|
تجربتي مع التساقط
حبيت اخبركم عن تجربتي مع تساقط شعري وذلك بعد الولاده
من بعد الولاده باربعه اشهر بدا شعري بالتساقط وبكثره حتى ظننت اني بصلع :( واخذت ادور في جميع المنتديات عن طرق وخلطات توقف او تقلل التساقط ووصلت الى هذة النتيجه والحمدلله استخدمت شامبو سورسير مع التونك استخدم امبولات من ايفا لتغذيه الشعر مرتين بالاسبوع كل اسبوع اضع حنه لمده 4 ساعات اكلت حبوب فيتامين البحار السبعه وبالانكليزي سفن سيس تحتوي هذي الفيتامينات على كبده سمك الحوت جربت خلطه الزيوت التاليه "زيت السمسم - زيت الخروع - زيت الزيتون - جوز الهند - زيت الجرجير وذلك من الحواج "العطار" واذا غسلت شعري ما امشطه الا بعد نص ساعه مع التدليك والحين خلطيت الخلطه اللي تحتوي على زيت عافيه وحبه البركه والحلبه بس الى الحين ما جربتها انتظر يطوف عليها عشره ايام وبجربها بس لا تفوتكم الريحه الله يعيني عليها انا ما اقول التساقط وقف بس قل عن قبل وصار بالمعدل الطبيعي يعني المشط صار نظيف من الشعر وحتى الشقه :d وهذه تجربتي انشالله تستفدون منها وتحياتي |
ماشالله عليكي اخت مها على صبرك
ان شالله يزين الحال وانا بعد شعري خف عن اول كثير والحين قاعده اهتم فيه شوي شوي قاعده استخدم امبولات مرة كل اسبوع وزيت مخلط مرتين بالاسبوع لمده نص ساعه وبعدها اغسله وكمان يا غاليه حمام زيت بعد الاستحمام على بخار لمده نص ساعه مرة بالاسبوع ولا تنسين السيروم ممتاز ممتاز ممتاز لتقصف الشعر وانصحك بنوع اسمه كريستال روووووووووعه وان شالله الاقي نتيجه لانو فعلا شعري كان كثيييييييييييف مرة والحين كل من شافني قالي وين راح شعرك بس الموضوع يبغاله صبر واستمرار والله يوفقنا لما يحبه ويرضاه قبلاتي لك...... شووووووووق |
مشكوره اختي شوق على ردج وصج مثل ما قلتي الموضوع يحتاج صبر وطوله بال
اما عن السيروم راح اجربه ونشوف النتيجه والله يصبرنا ونشوف شعورنا راجعه نفس قبل واحسن تحياتي |
وأنا مثلكم .... بعد الولاده شعري خف كتيييير....
وهلأ عم بعالجه بإستعمال الكريمات والزيوت... وفي دواء إسمه مينوكسيل... قوي جدا وفعال.... تحياتي,, |
ممكن تفيدوني عن كيفية استخدام السيروم ....لاني سمعت عنه كثير بس ما اعرف كام مره يوضع ومتى؟ ومتم بخير
|
انا سمعت نصيحه الاخت شوق وشريت السيروم واستخدمته
مثل مو مكتوب على العلبه اضعه والشعر نظيف على الاطراف اما اضعه والشعر رطب ويكون سهل التمشيط او اضعه بعد تجفيف الشعر بالمجفف ويعطي شكل حلو للشعر بس حاسبي اختي اذا كنتي بالسعوديه ترى كذا منتج باسم كرستال بس في تقليد وفي اصلي واسعاره تتفاوت لانه انا شريته من السعوديه دخلت محل قالي 25 ريال ومحل 30 ريال ومحل 15 ريال واحترت بس يوم رحت الصيدليه كان سعره 30 ريال وقالي هذا المضمون اما الباقي تقليد احنا بالبحرين ينباع فقط بالصيدليات 3 دينار |
| الساعة الآن 02:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©