سؤالي عن معاشي ومعاش زوجي بليز ارجوا الإفاده
 

السلام عليكم والرحمه

بليز والله والله ساعدوني

رجلي قالي اقتراح اول شي قالي انه اذا ممكن تخلين معاشك في البنك لين يصير مبلغ اوكي ...وانه نصرف بس من معاشه.... قالي انه يعني معاشج نخليه حق وقت يمكن وظروف نحتاجله ومن معاشي نصرف على كل شي ...

هو قالي بعدين على رااااحتج وهذا طبعا معاشج وانا ما اتدخل فيه بس اقول اقتراح واذا ماكنتي موافقه طبعا عادي لأنه انا اكيد ملزوم فيج....


شرايكم؟؟؟؟؟ فيدوووني والله اني ما اعرف بهال سوالف انه اخليه ولا ما اخليه ولا شلون لأنه انا الصراحه ابي اعيش مع زوجي بحياه ما فيها لا هاي مالي وانت مالك خص ومن هالقبيل...وبعد ما احب اروح اقول حق امي كيت وكيت وانه شرايج وما ادري انا شوري علي ومالقيتكم الا انتوا ...
بلييييز قبل عرسي وحتى يبين في توقيعي مابقالي وقت بليز السؤال موجه للمتزوجات والمختصين بهال امور وطبعا اكيد للي له راي ...

شكرا مقدما

والله فكرته حلوة صراحة وبعدين لا قدر الله لو احتاج راح تعطيه من معاشك اللي انت حاطته في البنك ماراح تقولي لا، صح؟

توكلي على الله واحسن ماتصرفي معاشك ويصرف معاشه وماتلقوا شي بعدين


ماشاء الله عليه زوجك حكيم الله يهنيكم ببعض

معاشك خليه بالبنك... وخلي زوجك يصرف عليكي كل شي....
لأنه هو ملزوم فيكي...
ولا تطلعي شي من البنك إلا في حالات الضروره القصوى.....


الله يوفقك ويسعدك:)

مشكوررين والله ما تقصرون
وبليز بليز يالي متزوجات شنو رايكم

زوجتي تقول عادي ما فيه شئ

ولكن نظامي انا وزوجتي لها راتبها وتصرف منه وتدخر لنفسها ، ولي راتبي .

مافيها شي بالعكس ممتاز اللي أقترح زوجج وعسى الله يوفقكم يارب

فكره ممتازه وانتي المستفيده

انا ما ابغى اخوفك او اشجعك على شي غلط انا ماعرف طبيعه زوجك وطبيعتك
لكن
اشوف واقرا بالمنتدى وغيره عن المشاكل الي تسير بسبب الراتب
فانصحك لاتعودينه انك تصرفين من راتبك مع الوقت يتعود وماعاد يصرف عليك
الله يوفقك

مشكورييين والله ماتقصرون
ادعولي والله ما بقى شي عن عرسي :)

بارك الله لكما وبارك عليكما وجمع بينكما في خير
الله يسخرك له ويسخره لك ويوفقكم ويسعدكم يارب
ويرزقكم الذريه الصالحه

عزيزتي بصراحة الفكرة التي طرحها زوجك فكرة اكثر من منطقية وواقعية انا عندي بعض التعليقات على هذا الموضوع:

1- اذا رأت الزوجة ان الزوج قادر على الصرف على البيت بشكل مناسب فيمكن ان توفر راتبها لليوم الأسود
2- اذا رأت الزوجة ان وضع الزوج صعب او ان وضعه المادي سئ فيمكن لها ان تساهم معه من طيب خاطرها بدون اكراه
3- اما اذا كانت الزوجة لا تقبل ان تعيش بالمستوى الذي يقدر عليه زوجها وتطالبه بمت هو فوق طاقته المالي فأنا ارى انه هنا يجب عليها المشاركة معه لأنها لم تقبل بوضعه