|
هل انا انانية؟؟
السلاام عليكم ورحمة الله وبركاته
اليووم اسمعت كلمة من خطيبي هزتني كتير وصدمتني مدري اذا كان محق فيها اما لا عشان كذا ابغى اعرض المشكله هنا واشوف ردودكم واحكامكم وحلولم وبتمنى انكم تكونو ناصحين لالي اول شيء انا بنت بسيطة عايشة بقرية صغيرة مو موجودة على الخريطة انخطبت من شاب من دولة تانيه ومن مدينة من اشهر المدن يعني اختلاف في العادات والتقاليد والافكار انا بنت قروية عندي افكار وثوابت من بين هده الافكار ممنوع السفر الشاب لوحده او مع اصحابه ممنوع السهر للفجر ممنوع جمعات الشباب ممنوع وممنوع وممنوع والمصيبة خطيبي بعمل كل هدولي بعد ما بينت لخطيبي انو هذا الشيء عندي خطوط حمرا وانو لازم ما يتخطاها واتفقنا على هالشيء والحمدلله التزم بمعظمها مثلا لم يعد يسافر لوحده او مع اصحابه كمان توقف عن السهر وروحة المزرعه وكتير اشيا كرمالي اليوم بتفاجئ انو بحكيلي انو انا انانيه لاني مانعته من روحه اصحابه والسهر معهم وانو اسوا الايام عنده الاربعا والخميس لانو بكون جالس في البيت وانو ما في شاب مو متزوج بجلس كذا بدون شغلة ولا مشغلة وحكالي انو قبل الزواج كذا متقرف عيل لو تزوجنا وش بيصير فيه ؟؟ انا عصبت كتيررر حكتله سوي الا تبغاه مالي دخل فيك ومن هالحكي وخاصة اني مرة سمحتتله يروح يسهر مع ربعه وسالته وش كنتو تسولفون وللاسف كان من ضمن سواليفهم عن البنات بالله عليكم مو هالشيء بغضب الله قبل ليغضبني انا بنظري الشاب الا بسهر برة البيت لبعد الساعة 11 بكون شاب مو ملتزم ومو ماشي مستقيم وخاصة ازا كان عند شباب انا بحكيله زور اقاربك وروح لوين ما كان لكن ما تجتمع مع هدولي الشباب لانو كل سوالفهم غيبة وعن الاسهم والبنات ومدري شو من هالكلام التافه وكان رده انو ما في حدا واصل اكتر منه ايش بتنصحوني ايش بتشوروا علي وجد انا انانيه؟؟ والا تفكيري ونشاتي اعطتني انطباع خاطئ وشايفه كل العالم الا بعملو كذا خطئ والسلام عليكم |
بصراحه
اسلوبك وانتي تأمري عليه .. غلط يعني بيني له انك ما تحبي السهر بس لا تفرضي رايك عليه بهذي الطريقه خليكي دبلوماسيه اذا منعتيه من شي اشغليه بشي ثاني لا تمنعيه بهذا الاسلوب المباشر لانه راح يحس بان رجولته ناقصه خاصة امام اصحابه وامام تعليقاتهم وانتي ادري كيف الاصحاب يحرشوا بعض على زوجاتهم يعني قوليله حبيبي انا اتمنى سعادتك واذا سعادتك معاهم روووح بس لا تعصي ربك وانت معاهم اول مره راح يروح وهو مشتاق وشوي شوي راح تخف روحاته خاااااااااااصة بعد ما تملي عليه البيت نصيحه من اختك غيري اسلوب النقد المباشر اللي تتبعيه معه في تعاملك وابدليه باسلو ب الدلع وان رغباتك هي رغباته ولكن .............................. نقدك صيغيه بطريقه انك تخافي عليه ... فهمتيني يالغاليه ........ الله يهدي سركم يارب .......... |
عزيزتي
