اريد أن اعتمد على نفسي في عملي الخاص
 

السلام عليكم ورحمة الله وبركاته كيفكم إن شاء الله بخير
هذا موضوعي وأتمنى إنكم تشاركوني برأيكم
أنا نفسي أشغل وقتي لأن زوجي دائما مشغول عني في عمله وأنا أبغى أصير مثله أختلط بالناس وأصير إجتماعيه وأفهم في كل شي لأنه هو يبغاني كده وأنا أبغى أكون كده فقررت إني أشتغل أفتح محل ولكن يكون خاص بس بالنساء علشان أقدر أنا أشرف على كل شي بنفسي وهذا المحل حيكون في جدة بس مني عارفة حيكون محل إيش وماهي الأشياء اللي ممكن يرغبولها الناس وكيف يصير محلي معروف علشان الناس يوصلوله ومن فين أجيب البضاعه للمحل ماعندي مشكلة حتى لو سافرت علشان أجيب بضاعة بس من فين أجيبها ساااااااااااااعدوني

أهلا بك بيننا حبيبتي نيرسان


خطوة موفقة إن شاء الله

لابد في البداية أن تخططي جيدا لكل شي وأسئلتك هذه جائت في محلها

طبعا أنت أدرى ببلدكم وماهي الأشياء التي تهم النساء وتحتاج لها

وليست بمشكلة كيف سيعرفون عنك ومكانك
فالأخبار تنتقل بين النساء بسرعة سرعة النار في الهشيم
أنت أخبري جاراتك وأعملي حملة إعلانية في تجمعاتكم

أما بالنسبة من أين تأتي بالحاجيات فهذا يعتمد على ما هي هذه الأشياء ومن ثم ستجدي أكثر من مكان تجلبي منه

وفقك الله وإن شاء الله ينجح مشروعك

محبتك سمااا

الأخت الفاضلة نيرسيان :

تفكير سليم , أنا أنصحك انك تفتحي حضانة اطفال اذا كنتي تحبي الأطفال, بصراحة هذا المشرزع ممتاز و فيه خدمة اجتماعية كبيرة للناس و فية أجر لأنك ممكن تعلمي الأطفال الفاتحة و الصور الصغيرة و تعرفك بناس كتير و في نفس الوقت تعطيكي خبرة عملية ممتازة . المشروع ممكن يبدأ صغير في البيت ويكبر شوية شوية و تبدأي تشغلي معاكي بنات تانيين لهم نفس الميول , و انتي تحددي عمر الأطفال الي تاخديهم و الفترة الزمنية . كل الي يبغالوا غرفة تلاوين و نطنيطة صغيرة و مرجيحة و مسبح بلون في الحوش و شوية رحلات تعليمية . و ربن يوفقك ان شاء الله .

حلو اختي فكره رائعه

وش رايك مشغل نسائي

او محل ملابس انا سامع بعد فتره بتصير محلات الملابس النسائيه يشتغلون فيها فتيات

او تدرين

عندك نت في البيت افتحي محفظه استثماريه في بنك واشتغلي بالاسهم

صراحه انا متحمس لك ربي يوفقك ويفتح لك ابواب الرزق

انا مع الاخ نايف مشغل نسائي مايحتاج بضاعة كلها موجوده واللهم عاملات ماهرات وبعض الاجهزة وادوات التجميل موجوده وصدقيني راح يسليك ويدر عليك ارباح جيده اهم شي الموقع لازم يكون مدروس