|
بنات اللي استخدمت العدسات الملونة .. تساعدني
بنات حابة استخدم العدسات الملونة كنوع من التغيير.. انا عيوني بنية فاتحة وايد.. ويناسبني اخضر فاتح او ازرق فاتح.
بس اللي استخدمت العدسات الملونة تكلمني عن تجربتها معاها .. وهل ارتاحت لها او لا؟ وهل فعلا فيها مشاكل مثل ما قال لي البعض ؟؟ وسلامتكم |
والله يا اختي اهم شي تكون جديدة وما تكون من يد ليد والا حتسويلك التهابات بعيد الشر وانصحك ان كنت سمراء باللون الاخضر
|
أهم شي يكون نوعها وماركتها جيدة مثل جونسون او فريش لوك وتكون خاصة فيك لوحدك وما حد يستعملها وياك وأهم شي تكون مناسبة للون بشرتك مو لون عيونك
وكمان تكون من النوع الدايم أحسن لأن المؤقته تجف وهي بالعين وتسبب غباشة أثناء اللبس وماهي مريحة وسلامتك دانيــــــــــــــــــــا |
العدسات مره مريحات صراحة لكن اول الوقت يبي لك صبر معهن
وبعدين حبيبتي العدسات ما يعيشن اذا كنت من اللي يطول اظافره لانهم ما يتحملن ويتخدشن واحسن شي فريش لوك الدائمه والله يسهل عليك |
هلا اختي انا استخدمت الملونة مو طبيه تعبتني كثير مع ان غيري ممكن يكون ارتاح فيها ولما سويت لي وحدة طبيه بصراحه ارتحت فيها اجلس لبستها طول اليوم وما تسوي لي مشاكل بس يقولون بالنسبه للحامل فيها شي واالانسان الي يتعرض دايما للهواء والحرارة فيها خطورة والله يحفظك يابعد حيي
|
شكرا يا بنات
|
والله عزيزتي كنت أستخدم عدسات طبية ملونة... بس الحمد لله سويت العملية ماصرت أحتاج للعدسات...
لكن راح أرجع للعدسات الملونة كنوع من التغيير بس لأن توني مسوية العملية فأحتاج بعض الوقت... وبما أن عيونج فاتحة راح يطلع لون العدسة حلوو عليج ويبين لونها... آنا علماً بأن لون عيوني بني غامق مائل للسواد وكانت العدسات تطلع علي حلوة... وفي أنواع كثيرة وماأنصحج تروحين للأماكن العادية... روحي لمحلات النظارات اللي يبيعون العدسات لأن أضمن وطبعا توجد لها ماركات... وأتمنى لج التوفيق عزيزتي |
عزيزتي طبعا لابد أن أذكرك أن العدسات الملونة نوع من الزينة لذا لابد ان تغطي عيناك اذا ارتديتيها..
واليك تجربتي مع العدسات جربت جونسن وتحسست كثيرا منها وتركتها جربت فرش لوك وحسيت براحة قريبة الى 100% معها ولكن جربت نوع ثالث واستقريت عليه ولكن لااذكر الاسم حاليا..سأوافيك به بأقرب فرصة.. العدسات نوعين شفافة وملونة طبية وعادية انا استخدم الطبية في النوعين واستخدم الاسبوعية افضل من الدائمة لأن الاسبوعية اكثر صحية لك واذا لم تكوني تستخدميها يوميا خلال الاسبوع تطول معك لمدة اسبوعين واحيانا ثلاثة..وتحسي انها غير صالحة اذا وضعتيها في عينك واحرقتك..تستبدليها فورا.. أيضا اختيارك للعدسة يعتمدعلى شيئين: 1-نسبة الاكسجين فيها لابد ان تكون عالية 2-حجمها لايكون كبير .. واذا عيونك حساسة اشتري من الصيدلية دموع اصطناعية( بلس+) وتقطري العين قبل لبس العدسات وبعد خلعها.. واثناء ارتدائك للعدسات اقطريها بالمحلول .. ان شاء الله أكون أفدتك أختك حائزة الأمل |
مثل كلام اختي حائزة الامل ....ولكن لاتكثري استخدامها لانها في البعيد راح تؤدي عينك ...لاني استخدمها من سنتين وبشكل دائم والان تحسست عيني منها...............
|
شكرا يا بنات على نصائحكم الحلوة
|
| الساعة الآن 12:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©