استفسار عن اسواق البحرين
 

مساء الورد
بدون مقدمات لان ماعندي اسلوب في الكتابة :16:
انا رايحه اليوم ان شاءالله للبحرين ماادري ايش الاماكن الحلوة فيها وايش احسن الاسواق لاني بارجع في نفس اليوم ياليت تردون علي بسرعة ومشكورين سلفا .:17:

اححححححححححححححححححححححسن شي..............مجمع السيف................ثم عالي...................وبعدين البقيه تاتي...........مدري والله ايش اسمائهم بالضبط...............لاني اعتمدت السيف...............وبعدين انتبهي من النصب اذا اشتريتي شي ترى ابد متخصصين هناك...........لايغرونك بضحكه والا بلطف والا بكلمه حلوه...........ترى حريم وكيدهم عظيم.................

زيارة موفقة ان شاء الله كنت اتمنى افيدك لكن ما شفت البحرين سوى من مطار و من خلال نوافد طائرة بس وانا عملا فيها اسكال شكلها بلد جميلة على ما عرفت فيها اماكن حلوة واسواق ممتعة
ان شاء الله يفيدوك اخواني واخواتي الي زروها

السلام عليكم ورحمة الله


حياج الله أختي في البحرين و تنورينا

بالنسبة للمجمعات عندج مجمعات وايد وتقريباً كلهم جنب بعض عندج السيف والعالي و البحرين والدانة و مقابل مجمع البحرين في مطاعم مرمريز و مشويات طهران و جنب مجمع السيف تلاقين مطعم زيارة و طبعاً غير المطاعم الموجودة داخل المجمعات و الي أغلبها فاست فود ومكشوفة يعني غير المطاعم الي ذكرتها الي كلها عائلية و كل عائلة لها مكان مسكر بروحهم، و طبعاً السينمات الي فيها

عندج بعد مطعم الأبراج بفروعه في فرع في السهلة و فرع في مدينة عيسى وفرع مدينة عيسى بيكون جنبه مطاعم كثيرة منها فاست فود ومنها غير بس ما جربتهم من قبل مثل الونيس و مطعم عراقي نسيت اسمه، وفي فرع للأبراج في المحرق وهذا أحدث فرع وبيكون جنبه ماك دونالدز و سينما و عندج في المحرق حديقة المحرق و تقدرون تروحون ساحل قلالي تراقبون الطائرات و هي نازلة للمطار

و عندج في المنامة مجمع مارينا مول وفيه مطعم جنغل لاند الي يقدم بوفيه و جنب مارينا في مجمع اللولو بس هذا عادي يعني

و الأسواق الشعبية سوق المحرق و المنامة

وفيه عندنا كورنيش الملك فيصل فيه قسم مفتوح للمشي و قسم فيه ألعاب للأطفال و يمه فيه مطعم يقدم بوفيه اسمه بندروزا بس ولا مرة جربته (للأمانة)
و تقدرين تزورين المتحف و تزورين بيت القرآن و محمية العرين و النادي البحري و جزر حوار بالإضافة للمنتجعات



أتمنى أكون أفدتج و حياج الله مرة ثانية في بلدج الثاني

الاخت ايثار
لو سمحت ابي مراكز تشيل بالليزر في البحرين
وياليت على الخاص

الأخت 2006 آسفة على التأخير بالرد بس الصراحة ما عندي فكرة عن هذا الموضوع

سوري