لماذا احتقر نفسي واقلل من شأني رغم مميزاتي !
 

ول شيء شكرا لكم على ردكم علي والله يجعله بميزان حسناتكم وبصراحه مادري شاقول لكم ومن وين ابداء لان الله وحده اعلم بحالتي بس بحاول قد مااقدر اشكي لكم لعلي اجد عندكم ماينفعني ويجعلني انسانه صالحه تساهم في بناء هالمجتمع
ارجوكم لاتهملون موضوعي عشانه طويل يمكن تكتبون لي كلمه تساعدني وتنقذ حياتي لاني والله احس نهايتي قربت ارجوكم اقروء موضوعي كامل
انا عمري 23 سنه متخرجه من معهد معلمات ولكن هذي السنه السادسه لي بالبيت ماهو لسبب الالسوء حظي لاني انا الخامسه ع دفعتي ومع هذا كل ماقلت تيسر امري لقيت الامر يتعقد اكثر خواتي اصغر مني توظفوا صاحباتي رغم انهم اغلبهم اقل من نسبتي بس توفيق من رب العالمين والله يوفقهم هذا الامر اثر كثير ع شخصيتي وع نفسيتي رغم اني

من زمان عندي مشاكل من ايام الصغر مثل ضعف الثقه بنفسي لدرجة التحقير والشعور بالفشل واني ناقصه واني ولما اروح لاي مكان احس اني اقل من البنات رغم لما اشرح لاحد مشكلتي تشوف الدهشه ع وجهه يقولون اذا انتي تحسين هالاحساس اجل حنا نقول ايش عن انفسنا لحضات بسيطه احس اني غلطانه واعيش صراع داخلي لما اشوف منظري واتذكر الاحاسيس اللي داخلي
احيانا لمااكون في مكان عام اشوف بنات امكانيتهم بسيطه ومه هذا تلقى الراس مرفوع والكلام مرتب انا لالو اوصف لك وضعي ماتصدق المهم جلست البيت نمت هذا الاحساس داخلي بزياده حاولت اشغل نفسي لان الفراغ ذبحني لكن يتحسن وضعي قليل وارجع اتدهور من قبل اربع سنين التحقت بحلقة تحفيظ قران وحفظت خمس اجزاء بفتره بسيطه ولكن طلعت منها لظروف كنت ببداية ايامي ملتزمه جداا ولكن مع الايام بداء كل شيء يتغير لدرجة اني نسيت القران وبديت ارتكب بعض المعاصي مثل الاغاني كل مااشتد امري احاول اصلاح نفسي كنت اشتري اشرطه اسلاميه واشرطه في مجال تطوير الذات مثل كيف تغير نفسك ومتعة الفشل وكتاب لاتحزن واسعد امراه بالعالم لكن بالبدايه كنت اتقبل هالاشياء وافتخر بنفسي لكوني اقراء في مجال تطوير الذات والعقل اللاوعي ولكن مع الايام صرت اشعر اني مريضه ولما اسمع مثلاا نت غير فاشل احس بتوتر داخلي كانه يقصد العكس وهذي احيانا موكثير تصير معاي المهم مع الايام عرفت النت وكنت محافظه ع نفسي بجنون بس مع الضغوطات بديت اضعف ادخل شات وانا اقول فقط عشان ارضي ع نفسي لما اشوف ان عالم كثير فارغ مثلي وبصراحه تعرفت ع مجموعة شباب وانا قلت مجموعه لان الله العالم اني فقط اريد ناس تشعر بي لااريد حب اوغزل لاني لو بغيت كذا كان حاولت من اول شيء والوسايل غير النت كثيره بس والله كان هدفي القى ناس انشغل معاهم ويكون عندهم مثل ماعندي عشان احس اني ماني غريبه اوناقصه بهالمجتمع والله كنت ادخل اغلب الاوقات وابكي واقول صاحباتي وخواتي نايمات للمدارس وانا جالسه مع اشباح قعدت فتره طويله ماانام يجيني ارق فضيع وتفكير وساوس وانا لوحدي اهلي نايمين انا اتقلب طول الوقت لدرجة اني كنت اقول ابي السعاده لوكانت حرام ابي اقطع التفكير لو بالغلط لاني والله ماقدرت اتحمل المهم مع الايام كان من ظمن اللي تعرفت عليهم ع الاييميل شيعي وكان يتكلم لي عن مذهبهم وانا اسمع بقصد الفضول وحاولت انسى نفسي وانشغل بقضايا العالم وكنت خايفه ع عقيدتي لان احيانا يقول كلام يقنعني بس مع الايام وقفت موضوع المذهب خوفا ع نفسي وصرت اقوله ع مشاكلي وهو يساعدني طبعا عشان مااتعلق فيه كنت مجمعه شباب كثير ع الايميل وكل فتره اجلس مع واحد من جد ربي ستر علي ذيك الفتره يمكن لو طالت شوي كان وقتي داخل الارض لاني كنت حاسه انه غلط بس كنت بااحس بقيمة نفسي لو بالغلط لين ماصرت اكلم كم شاب داخل وخارج دولتي يمكن خمسه والله العظيم كان هدفي فقط اشغل نفسي وانا عارفه انه غلط بس احاول مااترك مجال للتفكير لانه لما افكر اتعب وتستغربون لو اقولكم كنت مؤدبه والله اعلم واحيانا كنت اضغط ع نفسي عشان اكون مؤدبه واول مااشوف الواحد يتمادى ع طول اطنشه وع فكره مكالمتي كانت مودايمه بس ساعات مااتعب نفسيا نسيت نقطه ان اغلب البنات اللي تعرفت عليهم كانه هدفهم فقط مصلحه والله كانوا وقت الحاجه معاي ولما استغنوا بوظايف او اكمال دراسه اوزواج صار ماعندي احد عشان كذا كنت ببدايه ماادخل شات ابحث عن صديقه وكم مره يلعبون علي لين ماطحت وانا تعقدت من البنات اللي معاي يعني انقطعت علاقاتي بعد ماكنت ازورهم واكلمهم فجأه جلست بالبيت وحيده وماعندي احد حتى اهلي رغم انهم مومقصرين بس ماالقى احد
