أخي يشتكي من عروسته الجديدة !!!!
 

السلام عليكم
الحمد لله والصلاة والسلام على رسول الله..

الله يسعدكم و يحلي أيامكم
أخوي توه ملك من شهر و زواجهم بعد ثلاث شهور :14: :14:
أخي أمس وقبل أمس بس أمس كان أكثر ...
يقول لي أن العروسة حلوة و جميلة ولكن وما أصعب لكن
قال أنها
ترفع كلامها عليه و تهاوشه إذا اخطأ (( طبعا أخوي ... حيااته ضحك في ضحك يعني كل سواليفه نكت في نكت+ مرررررررررررح لآبعد حد... بمعنى طريقة كلامه تضحك ... يعلق ...بالمعنى خفييييييييييييييييييييييييييف دم ..و كأنه مستهتر :23: ... بس والله في وقت الجد مو أي جد ...يكون عاقل و يتكلم بدون أي ضحك أو تعليقات مضحكة ومع كل هذا هو إنسان حنوووووون يحب الرومنسية بشكل خيالي ويحب أحد يحن و يدلعه + هو حساااااااس ولم أكتشف هذه الصفة إلا بعد أن تزوج))
أرجع للعروسة اللي اخترتها أنا وأمي :21: .. هو قال لي أمس أنها تخوفه !!!! قصده أنها يخاف من صوتها العالي ... قلت له كيييف ؟ قال ترفع صوتها فجأة علي ..و هي على قولته ... جاااااااافة .. يجب لها فوق اللي تطلبه .. تخيلوا مرة شرا لها سبع عطورات بأكثر من 1000 علشان تنبسط بس للأسف .. وهذا كلامة ما انبسطت و لا قالت شكرا .. وحتى لما اصورا في الملكة .. جاب لها الصور اليوم الثاني فرحان وبيطير فرح وكلمها وقال لها طلعت في الصور زي القمر ... وركب السيارة و سافر لها ووراها الصور ... فما انبسطت قالت وش ذالصور .. المهم أخوي تحطمممممممممم ... وهو كثير يشكي لي بس ما أدري وش أقوله ... هو يقول أنه أعطاها وجه بزيااااااااادة
والحق يقال : عائلتهم جاااااافة .. يعني ما يقولون كلام حلو.... أقصد رومنسي+ كلامهم قليييييييييييل :25: :25: ...واللي يقعد معهم كلآنهم يكرهونه لآنهم ما يتكلمون :11: ..بس كلمة ورد غطاها ..لآنهم أصلا ما تعودوا عليه من والديهم ..بس هم ناس طيبين ومثقفين و محترمين وااااااجد و عائلتهم

تكفووون ساعدوني وش أسوي .. تخيلوا مرة لكم أمي ويشتكي لها وقال .. والله شكلي بكرهها :29: :29: ... مصيبة يكرها وتوهم ما تزوجوا .. هم تزوجوا بس ما سووا الحفلة الكبيرة ...

أسألكم بالله أن تساعدوني كيف أفهمها وأفهمه أهو .. طبعا هي اخت زوجي
والحمد لله رب العالمين وصلى الله على محمد وعلى أله وصحبه أجمعين

يوضحلها الموضوع ويصارحها...
وإذا ما نفع يتركها ... لأنه يا حبيبتي الطبع بيغلب التطبع...
وإذا أخوك متضايق من الآن... وهو وقت الخطبه اللي لازم الشخص يكون فيه رونسي لأبعد الحدود... وهي بهالشكل فالله يعينه بعد الزواج..

الله يوفقه للي فيه الخير...

والله يا اختي انا شخصيتي نفس اخوج بالضيط جنج تتكلمين عني وخايف زوجتي تطلع جافه لاني اكره الحرمه

الجافه وثقيلة دم ............. الله يعينه بس خليه هو يحاول يضحكها ويخلي طبعها مرح مثله واذا ماسوى كذا بعدين

هو اللى بيتغير وبيصير جاف .

