|
تحسون بما أحس به
[grade="FF1493 FF1493 FF1493 FF1493"]<<< الله يعينكم علي.. والله يثيبكم يارب على ردودكم وتهوينكم علي
سؤاااااااااال للجميع وخصوصا للبنات الحلوات المتأخرات عن الزواج انا صايرة ماأحب أقاربي.. وحتى زوجات أخواني.. وأتضايق اذا جو.. واليوم جو حريم يزورونا وضقت مرة لما قالت امي تجهزي بيجون!! تجادلنا ان وامي بالكلام وتندمت وجيت اراضيها وأمي عاد اذا زعلت تحب تسوي ثقل الله يهديها ويخليها لي وجو واحس اني بنفجر بس قلت لازم ارضي امي واصب شاهي وقهوة واسولف واحاول اخلي الأمر طبيعي.. تصدقون انبسطت يوم جو ومرة استانست معهم.. أسأل نفسي طيب ليه كنت ضايقة لما عرفت انهم بيجون ماأدري؟.. حتى وانا البس كل شوي واقفة عند المراية واقول ايه اكيد بيقولون سمنت واروح اغير كني طفلة صغيرة وانا ظر المراية شوي واقول ايه اكيد بيقولون تغيرت كبرت اول احلى <<<ابليس مستقعد ووحدة منهم مدحتني لولا الحياء كان قمت وحبيت راسها خخخخخخخخخخ <<< كلمة توديها وتجيبها وراحو ورجعت لي الضيقة مادري ليه؟!!! واكون صريحة معكم اكثر والله اغلى ماعندي بهالدنيا امي الله يخليها لي وجعل يومي قبل يومها صرت ماحب اسولف معها كثير مادري ليه تغثني تجيب طاري الزواج 24 ساعة لو تشوف لقطة مسلسلة واحد مع زوجته عطتني نظرة تولد فيني شعور ماكنت أحس فيه قبل.. والمشكلة امي كثير متعلقة فيني وتفقدني لما ماأجلس معها واذا جلست بدينا نتطاق بنات انتم مثلي كثير تتضايقون؟!!! احس ودي اجدد من حياتي من نفسي شسوي؟[/grade] |
انا مثلك اختي بس الفرق بينا ان امي صارت تخجل اني اروح معاها زواجات او جمعات
احنا بالبيت نادر مايجون عندنا ناس امكن ما افدتك ياختي لكن يعلم الله اني احب كل اخت معانا هنا بالقسم هذا وادعي لنفسي ولهم |
[grade="FF1493 FF1493 FF1493 FF1493"]ليه تخجل؟؟. والله الأمهات ماعرفنا لهم..
انا صراحة ماصرت احب اروح لأقاربنا ابدااا حتى للزواجات.. انبسط لما اروح زواجات صديقاتي واهلهم بس اقاربي لا بس امي تبغاني اطلع عشان الناس يشوفوني عرفتي؟!! الله يصلح حالي وحالك ياأم مزنة هذا هو المكتوب آآآآه بس[/grade] |
اختي الحال من بعضه، لا تحسبين انك الوحيده، لا املك ما اقول ، فالحزن يحتضن قلبي
|
السلام عليكم و رحمة الله وبركاته
أنا مثلك صرت أطفش من أقاربنا ومن الزيارات العائليه لكن احب جمعت زميلاتي وخواتي انا فهمت ليش انا حالي كذا ومع ذلك ما احب القربه احب الغرب اللي ما يدرون عن سالفتي لأن مع الأقارب كل كلمة وحركة محسوبه عليك ولها تفسير ثاني ومع الزميلات الحياة غير ولهذا السبب قررت اني حتى الزواج الثاني يكون من برى قريتي علشان ما احد يظل يقارن أما بالنسبة لماما ( الله يحفظها) دايم هذي حالتها في كل ساعة تدعي لي وتندم على اللي فات وفي يوم جلست معاها بجو هادي وفهمتها انه مافيه مشكلة تدعي لي بالزوج الصالح بس على شرط ما تجيب سيرت اللي فات على لسانها لأن هذا يجرحني كثير ومن هذاك اليوم واحنا متفاهمين وأكثر شي غير بحياتي بعد ما دخلت هالمنتدى الحلو وشفت مصايب غيري وسماعي لشريط ( الناجح يرفع ايده) عن جد رائع ويرفع نسبة التفاؤل في الدم أسال الله العلي القدير ان يفرج هم كل مهموم |
الله يفرج همك ويسخر لك الزوج الصالح اللي يخاف ربه فيك..
ام لولو |
الله يرزقك ولد الحلال الصالح اللي يسعدك ..انتي و خواتي في المنتدى
|
بقدر ماهو حزين هذا الموضوع .. بقدر ما ضحكت على مواقفك التي تقارب مواقفي .. حالتي مع امي كحالتك تماماً .. كنا نفتح هذا الموضوووع كثيراً .. لكن وحينما شاهدت والدتي عليَّ الغضب أحياناً أو التأثر او الحزن احياناً أخرى .. قامت بإقفال الموضوع وتجاهله تماماً .. حتى يحين فرج الله عز وجل .. بالنسبة للزيارات فقد قصرتها على الأقارب فقط الذين احتسب في زيارتهم صلة للرحم وما دون ذلك فقد انتهى تماماً غاليتي : أسأل الله لك الصبر والثبات .. وحسن الخاتمه .. ولي ولجميع المسلمين . . . . اختك : بنان |
شوفي حبيبتي المرة الفاتت طنشتي ردي وما رديتي علي ..
الظاهر ضايقتك بردي المهم أنا كان همي أوضح لك جوانب في قضية الزواج والنظرة من ناحية أهل العريس تجهلها العروس وكذلك أهلها .. المهم حتى لو مارديت على أحلين بعد مو مهم .. وأعتبر نفسي متطفلة وأدري أنك طلبتي راي الأخوات الآنسات .. معليه أستحمليني .. نصيحة .. كل إللي تحسين فيه من ضيق شيء طبيعي من كثر الضغط النفسي.. تصيبنا حالات كثيرة من هذا الأمر في أمور تختلف .. تذكري أن طاعة أمك واجبة ... أفعلي ما تأمرك بدون ما تظهرين لها تذمرك واحتسبي ذلك عند الله .. مشاجرتك مع أمك لن تفيد في أمرك شيء سوء أنك لربما كسبتي أثم بأغضابها ... لا تجعليها تغضب أبداَ واحذري دعاءها ليكن لك لا عليك .. وتذكري دائماَ رضى الله من رضى الوالدين.. أعانك الله على ما تجدين... |
احب انوه للأخت انه هذي المشكله حتى بالرجال يعني انا صارلي تقريبا فتره طويله ابحث عن عروس بالمواصفات
اللى اريدها ولكني ماحصلت مئات الشباب والفتيات بهذي الحاله ..........بعدين اقترح عليكي كثرة الظهور بالاعراس ومافيها شي لو تخلين امك مثلا تعرف خطابه وتعطيها اسمك ومواصفاتك ترى الشباب كثير منهم واهل العريس يلجأون للخطابات بشكل كبير ........... لأنه الدواره تعور الراس وفي بنات مايطلعون ومحد يعرفهم عشان جي الخطابه تسهل الموضوع اكثر. الله يرزقك بزوج صالح قريب ان شاءلله. |
| الساعة الآن 09:35 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©