بجنبي ع طول كنت ابكي ع وضعي وعارفه اني مخطئه وصرحت اختي الصغيره وحاولت تساعدني تعبت لدرجة جاني اكتئاب ولما شفت صحتي اتدهورت كلمت اخوي رغم صعب الموضوع بس ظغطت ع نفسي وقلت له انا محتاجه دكتور وفعلا رحت لدكتور نفسي وشكيت قليل بس كان نفسي اشرح وضعي اكثر لانه احس مااعطاني فرصه اكبر عشان اعبر المهم بالنهايه قال معاي اكتئاب واعطاني ادويه اخذتها لمدة شهر بس خفت اطول عليها ادمن عليها وكان لي موعد بس انا من محافظه بعيده جدا عن المدينه اللي يتواجد فيها الدكتور وبمنطقتي كلها مافي دكتور وكنت ادعي الله اني اروح للدكتور مثل ماادعي ربي انه يسخر لي المعجزات لانه معجزه اني اروح لدكتور عند ناس مثل اهلي ومجتمع مثل مجتمعي حتى انا احيانا اكون ضد نفسي واحس بالضعف لما اتذكر اني رحت عياده نفسيه بس الله اعلم ان وضعي ترتب ايامها خصوصا التفكير السلبي انقطع مره عني وبكيت لله وندمت على اعمالي وتبت واعلنت توبتي ببيت الله وطلبت من الله المساعده وان الله يعوضني بالحلال عن الحرام
وانا من صغر سني رغم اني ماعندي ثقه بنفسي الااني الوحيده من العايله ومن اسرتي اللي اغلب شباب عايلتي ومحافظتي يبغوني والله ماابالغ كان الكل يحب اخلاقي وشكلي الي مااشوفه وكانوا اهلي يرفضون اغلبهم المهم بعد ماجيت من العمره صممت على ان انقذ نفسي وكان وقتها متقدم لي ثلاثه وواحد رابع عن طريق النت (موقع زواج )
كانوا اهلي يقنعوني بولد عمي وانه انسب شخص قعدت استخير اكثر من شهر وشهر رمضان كامل وانا استخير واطلب الخيره لين ماوافقت وملكت يوم العيد برغم انه صارت مشاكل بين اهلي واهله جعلتني منهاره يوم ملكتي بس الحمد لله الامور تحسنت الحين لي خمس شهور ملكه مشكلتي الآن بخطيبي اللي احيانا يجعلني اضعف واحاول قهره بمايكره بس اتذكر الله وارجع عن ماانوي
لاني مابي اغضب الله ابد مهما كان قصدي وظرفي بعد اللي فات خطيبي يسافر كل اسبوع لدوله مجاوره امه من ذيك الدوله بس هو علاقته مع امه بسيطه وكان مقنعني انه يروح عشان عنده شغل وهو عنده سياره تشتغل هناك المهم مع الايام وكل ناس على شغله وحلف انه مايسافر ويقول انا ندمان واعترف لي انه كان له علاقات وكسر شريحته الثاتيه عشان يثبت لي انه تغير بس مشكلته اليوم يتعدل وبكره يتغير وضعه وانا احيانا اعذره لانه مر بظروف صعبه ايام طفولته احس تاثيرها عليه الا الان اخذوه من امه وعمره سنتين وعاش مع زوجة ابوه وكانت قاسيه عليه لدرجة انه انحرف والتم على شله فاسده ودخل السجن وهو يحلف لي لين الان انه بريء وهو عمره الحين 27 سنه بس احيانا احس كانه طفل يقول لي يحظك عندك ام وانا ماعندي ام ومن هالكلام ولين الحين ماحد يهتم فيه من اهله واحيانا يقرقون بينه وبين اخوانه بالتعامل ويقولي انا عشان كذ اسافر ماني مرتاح نفسيا ماحد مريحني حتى اكلي ماحد يهتم فيه الاحظ عليه كثير يكذب علي خصوصا لما يبغى يسافر برى يقولي طالع البر ويحلف لي واكتشف من وراه انه مسافر برى ولما ابكي واقول انا مابيك تخرب نفسك وبيتك ودينك يقول انا الحين مجبور من الضغط اللي اعيشه بكره بس نتزوج ابطل سفر وبصراحه انا اشوف فيه نزعة خير يعني اول كان مايصلي الحين بداء يتغير واحيانا لمانتكلم عن الموت يقول وش رايك نلتزم انا نفسي اغير فيه واغير بنفسي واخذ الاجر بس مشكلتي مااتحمل لما يجي يوم الاربعاء تتغير كل افكاري واقعد اصيح واقول طلقني وابكي عن اهلي لانه يوم الاربعاء يسافر لاني اتخيله ماراح يتغير بعد الزواج واخاف عليه من شلة الفساد ومن الحرام واحبه وماقدر اتخلى عنه بس عايشه بصراع الحين مادري كيف اقطع التفكير لاني تعبت بالمره اتخيل اشياء وصرت اشك فيه وخايفه من المستقبل وانا ماتحمل انه يسافر لاسباب كثيره اولها لاني ماني واثقه واخاف يقارن بيني وبين بنات الهوى ولما اقول كذا يقول مافي وجه مقالانه بينك وبينهن وانا مفهمك اني اروح فقط اغير جو بس اول الايام كان يقولي مواقف مثل اتصلت علي وحده تقول تعال شف الثلج عندنا المهم ابي منك الحل وش اسوي بصراحه خايفه ع نفسي وخايفه علي وع فكره زواجنا مطول لظروف ماديه رغم اني حاولت اقلل التكاليف

