|
خطيبي يطلب قبلة!!
مشكلتي موجهه لمعشر الشباب انا مخطوبه وبدون ملكه بدون عقد شرعي(اجلت الزواج لاكمل دراستي) ولأجل التعارف والتقارب والتفاهم انا وخطيبي نكلم بعض بالهاتف منذ 6 شهور ولكن بدون لقاءات لحد مانملك وتفاهمنا وتقاربنا وحبينا بعض المشكله ان خطيبي طلبني بوسه وانا رفضت وبررت رفضي بأننا مازلنا مخطوبين ومايصير بينا هذي الاشياء واننا لما نتزوج نسوي الي نبغى ( خطيبي من اسره محافظه ومتشدده ولكنه دارس برا) خطيبي في البدايه تفهم بعدين رجع يقول انه مو عاجبه الكلام لأنه هو يحبني وحبه لي يتطور ويزيد عشان كذا طلبني بوسه وان ماله سيطره على مشاعره ولا يحب يقيدها ولما قلتله مازلنا غير متزوجين ,قالي انه يعتبرني زوجته لأنه ان شاء الله بنتزوج وانه مجرد كلام فالتلفون ملكتنا بعد 3 شهور والزواج بعدها بكم شهر هو يقول انه مايبغى اقيد كلامه معي لانه يشعره بعدم راحه وانه يعتبرني زوجته ولازم ياخذ راحته معي وانا مازلت رافضه المبدأ ولكن ما ابغاه يتضايق مني ويحس اني معقدهد على قولته اش رايكم ؟ انا عارفه اني ما أخطيت بس هل هو متقبل كلامي ولا لا وليش هو يسوي كذا؟ هل فعلا نتيجة حب او اختبار لي؟ انا احس بدأ يمل من الوضع لأن مكالماتنا طالت وما فيه اي تجديد في العلاقه وش الحل معاه؟ |
أختي العزيزة أعلمي أنه غريب عنك ولايجوز لك تقبيله فأحذري ياأختاه..وأما أن تعجلي بالزواج أو أن تخففي
إتصالاتك التي من المفروض أن تكون في حدود ضيقة وحسب الضرورة.. إنتبهي ياأختاه.. أختك حائزة الأمل |
اتصالاتي فيه كثيره لأنه مثل ماذكرت من شهور اكلمه
وما ينفع اخففها الحين |
مافي حل الا لنكم تعجلون بالعقد خلوها بعد 3 اسابيع مثلا وبس لانه اذا حااااالته مره مره مايقدر يصبر احسن
تعجلون بالعقد وبعدين تستانسون ويابعض لكن اذا فيه حيل يصبر قوليله حبيبي اصبر كلها 3 شهور وبس حسسيه انك رااااغبه فيه كمان ومشتاقتله لضمه وقبله لكن بلزواج كذه بيحس انه تقريبا اشبع رغبته وبتكبرين بعينه كمان |
عجلو بعقد القران افضل
وانتبهي من بعض الطلبات الي ممكن يطلبها منك بعدين بحجة انك زوجته خلاص بالتوفيق |
جوابي هو أن تخبريه أن هذا الشي محرم بينكم شرعا لأن الشرع مازال يعتبره أجنبيا و غير محرم لك
|
اياك ايك والحرام
لو اعطيتيه قبلة لسقطت من عينه وبدأ يفكر ويوسوس له الشيطان انك بنت سهلة صاحبة تجارب سابقة لينة للشباب وانك صاحبة علاقات .............. الخ فانتبهي حفظك الله وذكريه بالله وانه حق عليك لله ان لا تفعلي حراما فسوف تكبرين في عينه ويزداد قدرك عنده وسوف يقول لك ذلك بعد الزواج مبارك مقدما الملكة تحياتي |
اختي الفاضله..
خطيبك ما زال في حكم الأجنبي (غير المحرم) عليكي.. ما يفرقه عن الباقين..فقط الوعد بالزواج.. فاحرصي الا يقع بينكم مالايجوز.. من اي فعل او قول.. واستعجلوا بعقد النكاح (الملكه) ولكم بعد ذلك ما شئتم.. وإن كان فعلا من عائله محافظه ومتشدده كما تقولين، فأكيد انه يعرف كل هذه الأحكام.. بالتوفيق.. واحرصي على ما يرضي الله..واخبريه انك حلاله.. ولكن بعد العقد.. اسأل الله ان يسعدكم جميعا ويجمعكم على خير.. ولا ارى سبب لتأخير العقد بسبب دراستك..!! اعقدي وبعدين يحلها الف حللال |
إحذري يا أختي من بعض الرجال ، فإن كنت فريسة سهلة بالنسبة إليه و راودته في ما ريد و قد يتمادى إلى ما هو أكبر سيحتقرك و لن يحبك كما يحبك الآن بل ينتابه الشك فيك . بين له أنك تحبينه و معجبة به لكن إن أراد شيء آخر غير المكلمات ، فقولي له أن يعجل بالزواج.
|
انتبهي تعطينه الي يبغى لان لايجوز وليس بينكم عقد شرعي خليه يعرف رايك وحتى لو قال معقده صدقين بعد الزواج بيقدر ردة فعلك واذا مستعجل قدمو الملكه
|
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©