توافق على الزواج به أم لا
 

هذي اول مره اشارك فيها عندنا في الكلية صديقة عزيزه علي وايد بس مرت بمشكلة وأنا احب اشوف اراءكم فيها هي كانت تحب واحد من 5 سنوات بدت القصه انتها تعرفت عليه عن طريق الشات وكانت بداية العلاقة صداقة واخوه مثل ما هو قالها بعدين بدا يقولها انا احبك وابغي اتزوجك المهم صديقتي رقضت في البداية بس بعدين انجرفت بمشاعرها وياه كان عمرها 21 سنه وهو بعد والحين عمرهمم 25 سنه المهم بعد ما مرت فتره اكتشفت انه يعرف وحده ثانيه اكبر منه ب 7 سنوات وفيها اعاقة بسيطه في ريولها يعني تعرج بس كل شي فيها تمام واجهته بهذا الامر وانكر وقالها انتهت العلاقة من زمان بس اتاكدت هيه انه خاطبها وكان زعلان منها في هذي الفترة والحين رجع لخطيبته فتركته وقالتله خلاص تزوجها ما دامك خاطبها واتركني في حالي بس هو اصر وانه ما يتركها قالها انا احبك انتي فاهمتني وحنونه وتحبيني لشخصي بصدق المهم اخوها مسكهها وهيه تكلمه بس الشاب راح وقال لاخته تزور اهلها وتقولهم انه ماله علاقه بها وانها انسانه شريفه لا يفهم اخوها غلط المهم الاهل ما صدقوا وهوه تركها ولا فوق هذا كله كانت امه مكلمه صديقتي مره لانها طلبت منه انه امه تكلمها اذا كان صادق وامه كلمتها ولا قالت ابني خاطب او شي المهم تركها وبعد 7 شهور تقريبا سمعنا انه تزوج الاولى طبعا صديقتي انهارت المهم انه بعد زواجه ثلاث ايام اتصل على صديقتي بس هيه ما ردت وبعد ما مرن اسبوعين كان بيروح شهر العسل اتصل علييها بعد بس هيه هزأته المهم انه مر على زواجه 3 سنين وعنده ولد وبنت وطول هذي السنين وهو يحاول يتصل عليها بس هيه ما ترد ومن فتره طرشهلها مسج قالها انه مب قادر يعيش من دونها وانه طول هذي السنسن متعذب وانه بيتقدم لها ويبغيها توافق صديقتنا هذي بعد ما الي صار فيها التزمت وتحجبت وتنقبت والله هداها بس رغم مرور 5 سنين بعدها تحبه نحنا قلنالها لا ترد عليه ولا تعطيه ويه ما يستاهلها اصلن انا عن نفسي قلتلها الي تخلى عنج مره ما يتساهل تعطينه فرصه ثانيه انتوا شو رايكم وشو الحل عشان تنساه

آسفه على الاطالة ومشكورين

اختكم غرشوبة دبي

بالطبع لا توافق .. فكيف تأمن على نفسها من غدر بها مرة .. وغدر بخطيبته قبلها عندما تعرف عليها ..

لتدع الله أن يهبها من يستحقها .. وأن يوفقها معه ..

اخواتي العزيزات حائزة الامل وعبير الاحلام شكرا لردكم كفانا الله واياكم وجميع نساء المسلمين من كل شر ورزقكم جناته

أنصحيها بالثبات وعدم الموافقة عليه..
ترى مثل ماحاول يترك زوجته ويجيها.. ماتضمن إنه مايسوي نفس الحركة فيها..
وهو لو فعلا يبغيها كان ماتزوج غيرها..
عزيزتي سانديها ولا تخلينها تضعف وتسيطر عليها عواطفها..

غالياتي بحرينية ولكن ,سيدرا,mona777 اشكر لكن مروركن وردودكم على العين والراس وكلاممكم انتوا والاخوات كلهم100 % صح

نصيحتي لها انها لا توافق عليه مهما صار الي يكذب ويخون زوجته ينخاف منه واذا تقدر تغير رقم هاتفها تغيره والله يبعد الشر عنها وعن جميع بنات المسلمين ويعوضها بزوج صالح ان شاء الله

شكرا عزيزتي مها على المرور وكلامكم كلكم عين العقل