|
شغل البيت ما يخلص
السلام عليكم اخواتي :)
والاخواني علشان محد يزعل:) بقول موضوعي بس ابي اهل الخبره واي عضوه او عضو زوجته عندها خبره المهم انا متزوجه وما عندي اطفال الله يرزقني (يارب) وساكنه بيت دورين مساحاته صغيره كغرف بس انه دورين كله سيراميك ولا غرفه مفروشه :( وما عندي شغاله طبعا السالفه اني موظفه وما الحق اشتغل ودايما تصير سالفه ما يمدينيارجع من الدوام الا اطبخ وبعدها اغسل مواعين بعدها شاهي المغرب بعدها اطلع بعدها يجي العشاء وهكذا غير غسيل الملابس والكوي وترتيب البيت ومسح الارضيات ودورات المياه وووو من جد تعبت انا افكر اجيب الشغاله الي بالساعه يعين باليوم اربهع ساعات وش رايكم 0000000000 تحياتي دلوعه زوجي |
يا دلوعة زوجك انتي لازم الشغل عندك يعني العمل فيه الأولوية ولا عمل البيت هذا اول ؟
ان كان البيت يحتاج لعملك او تخصصك نادر ولا بد من عملك فانتي مضطرة لخادمة تساعدك ويا حبذا لوخادمة تعمل في اوقات معينة وانتي موجودة وبراتب معقول دون استقدام خادمة هذا رأي . وان كنتي تفدمين عمل البيت على عملك ما دام عملك انتي غنية عنه او تخصصك غير نادر فبيتك اولى تجعلين منه جنتك وربنا يا ستي يرزقك بذرية صالحة سباب وبنات حلوين يكونو دلوعة مامتهم ويجعله عامر |
احسن شئ انك تنظمين وقتك وشغلك بينتظم بعدها
بما ان ماعندك اطفال اكيد مافيه حوسه .. يعني مايحتاج تمسحين وتكنسين كل يووم ... مادري وشلون بس المفروض تسوين جدول وتمشين عليه .. بعدين تقدرين تسوين اكثر من شغله في وقت واحد مثلا تحطين الملابس في الغساله وتروحين تمسحين الارضيات .. تخلين الاكل على النار وتغسلين الصحون او تنظفين الثلاجه او اي شي داخل المطبخ .. بالنسبه للساحات اللي برى ولا احلاا منها ..لانها كلها لعب ووناسه وطشطشه بالمويه .. اممم .. بس هذى اللي عندي الحين وان شاء الله اكون افدتك حبيبتي .. |
انا مؤخرا بدات ارسل ملابس الخروج للغسيل و المكوة فى ال laundry و من ساعتها شغل البيت خف كتييييييييييييييييييييييييير
انا لا اعمل لكن عندى طفل ما يخلينى اعرف اكوى ابدا جربى تحياتى |
سلام من القلب الى دلوعة زوجك .... اعتقد فعلا ان مشكلتك تكمن في تنظيم وقتك ليس الا ....يعني كلامي يوافق كلام الأخت أم ليان ( الله يحفظها ) خصوصا انه ماعندك أطفال . وخلي بالك انك اذا جبتي خادمة باليومية انك راح تنحبسين معاها 4 ساعات يعني لا طلعة ولا غيرها ....
نصيحتي نظمي وقتك واذا ما قدرتي الله يعنيك على الخادمة . |
الله يعطيكم العافيه اخواتي ماخليتو لي شي اقوله بس اضيف
على ارائكم بأني شفت قبل يومين في قسم عالم المرأه والازياء وحده من الاخوات منزله موضوع قريبه من مشكلتك مسويه جدول عن ترتيب المنزل وتحياااااااااااااااتي |
شكرا لكم اخواتي على ردودكم وحده وحده بدون تمييز
اول شي اختي الحب ماء الحياة انا عملي برغبه من زوجي واصرار منه يقو لتطلعين تغيرين جو ولا تجلسين بالبيت من اول ما اجي من العمل وانت شبعانه نوم وتبين تطلعين :) يعني اريحه من الحنه :) ====== اختي ام ليان بالفعل ما فيه حوسه من الاطفال بس البيت نفسه بيبانه وشبابيكه مو مضبوطه والله امسح الطاوله القزاز اليوم ارجع لها بعد ساعتين مغبره طبعا الجو عندنا شي بس برضوا احس ان الغبار يدخل من كل مكان يعني تخيلي لو ارتب وانظف المجلس بالليل والله لازم اعيد عليه الصبح والاقيه مغبر هذا في حاله كنت بستقبل ضيوف ====== اختي مزيونه ثياب زوجي اوديها الكواي كوي بس بس باقي الملابس لا زوجي يحاول يقنعني اوديها مع الثياب بس انا ما ودي احسها فشله كل ثيابنا عند الكواي :( ====== ام البنين انا عارفه المسئله تنظيم وقت بس كيف انظمه ؟؟ام ليان الله يجزاها خير تقول اسوي اكثر من شي بنفس الوقت بس انا ما اقدر اطبخ واغسل مواعين بنفس الوقت لان الوقت الي يسمح لي بالمطبخ بالكثير ساعه الى ساعه ونص يالله اطبخ ====== تسلمين حبيبتي شاش وان شاء الله اشوف الموضوع تحياتي للجميع دلوعه زوجي |
أهم شي المكوه
لأن الكوي صعب وياخذ وقت وأنتي موظفة والأفضل جيبي شغالة |
خرج البيهقي عن أنس قال:
جاء النساء إلى رسول الله صلى الله عليه وسلم فقلن: "يا رسول الله ذهب الرجال بالفضل بالجهاد في سبيل الله، أفما لنا عمل ندرك به عمل المجاهدين في سبيل الله ؟ قال رسول الله صلى الله عليه وسلم: مهنة إحداكن في بيتها تدرك عمل المجاهدين في سبيل الله" |
السلام عليكم
انا اايد هالامر اللي قلتيه
لاني مثل حالك عندي شقه ومافيه الا انا وزوجتي وهي موظفه وجبت لها شغاله بالساعات وريحت زوجتى كثير :16: |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©