|
بمــوت ..الملكه وماادركم ماالملكه..
بســــــــم الله الـــــرحمــــــم الـــــرحيم....
اولا انا هنا منذو فتره تقارب 3 اشهر ولكن ترددت كثير في طرح المشكله ولكن تشجعت وسوف اقولها وارجو منكم المساعده وجزاكم الله خير... ثانيا .انا لا اعلم هل وضعت المشكله في مكنها المناسب والا لا ولكن لا اعلم اين اضعها... سوف ابدا وارجو منك اعطائي الحل واسفه علي الغلط الي بيصير فيه... بقولكم بحاول اختصارلكم انا ناخطبت الصيف الفائت وبشهر 12 ملكت اول شي سوه انه ماعطنا المهر وقلنا زواد وراح زواد ويم يجينا نصرف الشيك طلع مافيه رصد وصار سالفه وتمت الملكه ثمين يوم طلعت له عيا يصور وتهوش هو والمصوره قلت انا اننا حنا ضغطنا عليه فاعصب وسكت بعد فتره تقربا في شهر 1 صرت اكلمه وكذا فامعجبني اسلوبه يقولي انا عصبي وكذا وانا من النوع الي اسكت وهو شافني ضعيفه وانا وربي لاني استحي واخاف لو تشوفن ان دق وش يصير فيني انهبل وانحرج المهم بيني وبيه 10 سنين انا بين 19 و20 وهو 30 واحس رسم فكره عني اني انا بزر وبيربيني علي كيفه ولا يبني اناقشه بشي ابد وسكت وبس يامر وكذا انا كرهته كرهت الزواج وعلي ان عرسي باقي له شهر المهم راح له الوالد وشفيه وكذا فااعتذر قله هي خايفه ويقول ابوي ا نه قام يتهرب واقوله انت قلت كذا وكذا فا جاء وقال لبوي ليش تقولك هي قال ابوي انا اوبوها لازم تقولي المهم هذا الكلام الاربعاء الي طاف وجاء امس ياطويلين العمر ورحت وشفت الكوشه وطبعا العرس عليه وهو الي يبي عرس قلت بزين الكوشه بفلوسي وبيزين اشياء المهم رحت ودفعت عربون وطبعا لحظو له شهر مادق يوم راح له ابوي قاله انا مشغول الايام هذي وعقب ماجاه ابوي تحسبونه دق وهو عارف اني زعلانه وتونا بالملكه ولا دق تخيلو بعد يومين ارسل رساله مع اني انا اول ماقطع ارسل له ان شفت رقمه رجعت دقيت اقولكم طنش ماتصورن توقعت بعد ماجيه ابوي يدق مادق المهم اقولكم واخترها امس رحت واخترت وكذا وقلت لمنسقه دقي عليه لاني انا مادق وقولي ان العروس اختارت كوشه كذا وانت ماختارت طاولات تعال ختار لون نفسها قام وصارخ علي المنسقه تقول ماعطاني فرصه اتكلم اصلا ولا شي وربي ا نها داقه وهي تصيح بموت ماحترم احد وراح كلم القصر وحسهم مدري علي ايش وانا من صرت كلمه كرهته المهم قلت خلاص مابيه هذا انا ماقدر اتعامل معه ابد وامي طبعا من انخطبت ماتبيه وامس المسكينه بغت تموت ايه وربي ان عرسي بعد شهر لكن وش اسوي ولو اتطلق انا الي بتضرر واستخرت و كذا واحس اني من داخل مابيه ودقت علي خالتي تقول دايم مشاكل عادي ومدري كيف شوفي انا بس احس مابيه وبنت خالتي تقولي بتندمين وانا خايفه اندم مره ولا ادري وش اسوي وربي عجست انام والله تعبت ارجوكم ردو علي باسرع مايمكن ابي اشوف رايكم ولاتقولن لي حوالي معه احس اني كرهته واحس ابي اي غلطه عشان اتركه ارجوكـــــــــــــــــــــــم... |
الله يصبرك
