طبعها الذي ظهر على حقيقته .. ما الحل؟؟؟
 

اقترب موعد زفافي وبدأت أستعد .. لكن كان المتاح أمامي من مال لا يكفي للفرح والمأذون والفستان والكوافير والصور وخلافه من مصاريف
وبرغم الجمعيات اللي أنا داخلها عشان خاطر أتجوز وأكمل جهازي .. اضطريت إني أدخل جمعية أخرى عشان خاطر مصاريف الزفاف
والظروف اللي دفعتني لكده هي إن خطيبتي بدأت تسألني وكذلك والدتها وأبيها أنت هتعمل إيه في موضوع الفرح والزفاف .. ووقتها فهمتها إن اللي معايا من نقود بالكاد تكفي إلى كتب الكتاب فقط بدون فرح .. ولكن قلتلها إني إن شاء الله سأدخل جمعية مع زملائي في العمل بيها أسدد أقساط الجمعيات الأخرى وبالمرة نعمل الفرح ..
ساعتها يا جماعة قالت لي خطيبتي أنا نفسي أفرح بليلة العمر زي أي بنت ودي ليلة مش هتتكرر تاني .. وكان ردي عليها إني إن شاء الله سأحاول أن أعمل الفرح على قد ما أقدر بس فهمتها إنها تتحمل معايا السنة الأولى من الزواج إلى أن أسدد باقي الجمعيات والأقساط وبعد كده سنفيق من كل ده .. وأنا يا جماعة مرتبي حلو والحمد لله
وبعد أن وجدت بالعافية جمعية جديدة ستبدأ وجدتها بستة آلاف جنيه . وأنا كنت محتاج حوالي 2800جنيه لسداد باقي أقساط الجمعيات خلال أشهر الأجازة لأني في الوقت ده بيكون دخلي أقل من الأشهر العادية .. والباقي حوالي 3200 جنيه ..
المهم ذهبت أسأل عن قاعات الأفراح فوجدت أن القاعات المشهورة غالية جدا وفوق طاقتي فأنا ليس معي إلا 3200جنيه فقط للفرح وهناك أيضا قاعات مشهورة ولكن سعرها في متناول الجميع وفيها نفس ما هو موجود بالضبط بالمشهورة من إمكانيات حلوة.
وبالفعل لقيت قاعة المائة فرد فيها بـ 2700 جنيه ونحن على الأقل بالنسبة للمعازيم من عندي وعند نسايبي حوالي 150 فرد فسألت المشرفين هناك فوجدت ال150 فرد ب 3200 جنيه وسبحان الله كأنها مرسومة
فذهبت يوم أمس الجمعة لأسعد خطيبتي بهذا الخبر فوجدتها تقول لي باستهزاء ( هي دي المفاجأة اللي انت محضرها لي)

كانت متوقعة إني سوف أحجز في مكان من الأماكن الغالية الثمن زي فلانة قريبتها وفلانة معرفتها و قعدت تفرض عليا أن أعمل لها الفرح في المكان الفلاني أو العلاني وبالعدد الفلاني وهذه كلها فوق طاقتي يا جماعة
فناديت والدتها لتحضر الكلام وتسمع من بنتها .. فشرحت لها كل ما سبق
فوجدتها تقف مع ابنتها وتقول إنه المفروض عليا إني أعمل فرح لحوالي 300 فرد ......... وده سيكون مكلف جدا عليا .. وزي ما أنتم عارفين يا جماعة إني دخلت جمعيات تكاد تكون فوق طاقتي عشان أفرح وتفرح خطيبتي
فرديت عليهم وقلت لهم إن امكاناتي لا تسمح إلا بهذا المبلغ ولو عايزين تزودوا زودوا انتم لكن أنا دي مقدرتي ومش هقدر أزود عن كده .. فلا تذبحوني فأنا لن أمد يدي وأسرق أو أنصب حتى أرضي خطيبتي
و فهمتهم إن القاعة اللي أنا سألت فيها جميلة ومودرن وشيك ووصفت لهم فرح كنت حضرت جزء كبير منه وأنا بسأل هناك على القاعة
فقلت لهم إن القاعة تشرفني وتشرفكم فهل أنا هحجز في مكان ( معفن )؟؟؟؟ وآسف على الكلمة .. فوجدت خطيبتي ترد الكلمة وتقوللى ( أه معفن ) . وما إن لمحت خطيبتي أخوها الأكبر نزل من الشقة لشراء حاجة حتى انفجرت فيا بصراخ تقول ( انت بتتكلم كده ليه وبتزعق لماما ولينا وإحنا ساكتين لك ) وأنا لم أزعق والله ولكن كلامي كان فيه بعض التوتر ..فرديت عليها قلت لها ( أنا والله مزعقتش وبعدين إنتي ماتزعقليش انتي فاهمة ) وذلك بصوت عالي زي صوتها الذي لم أسمعه عالي زي كده من قبل وفوجئت به لأول مرة
فوجدت أمها تطلب منها مغادرة الغرفة وكانت الدموع في عين والدتها لأنها رأت إن خطوبتنا شكلها كده على وشك الانهيار نتيجة تصرف بنتها
حاولت أمها أن تعاتبني فقلت لها ابنتك هي اللي غلطانة وبتزعق فيا وبتغلط وتملي بتغلط على طول .. هي عايزة تطلب - تلاقي وتأمر فأستجيب حتى ولو كان على حسابي ..

