|
تزاعلنــــــــــــــــا .... والسبب...... جوال كاميرا؟؟؟؟؟؟
للاسف والله كان هذا اخر ماتوقعته منها
صــــــــــــارت الدنيا ..... مظاهر ... مكابره .... مقاحره تخيـــــــــــــــــلـــــــــــــــــوا البارحه كنا في زيارة لبيت اخوي الكبير المتزوج ..... وهناك طبعا زوجة اخوي طالعة على زوجتي بجوال كاميرا آخــــــــــــــــــــــــــــــــر موديل ..... و زوجتي ولعت وتناقزت غيرة وغضب .... وبعد ماطلعنا من عندهم الا وانوااااااااااااااااااع الزنه والرنه على اذني .... تقول ..... شف اخوك احسن منك شف اخوك شاري لزوجته جوال شف اخوك يحب زوجته مرررررره وشف اخوك .... وشف .... وشف ... وشف .... انا ولعت وصرخت في وجهها لدرجة كادت توصل الى اليد .... بس والله مسكت نفسي مررررررررررره طيب وش ذنبي انا ؟؟؟؟ اذا اخوي ربي معطيه خييييييييييير وانا اقل منه ؟؟؟؟ الله يستر بس هذا جوال بس وشلون اذا صار قصر كبير ( قريب راح يشتريه ) وقتها شكلها نهااااااااااااايتهـــــــــــــا مع بعض !!! المغلوب على امره المديونير |
الله المستعان أخي الحبيب ... لا بأس عليك إن شاء الله ... وعليها لا بأس كذلك .. هذه حال الكثير من النساء ... عليكَ بالصبر .. والهدوء ( وإن كان في ذات الموقف صعب شيئاً يسيراً ) لكن أنت لها إن شاء الله .. وحاول أن تنصحها في وقت الصفاء والراحة واللين ... بطريقة غير مباشرة .. أخي علمها .. ليس عيباً .. اشرح لها ظروفكم التي هي أعلم بها .. أخبرها بأنه من غير العدل والمنطق المقارنة بين اثنين غير متكافئين ماديا ... وإن لم تكن قد قصرت معها يوماً .. فذكرها بالأيام الخوالي وأفعالك وإياها ... أنا لن أبخل عليكِ يا أم فلان لو كنت أملك شيئاً ... فأنا وما أملك لست إلا لكِ ولأولادنا ... همسة أخيرة ... كلما كانت المرأة في قرب من الله وطاعة وصلاح .. كلما وفقها الله للبعد عن مثل هذه الأمور أو حتى النظر إليها بنظر الغيرة ... فحاول أن تصل بها إلى هذه المرحلة بطريقة غير مباشرة .. وفقك الله ولا تزعل نفسك .. ولا تزعلها .. ترى هذا موقف عادي لا تجعل منه أمراً كبيراً :d |
اخى الحبيب
الصبر ثم الدعاء لها ولك ذكرها بالله وعلمها السنه فى ذلك واشترى لها بعض الكتب فى ذلك والله معك اعانك الله ورزقك الصبر |
وش فيها ياخي وفروا حق الجوال وخذ لها ...... سوري بس اعرف ذا النوع من الحريم ما ترتاح الا اذا صار اللي تبي وخاصه اذا العوامل المستفزه دائمه
|
لا صراحة هي غلطانة المفروض الواحدة لا تنظر اللى في يد غيرها ،،، كل واحد ليه ظروفه و امكانياته و لا داعي للمقارنة اللى ممكن تتعبها و توتر حياتهم ،،، هي اكيد تعرف امكانياتك المفروض لا يكون هناك طلبات تعجزك .... فهمها هذا الكلام قد لا تكون تعرف امكانياتك بالضبط اجلس معها و فهمها بهدوء ان الزوجة العاقلة لابد ان تتفهم وضع زوجها المادي و لا ترهقه بالكماليات .... و ربنا يهديها لك
|
هذه المشكله الغيره اذا اجتمعت تولد الانفجار
ومبدا المقارنات سبب تعاسة كل بيت انت ذكرها انك ما تحب انها تقارن نفسك بغيرك وذكرها باللي اقل منها وافضل شيء خل لها مصروف وهي تتصرف فيه.... |
الله يعينك في بعض الحريم الله يهديهم الغير5 ذابحتهم انت خليك افضل منها وامسك اعصابك حاول تفهمها انك لوتقدر تجيب لها مابتقصر تفاهم مها بالهداوه علشان تعيش مرتاح
|
الله يصلحها غلطانه..............فهمها يمكن ورا هالجوال نفور بنهال وبين زوجها ويمكن هو ما يحبها ومن هالكلام........الله يهديها ويصلحها وانت يا عزيزي كلمها بالهدوء ان كلامها يزعلك ويخلي الملائكه تلعنها لانك زعلان......
|
المشكلة الأساسية في مرت أخوك..
أحس إنها تحب التفاخر باللي عندها وشايفة حالها على زوجتك.. وهذا النوع من الحريم يخلون الوحدة غصبا عنها تحس إنها أقل منهم.. بس إنت حاول تفهم زوجتك بهدوء.. ومافي داعي للصراخ.. تبي حل؟؟ أنا لما (أحيانا) أطلب من زوجي شي وأصر عليه وهو مايقدر يقول لي مثلا: أوكي أنا راح أبيع جوالي وآخذ أرخص نوع عشان أشتري لك بفلوسه إللي تبينه.. وصدقني بعد هالكلمة أحس روحي تااااااااااااااافهة وعديمة إحساس وأقول له: لا خلاص ما أبغي.. بس نصيحة: أوعدها أول ماتتوفر عندك فلوس والله يفرجها عليك تاخذ لها أحدث جوال.. وأحدث من اللي عند مرت أخوك.. (ورفقا بالقوارير) |
زوجتك غلطانه اكيد ومثل ما قالوا الاخوان هذه غيرة نساء ولازم توقفها بانك تجلس معها وتفهمها وضعك وظروفك ولازم تبين لها انك تضايقت من تصرفها وانك ما تحب المقارنات (اليوم تبي جوال وبكرة سيارة وبعده قصر وعلى ده الحال ما راح تخلص) بين لها انه الغيرة اساس خراب البيوت واللي يناظر للي عند غيره يتعب :29: .. بس كل هذا يكون باسلوب هادئ وبعيد عن المشاجرات والعصبيه
والله يهدي زوجتك وييسر اموركم ويصلح احوالكم ويوفقكم ويسعدكم مع بعضكم البعض .... |
| الساعة الآن 08:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©