من اولها كذا خذي الحيطة والحذر في التعامل وذا كان هذا عيبة الوحيد استحملي لكن اذا كان هناك اشياء كثيرة احسن تبعدي هذا من راي -------------------- اخاف يفرض سلطتة عليك بعد الزواج ويخليك في ورطة بعني ما يخليك تزوري اهلك ولا تطلعي وتسوق ولا كلام دايم زعلان وهواشة احس وانت في بر الامان قولي له مع السلامة ** |
حبيبتي
هذه الأمور لا بد لها من حل جذري ونهائي وفوري عليكم بالجلوس معاً والتفاهم على كل الإختلافات البسيطة بدلاً من الزعل والبعاد ما هكذا تؤسس البيوت تفاهموا على كل التفاصيل وأمور العرس ومكان الحفل لكن بحب وود لا بالصراخ والعتاب الخطبة او الملكة كما تسمونها هي أجمل الفترات في الحياة الزوجية فإذا لم تستمتعوا بها وتعيشوا كل لحظاتها الآن فمتى وأين ... أرجو أن تتلاقوا وتتصافوا فالحياة أقصر من كل المنغصات أتمنى لك التوفيق والهناء أختك جدارا |
اللي من اوله جذيه بينعاف تاليه
الله يعينك |
سبحان الله هذا شكلة مغصوب على الزواج انا استغرب من بعض الشباب تحس انه مغصوب على الزواج من اسلوبة وتعامله طبعا
انا نصيحتي اختي انفصلي احسن لك لان فيه مثل يقول اللي هذا اوله ينعاف تاليه بعدين لو اختي بهالموقف كان اطلقها منه غصب عليه لانه يااختي اهم شي التوافق والراحة النفسية الزواج مو هم واسف على الاطاله |
نصيحتي لك اتــــــــركـــيــــــه
هذا يريد يفرض رايه عليكي و هو شافك انك ما قادره تسوي اي شي يعني ما قدر خجلك بل اخذه على شكل نقطة ضعف لك لكن انتي اتركيه لان اللي صار معك صار مع اختي يعني انا بقولك كذا من تجربه اتركيه ولا تفكرين بيه لان اذا بالخطوبة عمل كذا طيب بالزواج ايش راح يسوي ؟ الخطوبة احلى الايام بين العروسين و انتي خطوبتك كلها مشاكل طيب متى بتعيشي عمرك ؟ و هالفترة فترة جميلة ليش تضيعين عمرك مع هالانسان انتي راح تتعبين معاه بالزواج اتركيه ولا تخافين انتي بعدك صغيرة و الف من يتمناك ولا يهمك الناس لان الناس مراح يعيشون مع هالانسان مراح يتعبون انتي اللي راح تتعبين و تخسرين اذا بقيتي معاه دعواتي لك بالتوفيق اختك |
مشكورين كلكم وجزاكم الله خير ....
لكن وربي اني امس استخرت واحس انه مابيه وخالتي دقت قالت انه لازم مشاكل وكذا انا مو مخطوبه انا ملكت عليه ليتها خطبه لو افك اصير مطلقه وانا توني عاد انا امس باليل رجعت دقيت عليه باخذ حقي وبقوله قال بدق بعد 10 دقايق ولا رجع دق وقهرني ودق اليوم 3 مرات ولا رديت عليه وتوه ارسال رساله قال انتظر اتصال واف وربي احس بالموووووت وامي قالت حتي لو تبينه مافيه خلاص ادعو لي بس وابي اشوف رايكم اكثرررر ومشكوررررررررررين...... |
علي فكره اخ فارس ترا هو مو مغصوب بالعكس هو الي قال ابي عاد والله اعلم...
|
لا حول ولا قوة الا بالله وكمان فيه احراج لوالدك اكتر من مرة سروح و يسئل
انا اشوف الإنفصال من غير اي ندم ... |
أنا أشوف إن تنفصلون من الحين أحسن
لا تزوجتوا ولا بينكم عيال ولا عيش وملح إذا من أولها هكذا بعدين يوم بتصيرين في بيت واحد وياه شو بيسوي.... وإنت صغيرة والعمر امامك وليش الندم يمكن يكون نصيبك أحسن منه.... والله يوفقك لما فيه خير لك....آمين |
| الساعة الآن 12:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©