|
ساعدوني اريد طبخات سهله وبسيطه
خواتي
مالي غير الله ثم انتم.... تكفون لاترودوني خايبه ...ممكن تعطوني طبخات سهله وبسيطه وما تاخذ وقت الله يخليكم لاني ما عرف اطبخ ابدا ابدا وودي ارضي زوجي خصوصا انه بيعطل من الدوام وبيتفرغ لي ولانتقادي في كل شي بالبيت ابي طبخات حلوة وخفيفه وسهله واهم شي ما تاخذ وقت في طبخها الله يخليكم ساعدوا اختكم في الله :rolleyes: :confused: :rolleyes: الاشراف / تم تعديل العنوان مستكة_مستكة |
الدجاج على الطريقة الاسبانيه
المقادير صدور دجاج خاليه من الدهون والعظام طماطم فلفل رومي "اخضر واصفر واحمر " زيت زيتون وخل وليمون ملح "وكمون وفلفل اسود وبهارات مشكله"كلها مطحونه الطريقه نقطع الدجاج شرائح طويله نسبيا وكذلك الطماطم طبعا الطماطم من غير اللب والفلفل كذلك نضع مقدار ملعقه كبيره من زيت الزيتون في المقلاه وبعد ان يسخن نضع فوقها الدجاج لمده 4 دقائق تقريبا وبعد ذلك نضع الطماطم مع التقليب من وقت لاخر بعد 3دقائق نضع الفلفل المشكل والملح والبهارات اذا قارب الدجاج على النضوج ضعي مقدار ملعقه كبيره من الخل الابيض وعصير ليمونتين او ثلاث حسب الرغبه في كاس وضعيه على الدجاج واتركيه دقيقتين فقط ملاحظه :بعد كل خطوه عليك تغطية المقلاة عليكم بالعافيه |
صينية الدجاج بالخضار مره سهله وما تاخذ وقت
تجيبين بصل وتقطعينه شرايح كبيره وتحطينه بالصينيه والخضار الموجوده عنك بطاطس -كوسه - جزر - اي شي تحبينه وتجيبين صدور دجاج جاهزه او دجاجه كامله وتقطعينها ارباع وتاخذين الطماط في الخلاط مع ملح وبهارات وشوي ثوم وحبة ماجي لما يصير مثل المويه او اثقل شويه وتكبينها على الدجاج والخضار وآخر شي تجيبين فلفل بارد وتقطعينه شرايح فوق الدجاج وتغطينه بقصدير وولعي الفرن عليه من تحت من ساعه الى ساعه و ربع وبالعـــــــــــافيه ... |
وشي ثاني سوي رز ابيض عاااادي
والدجاج تبليه واقليه بالزيت مع سلطه الخضار كان فيه طريقة تتبيله مررره ورووووعه جربتها بس مدري لمين سوي بحث وشوفي والسلطه عاديه بس قللي الطماط شوي واقلي مكعبات بطاطس+ باذنجان وخبز محمص آخر شي والخلطه هذي فوقها علبة زبادي ملعقة طحينه + 2ملعقة مايونيز .... ويطلع غداء ولا احلى .. |
أرز بالزعفران بصل(حبه وحده)+كأس مشروم+فلفل أحمربارد(حبه وحده)+ طماطه+ كأس كزبره خضراء+رز+ربع أصبع زبده +زعفران+ملعقه صفيره ماء ورد الطريقه: 1)نضع في القدر الزبده والمشروم ونحرك لمده خمس دقائق(لاحظي انه تبي تنزل مويه من المشروم) 2)نشيل المشروم من القدر ونزيد شوي زبده ونحط البصل ونحرك لمده خمس دقائق(لكن البصل لايتغير لونه)بعدين نضيف على البصل المشروم والفلفل البارد الأحمر والطماط ونحرك لمده عشر دقائق تقريبا 3)نحط على البصل و.....الخ ماء ثم الكزبره والملح واذا غلى الماء نضع الرز ونخليه الى ان يستوي 4)نخضر صينيه ونضع فيها قطرات من ماء الورد وخيوط من الزعفران نوزعها في الصينيه ثم نضع الرز في الصينيه بعد مايستوي ثم نرش الرز بقطرات من ماء الورد وخيوط الزعفران وندخلها الفرن لمده ربع ساعه وبالعافيه ان شاء الله يعجبك |