الله يخليكم ساعدوني وش اسوي انا احبه ومابي اخرب حياتي وبنفس الوقت احب نفسي وحركاته هذي تاذي مشاعري نفسي اساعده واغير فيه وفي نفسي واعوده ع الصلاة وع الدين بس كيف الطريقه وانا كيف اغير بنفسي انا دخلت دورات عشات اقطع الفراغ بس المشكله وضهي متقلبي يعني اليوم تمام بكره اي موقف يصير يقلب كياني الله يخليكم تعبت من التفكير بالمستقبل وخايفه وندمانه اني وافقت عليه وبنفس الوقت ابيه ابي حل ارجوووووووووووووووووووووووووووووكم لاتبخلوني علي كيف اعدل وضعي ووضعه كيف اخليه يترك الكذب ويداوم ع الصلاة انا حاولت واشوف تغيرات من ناحية الصلاة بس ابس اكثر حل وكيف يكون عندي ثقه بنفسي ابي كلام يدخل ومايطلع لاني اقراء اطبق الكلام يوم وارجع لوضعي كيف احافظ ع بيتي ساعدوني الله يخليكم الله يخليكم الله يخليكم والله اكتب وقلبي متقطع من الالم




آسفه على الاطاله بس حبيت اشرح وضعي لاني دايم اكتب بالمنتديات ابي حل واطلع خايبه

والله ياأختي مشكلتك متفرعه ..ويبي لها جلسـه

انا بالنسبه لي عندي بعض الحلول ..وبما اني اخذت وقت بالقرائه ..راح ارجع واعلق بوقت ثاني

واترك الأعضاء الباقين يساعدونك


تحياتي

اختي الكريمه
 

مثل ماقال االا خ رايق مشكلتك كبيرة ولازم تعطينا وقت نفكر مو لصعوبه مشكلتك لا بل حتى نعرف كيف نخلها لك واقول لك في كتير بنات زيك وبصراحه اعاني من هذه المشاكل انا احيانا اي انسان ممكن بس انت اصبري شوي علينا وانا سوف ارد عليكي بوقت لاحق حتى اتعمق بمشكلتك اكثر والله يوفق
اختك نانا