أخوتي وأخواتي اكتب لكم مشكلتي وأرجو منكم مد يد العون وتقديم النصيحة لي
انا تعبانه جدا ومنهارة
تهاوشت مع خطيبي ووصل لدرجة كرهي وانه ما يطيق يسمع صوتي
والسبب على قولته ( أأأأنا)
انا بحكي لكم القصة من البداية
حبيت خطيبي حب جنوني وهو بعد يحبني اكثر
واستمرت قصة الحب بينا سنوات وسبق وتقدم لي وصارت ظروف منعت الخطبة وتركنا بعض مدة سنه كامله ثم رجعنا لبعض من شهر يوليو الماضي
وكل مره يبي يتقدم لي تصير ظروف وانا امنعه ليما في الاخير مل وتقدم لي

المهم مش هنا المشكله
المشكله انه يحبني حب يتعدى الوصف
حب جنوني
ومهتم فيني اكثر مما انا مهتمه في نفسي
هو اللي يصحيني لصلاة الفجر
وهو اللي يصحيني للدوام
وهو اللي يسأل عن فطوري وغداي وعشاي
وهو اللي يسأل عن صلاتي وفروضي أديتها وإلا لا
وهو اللي يسأل عن مرضي
وهو اللي يحضر لي الدوا
وهو اللي يغمرني بهداياه بمناسبة وبدون مناسبة
وهو اللي يسمعني أحلا كلام حب وغزل
وهو اللي يحاتيني إذا خرجت من البيت ويقعد يحاتيني لحد ما أرجع
وهو اللي يحل لي اي مشكله تواجهني
بختصار من كثر تدليعه لي احس كاني طفله صغيره عنده مب إني حبيبته

وبتسألون طيب شو المشكله
المشكله يا إخوتي وأخواتي فيني أنا
أنا اتصرف تصرفات ما احس فيها أو آخذ الامور ببساطة زيادة عن اللازم
وهو يتضايق من هذا الشي سودايم احط اعذار مرات تكون صحيحة ومرات تكون من عندي بس مب مقنعه

مره كان بيجي يشوفني وقالي شو تحبين اخذلج هدية فقلته ما اريد هدايا فزعل من الموضوع
ومره جاب لي هديه حلوه وانا قاعده اطالعها تذكرت طالبه عندي جايبه لي هديه فقلت له فلانه جايبه لي هديه وما اعرف شو اخذلها فزعل وقال فكرتي في طالبه جابت لج هديه وتبي تاخذين لها هديه لكن مافكرتي وانتي جايه تشوفيني انج تجيبين لي هديه وصار بينا كلام وقال انه ما يفكر في الهديه لكن يفكر باهتمامي وتفكيري في اشخاص ثانيين مب فيه هو؟؟
وانا اقسمت له اني افكر اخذله هديه في يوم ثاني واني فعلا افكر اسوي له مفاجأه
المهم في يوم من الايام تفاجأت انه مرسل لي هديه ورساله وانه قاعد ينتظر رسالتي على شان كل واحد منا يقرا شو كاتب له الثاني وانا اصلا ما كتبت له شي ولا ارسلت له شي واستحيت منه وقمت وشريت له هديه وخليتها عندي وقلت باليوم الثاني برسلها له
وطبعا قعد هو ينتظر ارسل له شي وقمت انا ودقيت عليه اعتذر منه وكان متضايق وزعلان وطول الليل مانام يفكر ليش انا اعامله عكس ما هو يعاملني ونسيت اقولكم انه هاليوم مب على شان عيد الحب وغيره حنا نهتم فيه لالالا لكن على شان فهاليوم أول مره شفنا فيها بعض.
وطبعا انا ماكنت عارفه بشو ارد غير اني اقوله ظروفي ماكنت تسمح اني اخذله هديه وطبعا قبل اعتذاري لكن ظل شايل بخاطره علي وقال ماكنت ابغي اي شي غير رساله منج تحسسيني فيها باهتمامج وحلف ما ياخذ او يطلب مني اي شي

وصارت مشكله ثانية انه مره قعد يكتب لي مسجات من الصبح للظهر ويصبح علي ويرسل وانا ما ارد عليه وبعدها عصب فقالي وينج فقلت له مشغوله افكر وين اطلع اتمشى اليوم لان الجو حلو فقالي ومن الصبح للحين ما فكرتي تردي على مسجاتي ولا على سلامي

ومره كنا طالعين وهو يرسل مسجات ويدق من العصر لين بالليل حوالي الساعة تسهه وبعدها ردي عليه فقالي وينج كنت خايف عليج فكان طبعا ماعندي عذر فقلته طالعه اتمشى وما انتبهت للتلفون فقال معقوله انج ما استخدمتي تيلفونج ولا شفتي انه فيه مكالمات من العصر للحين؟؟

ومره يحاول يقولي كلام حلو وكلام حب وغزل وانا اصده واغير الموضوع وافتح مواضيع ثانيه فارسل لي مسج انه خلاص ما بيتكلم باي كلام حب وغزل وشوق واني بطريقتي كرهته في كل شي وحتى ما يبي يسمع مني

وطبعا كله هذا كوم والمشكله اللي تصير بينا كل يوم كوم
دايم يرسل لي مسجات وانا اقراها وما ارد عليه وحتى لو يستفسر عن شي اقول باتصل فيه وبكلمه
ومرات اكون بالسوق او مع اهلي ولما اقوله عن هالشي ما يزعل لكن باقي الاوقات اكون ماعندي عذر وما ارد عليه ويتضايق ويزعل وايقول ماعندي ذرة اهتمام فيه ولو كنت اهتم فيه كان رديت على الاقل على مسجاته حتى لو بكلمه
ودايم اقول خلاص بصلح من نفسي ولكني بعد يوم او يومين ارجع لنفس المشكله
وقبل ثلاث ايام ارسل لي مسج يقول لي فيه ليمتى بتظلين تعامليني بهذي الطريقة وانا قريت المسج وكنت مشغوله وقلت بعدين برد عليه وبعدها بساعتين او ثلاث اتصلت وما رد وظل للمغرب وبعدها قالي ارسلت لج وصلج والا لا؟؟
فقلت له وصلني وانا اتصلت بس ما رديت فقالي ما رديت لانج ما رديتي على مسجاتي وانا قاعد انتظر ردج
المهم انا ما رديت وكنت برع البيت وقلت لما ارجع بكلمه ورجعت ودقيت وما رضى يرد علي وظل زعلان

وباليوم الثاني متعود يصحيني لصلاة الفجر ومادق وعرفت انه زعلان وحتى الصباح ما صحاني فقمت ودقيت وماكان له نفس يكلمني وبعدها ارسل مسج يقول انه كاره نفسه وكاره كل شي فيني واني باسلوبي معاه كرهته فيني وماعاد يطيق مني اي شي وامس قلت له اني خلاص تعبانه ومب قادره ورجع واتصل فيني وكلمني وقالي انه رجع على شان ما اقول انه تخلى عني..... انا عارفه اني يحبني وعمره ما بيتخلا عني وعارفه انه تعب من اسلوبي معاه بس ما اعرف كيف اغير اللي بنفسه علي
ومب عارفه كيف اعدل من طبايعي واني اهتم فيه مثل ماهو يهتم فيني ويرجع لي مثل ماكان قبل

عارفه طولت عليكم بس والله العظيم انا تعبانه نفسيا اكثر منه ارجوكم ساعدوني وقدمو لي النصيحة
سامحوني