هل انا ظالمه !!!؟
 

السلام عليكم والرحمه...

باقي اسبوعين تقريبا عن العرس وانا قايله حق ريلي انه ما ابي نشوف بعض شهر كامل وصار لنا شهر ونص ماسفته الا في ساعه بس والحين راح شهر وزياده ما شفته واهو يقولي انه وايد حالته النفسيه مو شي وكلام غير.....
انا حسيت بالذنب الصراحه انه قلتله واخاف انه بهال تصرف اكون غلطانه او اصلن ما يجوز انه اقوله ما نشوف بعض بهال طريقه...
يعني هو صح مابقى شي عن العرس بس ابي ضميري يرتاح لأنه احس اني ظالمته يوم اقوله ما نشوف بعض شهر ....
بليز قولولي..

اختي العزيزة

ليه ماتشوفو بعض ..؟؟

لو مثلا عايزة ماتشوفي زوجك قبل العرس فيمكن قبل اسبوع من العرس .. ولكن شهر اعتقد كثير كتير وما ينفع وطبعا اكيد غلطانة برايي

حبيبتي لسة باقي اسبوعية اتكلمو مع بعض واجلسو مع بعض وقبل العرس باسبوع فقط ممكن انكو ماتشوفو بعض بالرغم ان هالاشياء انا ما بعتقد بيها

انا قبل العرس بيوم انا وزوجي كنا جالسين مع بعض بالليل وبنحكي وبنحكي عن العرس وكيف راح يكون

على كل حال اتصلي به واطلبي منه انك عايزة تشوفيه وربنا يوفقكم

أنا مع "نور حياتي" واجوف أن لازم ألحين تتصلين به ... والله مسكين : (

شاسوي والله حتى امي قالت حرام عليج تخلينه كذا يصوم عنج شهر بس اهو وافق بالأول يوم اقترحت عليه وقال معليه نتصبر لين العرس والأيام بتمر ان شاء الله بسرعه ماهقيته يعني يقولي كلام نفس اول امس والله كسر خاطري حسيت اني مذنبه في حقه ....
هو قالي انه حالته النفسيه وايد تعبانه لأنه مايشوفني بس ماقالي بجي اشوفج...شلون انا اقوله@@
الصراحه يا اخواني حتى انا ودي بس شاسوي ماعندي وقت حتى كله دراسه وجامعه وامتحانات الحين وضغط علي من كل ناحيه يعني عندي حق ولا لأ...:(

لا والله ما لك حق........................تخيلي هو قال لك لا اشوفك شهر..................بالله وش بتحسين.؟؟؟؟؟؟؟؟؟؟؟المفروض انكم شفتم بعض ومن الاول................ترى اول ملره اسمع عن ناس مسويين مثلكم..............اللي اعرفه ان العريس يلزق في بيت اهل زوجته..................مسكين والله حرمتيه وحرمتي نفسك من اجمل ايام عمركم...................اتصلي الان وناديه...............

اختي سيدار انا قلت هالقرار مو قرار يعني بس كنت ابي اشوف رايه انه بشهر واهو قال اوكي موافق واصبر معليه وكان عادي عنده...
انا لأنه قلت ما بيكون عندي وقت كللللش الا شوي يمكن بالويكند شوي وماتحانات وضغط دراسه لأنه انا خذت اجازه طويله من الجامعه على اني اخلص المنهج قبل الطلبه ب3 اسابيع تقريبا وهاي بروحه ضغط...وبيكون كلش شكلي مو عدل ويبيلي تنظف تعرفين شنو قصدي يعني حف وهالشكل وما احب اخلي ريلي يشوفني بشكل مو حلو....

هو كان ساكت طول هالفتره والله وانا اصلن ودي اشوفه اليوم قبل باجر بس هو توه مصارحني بالي في قلبه عن هالشي بس بعد يوم قالي ما خبرني اني ابي اجي واشوفج كلش حتى انا قلت ان شاء الله يقولي يوم الحين بجي ابي اشوفج بس كلش ماقال وانا استحي اتصله واقوله تعال الحين احس مو حلوه مني مع انه عادي ريلي قبل كنت كل يوم اشوفه يا نطلع سوا او يجي البيت من جي تعودنا في الفتره الأخيره على بعض واجد وبتصير لنا الحين 9 شهور ملجه..

ان شاء الله تكونون متفهمين وضعي وموقفي مع اني والله ودي اشوفه اليوم قبل بكره بس بعد استحي اقوله تعال استحي وايد واهو رجلي يبيني اكون جريئه معاه بس انا على قد ما اقدر بس بعد استحي

انصحكِ اختي بأن تتصلي به وتخبريه انك مشتاقة له وان قرارك كان متسرعا بخصوص الامتناع عن اللقاء او المحادثة لكل تلك المدة . لا تقولي خجلانة او كرامتي لا تسمح لي ، بل فكري كم سيفرح ويسعد بأنك تحبينه وتشتاقي له .

أختى الكريمة ،،،


أنتى تتحملى الجزء الأكبر بطبعك الغريب هذا0000000ولاصلاح ذلك على الفور إتصلى به لأنك أنتى اللى طلبتى هذا ،، و لاداعى للعتاب 000 على

الأقل من طرفك لأنه هذه رغبتك وهو لبى رغبتك00000000 ولا تكابرى 00 وقولى له وحشتنى جدا جدا 00 الخ 00 فهو

بعد أيام قليلة بإذن الله زوجك000

حبيبك 000 أعز الناس والذى ستعاشرينه بإذن الله مدى الحياه وهو سيحفظ لك ذلك ،،،

وأتمنى لكما السعادة

أشوف الردود عليج قاسيه

بس انا بقولج انه عادي هاي بس حركه عشان يتوله عليج

عادي انا قلت حق زوجي اني ما بشوفه ولا بكلمه حتى شهر

وهو وافق بعد ما قلته بنشتاق لبعض وبيكون لقانا احلا

بس تبين الصدق لو شفته يبا يشوفني ومب عايبنه الوضع عادي بشوفه

لأن هاي السالفه بس حركه انا امسوتنها وما يهمني لو اخرب الحركه

يعني يمكن احول السالفه اسبوع بس في النهايه خخخخخخ

والحين باقيلي عالعرس شهر واسبوع تقريبا يعني عندي اشوفه بعد اسبوع

وبعدين بشوف شو بيصير

حبيبتي لو هو يبا يشوفج خليه يشوفج عادي بس لا تتعدلين وايد ولا يتم عندج وايد ساعه ويسير :)

والله يوفقج حياتي