بحكيلك بصراحه وبدون زعل الدنيا غير وانت عايشه غير الحين كل الشباب بيسهرو كع بعض كل الشباب يسافرو يمكن السفر تقوليله بعد الزواج ما حب تتركني بروحي ويوم اتحب اتسافر اسافر معاك بس اما الصداقه و السهر هذا شي طبيعي جدا وكل الشباب وحتو المتزجين يسوونه يعني عادي ما يصير تمنعيه من كل شي ... بعدين بيطفش وبعد في شي ثاني .. لو في شي ما اتحبينه فيه لازم اتغيرنه بحكمه.. شوي شوي مب اتقوليله لا اتسوي كذا كذا كذا لا ما يصير وبعدين هذا ريال وعنده كرامه و ما يصير يقول حاظر وحاظر وهو يعرف انه ما يسوي شي غلط وبعدين الكلام عند البنات يصير في كل مكان يعني حتى لو طلع مع اقاربه بيتكلمون عن البنات بس كوني واثقه من نفسج :) وبعدين يعني حتى البنات مرات يتكلمون عن الشباب يعني شي عادي هذا الله يوفقك عزيزتي |
كلام خواتي صحيح.. اسلوبك حبيبتي لازم يتغير و لازم تآخذينه بالسياسه ..حسسيه انك ما تجبرينه بس بتكونين أسعد لو ما عمل كذا و كذا...
الله يسعدكم و يخليكم حق بعض |
السلام عليكم ..
اووووو الحين الزمن تغير .... وسعي صدرك .. والشباب الحين وخاصة نهاية الاسبوع ما يدخلون الاوش الفجر ....... (ماهو كلهم ..عشان مااكون ظالم .. بس الغالبية ) وما في مشكله لو يوم في الاسبوع يقابل اصحابه ويسهر معهم (في شباب الله يهديهم يومين يروح الاستراحة وسهر ... الله المستعان ) ماكنه متزوج .. مع انه لزوجته حق عليه . وانتي حاولي معاه مثل ماقال الاخوان .. واعطيه البديل ...... حتى مايفكر يروح .. والتغير مايجي في يوم وليله .. وفقك الله لما فيه الخير .. لكي ولزوجكي . |
بوركتم على ردودكم يا عمي انا ما باجي بامر عليه لانو خطيبي بتحكم فيني وعنده سلطة علي انا بجيبها باسلوب حلوووو بعدين والله ما عم تركب راسي كيف سهر لبعد الساعه 11 يعني ما في حرمة للبيت هدا بتناقض مع الاخلاق والدين والتربيه مدري كيف اهليهم بوافقو على هالشيء
بعدين من اول خطبتنا سالنا بعض شو بنكره عشان نجتنبهم هالاشيا يعني بالمقابل خطيبي حاطط علي شرووط وممنوعاتتت كتيرة كتيرة كتيرة مو بس انا وما عمري اتزمرت ولا حكتله لا راح بمشي على نصيحتكم وراح بخليه يسهر بس مع اني مو مقتنعة في كل هالفسق هاد وردا عليك خيي اصغر اخواني انا مو ببلده يعني انا بدوله تانيه يعني صعب اعوضه في ايام الاجازات كتير والسلام عليكم |
أختي الغالية أنتي كمن رأى رجل يعاني من التخمة وقلتلي له توقف عن الطعام نهائيا وهذا برأيي الطب خطأ لأنك لابد ان تستبدلي الطعام السيء بالجيد اما أنتي منعتيه من السيء دون اعطائه مقابل لذا سيصفك بالأنانية لأنك حصلتي على ماتريدينه دون أن تعطيه شيء
والأفضل :- أن تعوضي عليه هذا الأيام بأن يصطحبه ناس أنتي تثقين بهم كإخوته او أقاربك أو أخوكي أو حتى أن يأتي عندكم ولكن ليس منعه من الخروج والسهر بشكل نهائي هذا رأيي المتواضع ولك حرية التصرف أختك سيدرا |
| الساعة الآن 12:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©