حاولت أمها أن ترمي اللوم عليها شوية في زعيقها معايا وعليا شوية في موضوع الفرح ده برضه فقلت لها ما قد قلته من قبل لكم وإن هذه هي إمكاناتي وليس معي أكثر من ذلك وفهمتها إني سأحكي هذا الكلام لوالدها لأرى ما رأيه هو الآخر
ونزلت لوالدها في محله التجاري أسفل البيت ولاحظ غضبي على وجهي .. فسألني عن السبب فحكيت له كل ما قد حصل من ابنته وكذلك فهمته ظروفي وامكاناتي
فوجدته يقول لي ( اعمل ما تقدر عليه ولا تكلف نفسك فوق طاقتها واللي أنت شايفه صح اعمله وأنا معك فيه )
أما بالنسبة لبنتي فأنا هعرف إزاي أعاقبها على ما بدر منها ..
بل إنه يا جماعة زود عدد الأفراد من عنده وعرض عليا إنه يدفع 500جنيه من معاه زيادة -برغم إنه هو اللي كلف فرح الخطوبة - وعرض عليا ذلك ليصبح العدد 200 فرد .
بس طلب منى يا جماعة زي ما طلبت مني والدتها إني أحدد موعد آخذ فيه خطيبتي وأمها ونذهب لمشاهدة القاعة ودفع مقدم حجز للفرح
ولكن أنا رفضت أن أوافق له على الذهاب يا جماعة بدون أن تتصل خطيبتي بي وتعتذر على ما بدر منها وهذا أولاً .

ثانيا وده الأهم : كيف أطمئن لها بعد ذلك بعد ما أظهرت طبع سئ وهو ( اطلب - الآقي ) وإلا فلا حب ولا ود ولا معاملة كويسة منها لي
كيف أطمئن لها في الزواج بعد ذلك وكيف أعاقبها على ما فعلته لتعرف قدر خطأها

أنا يا جماعة كنت رايح أفرحها .. لكن رجعت بحزن عميق وقاسي .. ولم أحكي لأهلى اللي كانوا منتظرين أن يسمعوا مني رد خطيبتي وأهلها على مفاجأتي لهم بإن موضوع الفرح تم تدبيره والحمد لله بدلا ما كان يبقى من غير حتى حفلة كتب كتاب

فماذا أفعل في الأيام القادمة ؟؟؟؟؟؟
كرامتي لا تسمح أن أذهب أنا لها وأكلمها قبل أن تعتذر ؟
ومن ناحية أخرى أريد أن أعرف منها ( هل تقبل بي على امكاناتي وظروفي أم لها رأي آخر على حسب طبعها السيء الذي ظهر ؟؟؟؟)

.................................................. .........................
.
أهلى لو سمعوا ما حدث ؛ فإن كل شئ سينتهي وستفشل الخطوبة بعد مشاكل كبيرة أكيد ؟؟
ماذا أفعل ؟
وآسف للإطالة جدا

