... زوجك ما أخطأ بحقك...
ولكن (ولا تؤاخذيني بالهالكلمه) إنت مللتيه.. (بتحبني؟ إزا ما بتحبني بدي أروح عند أهلي .. شكلك ما بتحبني)...
فاقد الشيء لا يعطيه .. أعطيه حنان خليه يبادلك... ولا تيأسي.. أعطي و أعطي..

ورح أحكيلك قصة واحده أيضا هي طبيبه.. كانت تقول لزوجها كل يوم.. (يا تاج راسي) وهو ما يرد عليها.. وهي مبسوطه إنها قاعده تدلله..

والله بعد سنتين من ترديد الكلمه على مسامعه... فوجئت به ذات يوم وهي بتقوله كالعاده (يا تاج راسي) بيرد عليها (والله إنت اللي تاج راسي وحبيبتي)...
طيب بذمتك.. ما بتستحق كلمه من زوجك بهالجمال إنت تصبري عليها؟؟

أعتذر عن الإطاله.. بس إذا إنت بعمان.. روحي عللى أي مكتبه.. وإشتري كتاب إسمه (الرجال من المريخ النساء من الزهره)
والله والله ما رح تندمي... ورح تشوفي وجه ثاني من زوجك إنت ما كنتي فاهمتيه...

الله يسعدك ويطمن بالك يا رب.. :)

انا مع اختي دندون في كل الي قالته ............

مع الأخت دندون وبعدين ملاحظة قلتي انه
مجبر يرسل لزوجته الثانية مسجات يعني ما بخاطره
لما كان يرسلك كان بخاطره مو اجباري
واكسبيه لصفك وكوني اقوى من هيك
وزوجك يعيش بحبك ويموت بفراقك صدقيني
المهم اهتمي فيه ودلليه وطمنينا عنك
اتمنى لك التوفيق
تحياتي

اختي ارضي بما كتابه الله لك عسى الله أن يفرج همك ويزيل الهم اللي في صدرك

شكرا أخواتي على درودكن
أخواتي بتعرفن الفرق بيني و بينها بالأخلاق و العمر كبير فهي دائمة التدخين و الفاظها قذرة وغير نظيفة وليس عندها عزة نفس و هو يعترف ويقول لي انت فيك كل الصفات الكويسة ...
وبالنسبة للبسي دائما برتب نفسي و كل يوم لبسة و تسريحة و آخر كشخة
أنا ما بسألة دايما بتحبني ... صدقوني انه أخر مرة نزل فيها عندها و شاف ولاده رجع ملهوف علي و حكالي اشتأتلك كثير هالمرة و بعدين انقلب و صدقوني لا ينام معي ( جماع) كل شهر مرة و أنا طلبت منه ...
بنات أنا بحبه كثير و نفسي يبادلني الحنان أنا بغربة ومالي حد غيره
احكولي كيف أخليه يحبني و يفضلني عليها و يسير ينام معي ...

ارجوكم اللي عندها حلول تساعدني
انا محتاجة لآرائكم