أقول أخوك شكله دلوعة , ومو قادر يفرض شخصيته أمامها , عشان هيك هي مستهتره فيه ..

لكن لو عرفت فيه حزم الرجال ما حطت عينها فيه , ولو أنه من أول أدبها , كان شي ثاني

لكن يظهر ان أخوك ضعيف لا يقوى على تأديبها ..

لا يعطيها وجه بزياده لان بصراحه المرأه اذا اخذت وجه زياده واهتمام تنغر وهي ما شاء الله عليها مثل ماقلتي حلوه

خليه يثقل كلامه شوي ويقلل من الضحك والمزح

والله يوفقهم يارب

والله يا اختي انا من رايي ان التوافق يكون من البداية ومادامت المكتوب قد ابتدأ بهذا العنوان فلا اظن ان البقية ستكون افضل ...


اختي انا لا اريد ان انصحك بفسخ العقد انما لك ان تتخيلي شكل الحياة التي ستكون عليها ايام اخيك مع زوجته التي
لاتخجل وهي لازالت عروسا من ان تتجرأ عليه بالكلام وتتعامل معه بتلك الجفاوة وهو الرجل الذي سوف يصبح بعد شهور زوجها ووليها الذي يجب عليها طاعته ...


للاسف يا اختي لقد اساتم اختيار عروس لاخيك واتمنى منكم اعادة التفكير قبل ان يقع الفاس بالراس ويحدث الطلاق بعد انجاب ابناء يتشتتون بين رعاية الاب او رعاية الام ...


اجعلي اخاك يجلس مع زوجته ويحزم امره في امكانية تقويم سلوكها وضبطه على ما يحب هو او في الشروع المباشر الى فسخ عقد الزواج والبحث عن انسانة اكثر توافقا وتناسبا مع طبيعته الشخصية ...

وصدقيني الشخصيتان المتنافرتان لا تولدان الا المزيد من المشاكل والمشاحنات


اتمنى لكم التوفيق والسداد والهداية
وان يوجه الله اخاك الى ما فيه الخير والصلاح
تحيــــاتي

بسم الله والحمدالله وصلي اللهم وسلم على نبينا محمد صلى الله عليه وسلم عدد ما ذكره الذاكرون وعدد ما غفل عنه الغافلون


بالنسبه لأخوك , ماشاء الله طيب ونيته صافيه

بس اقتراحي


انه يتركها ويطلقها

لأنها ما تصلح وراح تأذيه

اعوذ بالله من النساء المتسلطات

وعسى الله يعوضه خير

وصلي اللهم وسلم على نبينا محمد

نفس الكلام لأنه بصراحة البنت إذا مابان عليها الحياء والخجل في الشبكة إعرفي إنها حتكون من النوع المتسلط يعني صراحة ترفع صوتها من الآن أجل بعدين ماأستبعد تمد يدها......:29:

اللي هذا أوله ينعاف تاليه ....

اختي العزيزة

انا وجهة نظري انك تنصحين البنت ................خاصة انك مرت اخوها

اتصلي عليها ..............او زوريهم واجلسي معاها ولا تدخلين معها بالموضوع على طول .........لا

وانما مهدي للموضوع ثم صارحيها بالاسلوب اللي تحسين انه بتفهم صح ..........وما تسيء الظن فيك

ممكن تعلمينها حركات وشغلات تسويها حق زوجها لتكسب وده وحبه ..............

اختي اذا ما تغيرت حذريها ان اسلوبها الفض ربما ينفر زوجها منها

أختي لو العائلة زينه والبنت جميلة

ما يكون سبب لان يخسر اخوك سعادته في حياته

ان لم تتعدل خطيبته حرام يستمر معاها ..............ظلم له ولها

ارجوا ان تفكروا بمصلحت اخوكم وسعادته

ولا تفكرون بالطريقة اللي انتم تحبونها .


الله يوفقكم .