الأعياد المعروفة في دين الإسلام عيدين فقط عيد الفطر وعيد الأضحى..هداك الله..حائزة الأمل

الصراحة راحة لا يكلف الله نفسا إلا وسعها خلك صريح وبين لهم وضعك المادي ولا ترهق نفسك بالديون ان رضوا بك وتساعدوا معك وإلا البنات الحمدلله البيوت مليانة فتيات جميلات أهلهن لايريدون إلا الستر لبناتهم بل البعض منهم يشترون الطيبين أزواجا لبناتهم 0

أخي ان ما حصل شي عادي

كل بنت تتمنى يكون لها احسن من الباقي

والحمدلله ابوها عدل الموقف وانسى انت خلاص

انت كلمها عادي ولا كأن حاقه حصلت

وبعدين لازم تروح يوم الام لأنك أكبر من دا كله و اعقل منها

وبعدين اذا هي لم تاخذ هديه لأمك انت خذ ولو باقه ورود واديها لامك وقولها دي من خطيبتي

عشان امك ما تزعل ...

ادعوا الله لك التوفيق اخي ... ودي اشيا تحصل عادي وخاصه ان السالفه دي بتوتر العروس :)

لا تزعل اخي فلا شيء يستحق الزعل

7ayrah
كل كلامك ده على راسي
ولكنها حتى لم تتصل .. فات اليوم ولم تتصل حتى تعتذر وكأن رأيها هو هو ولن يتغير

الله يعينك موقفك صعب بس هي مفروض تعرف ضروفك من اول انا رايي انك تروح تهدي امها ممكن العروسه متوتره عشان العرس قراب احيانا الضغط النفسي بس انا اشوف انك تروح وتوجها هل هي بتتحمل وضعك المادي وامكنياتك لان هذا زوج مافيه مجملات احسن شي انك تتصرحو قبل ونتو على البر يعني

اتركها لفترة بسيطة حتى تراجع حسابتها ..

ربما تتصل بك و تعتذر ..

و إن لم تفعل , و لم تتصل بك .

عاتبها , و أخبرها بان الحياة من المستحيل أن تستمر بهذا الشكل .

أخبرها بمدى التحطيم الذي إصبت به ..

أعانك الله ..

اخوي في رايي انك قبل اي شي لا تنتظر منها اي رد او مكا لمه هاتفيه اتصل انت فيها وكلمها او اطلب مقابلتها وتفاهم معاها على كل شي واشرح لها ظروفك عشان تكون عارفه من البدايه وحتى ما تجي بعدين بعد الزوااج تلومك وتحصل مشاكل بينكم
.


...........

الأعياد المعروفة في دين الإسلام عيدين فقط عيد الفطر وعيد الأضحى..هداك الله..حائزة الأمل

اممممممم....اقترح ان ترسل لها رسالة عتب تحسسها فيه انك ماخد في خاطرك...
واعتقد من ساعة ما يوصلها المسج حتتصل عليك....الله يهدي النفوس،،،

ما يؤلمني فعلا أنها لم تقف معي ومع ظروفي ، لكنها تجاهلت كل ده .. المهم عندها ألبي طلباتها .. إزاي؟... مش مهم
المهم إني أسمع وأطيع
هذا ما لا يقبله أي رجل عنده كرامة أن تتحكم فيه زوجته . وأن تفرض عليه أن يلبي طلباتها وإن لم يلبي .. فلا ود ولا حب ولا كلام ولا عشرة طيبة ..
فهل لاحظتم ذلك ؟

لا تكلمها انت اولا ,ولكن كلم والدتها وحدد معاد لكى يروا القاعة وبصراحة فى اشياء لم تعجبنى وازهلتنى فعلا لكن ممكن فعلا يكون بسبب التوتر عشان يعنى معاد الفرح قريب عموما , اظن امامك الوقت لكى تعرف طبعها , فلا تحكم من مجرد موقف واحد لكن ايضا لا تتركة خلية فالحسبان , عموما زى ما قلت كلم والدتها وحدد معاد لتذهبوا الى القاعة ..... ووقتها سترى ما ستفعل هى معك والله اعلم