مشكورات خواتي يسوري وهاايدي وفدن
ماتقصرون وانشالله ياربي في ميزان حسناتكم فكيتوا ضيقتي الله يوسع صدوركم واخواتي اللي تمر على الموضوع تعطيني طبخات زياده وشاكره لكم |
المكونات والمقادير
½ باكيت لحم مفروم –1ملح وفلفل وبهارات –نعناع يابس –زيت للتحمير –كاس معكرونة مسلوقة بازلاء مسلوقة –كاس عصير طماطم طازج –2كاس مرق الدجاج –بصلة مفرومة ناعما –شرائح ليمون –بقدونس مفروم ناعم للوجه. طريقة التحضير يتبل اللحم المفروم جيدا ويشكل على هيئة كرات صغيرة ، تغلى في الزيت حتى يصير لونها ذهبيا وترفع على ورق نشاف ، تحمرر البصلة في ملعقة زبدة حتى يصير لونها ذهبيا فيضاف إليها عصير الطماطم وتترك لمدة ¼ ساعة ثم تضاف البازلاء والكفتة وقبل التقديم تضاف المعكرونة حتى لاتلين بسبب الغلي ثم يصب في طبق التقديم ويزين بالبقدونس مع شرائح الليمون . |
دجاج مغربي محشو على البخار
دجاجة من حجم كيلو و نصف 4حبات ثوم مهروس ملح, فلفل اسود ورشة زنجبيل ملعقة كزبرة مفرومة ناعم رشة زعفران مذوبة في قليل من الماء نصف كاس زيت ذرة نصف كاسة رز طويل الحب طريقة التحضير يفلفل الرز نصف المدة بعد غسله جيدا بالطريقة المعتادة و يصفى تنظف الدجاجة جيدا في صحن عميق تخلط بقية المكونات مع بعض و يؤخد الثلث و تفرك به الدجاجة جيدا يضاف الرز الى ما تبقى من الصلصة و يخلط جيدا و تحشى به الدجاجة و تخاط بالخيط الغذائي و توضع في طنجرة الكسكس مدة ساعة او مصفاة طنجرة الضغط لتطبخ على البخار مدة 30 دقيقة و عندما تنضج تقدم على اوراق الخس و بالف صحة وهنا يا اخت ريم |
مافيه اسهل من الجرريش واغلب الرجال يحبون الشعبي بس لازم يقعد وقت يطبخ
جريش بدجاج كاس جريش 5 كسات مويه دجاجه عصير ليمونه بصله مقطعه صغير تخذين نص كميه البصل وتحطينه بقدر مع شوي زيت لين يشقر تقطعين الدجاج نصفين وتخلينه لين يبيض تضيفين الماء والملح وتكبين الجريش المهم تخلينه يطبخ على نارر هديه ساعتين على الاقل عشان يندمغ تطلعين الدجاجه بعد ما تستوي وتنتفينها بشوكه ثمم ترجعيه للقدر بعد كذا جيبي ملعقه خشب و(اعصديه) يعني حركيه فيه جه وحده بحركه دائريه وحطي اليمون وتقدري تضفي زبدي على حسب رغبتك وتحطيه في حافظه وتزينه بالبصل الباقي تكوني كشنتيه لين يحمر وتحطين معه بهرات البيت وطبع تقدريي تسوي جريج ساده بدون الدجاج بيكون اسهل بعد |
| الساعة الآن 08:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©